SAGULION 16:19 - Tanou Moonsoi Timugon

¹⁹ Kalo iowon kau jajajou kapoam pagimbason paat mapaugar ra pangakiman. Kalo iowon kau mangapu ra rasua sabap rasua mokobolou ra ulun, am poyo ulun mapintar am mabanis guang pana, saboi mamatas ilo ra masala.

SAGULION 16:19 ပူးပေါင်းရင်းမြစ်များ

MAZMUR 15:5

ondo' mapaira' ra ruit ra kolondo' bunga' am kalo mangapu ra ruit pangambi' koson manguu' ra ulun kolondo' sala. Ulun ondo' mambaal koson raginio kalinuos no ayuk.

KAINGKUALAN 18:21

Kaa' suai raginio, musiti' kou mampili' ra kukula' ngaulun ungkuyon ondo' mangapintar. Lantiko' ilo ra tingganai ru mamagun ondo' maningganai ra saribu ngaulun, maatus ngaulun, limo ngoopor ngaulun am mopor ngaulun. Musiti' ilo no ulun ondo' malaa' ri Aki Kapuuno', malansanan am kalo masaga' mangapu ra ruit pangambi'.

KAINGKUALAN 23:2

Pai' pagibaya' ra kasuangan ulun paat ra ilo mambaal ra kalaatan kapoam mapatumbalik ra katimpakan am mangani' ra inono' kalo motopot.

KAINGKUALAN 23:3

Pai' pamparuung paat ra sangulun musikin bisaraan giu' ra makama.

AMSAL 15:27

Ulun maguyum ra mauli' kaa' ralalom ralan kalo matanda', mapakapagon risilo sambaloi. Ulun ra kalo maambi' maawar painawo.

AMSAL 17:23

Akim ra kalo mabanis guang suminok mangapu ra rasua am kalo nampaugar ra katimpakan.

AMSAL 18:5

Kalo moonsoi sumaung ra ulun malaat, am mangimbolo' ra ulun kolondo' sala.

AMSAL 24:23

Ulun mapintar pana mindagu koson ragitio: Sangulun akim kalo iowon mambaal ra pagimbason.

AMSAL 24:28

Pai' sauk mantalinono' ra sasangulun amon kolondo' panguyatan ra motopot, kapoam manimbaal riso.

AMSAL 31:5

Bulintok ra raja' no manginum raginio, koson mampalilian ra ukum am mangimpai ra pagapuan ru ilo ondo' kolondo' lulu'.

MAMPATANOU 7:7

Amon ulun mapintar no magabau, ilo no kolondo' katandaan. Amon ru ulun mangapu ra rasua, ilo nampalunsai ra paliso moonsoi.

JISAYA 1:17

kaa' igigila' kau mambaal ra moonsoi. Pabigoro' noyo katimpakan: am indangano' ulun ra inimbolo', anii' anak ondo' nailusan ra matuo no ra ondo' motopot, sungkaa' noyo baal ru ulun-ulun napuor.”

JISAYA 1:23

Tingganai muno ulun malaat am pangkubayau ru ulun mantatakou. Masalok ilo mangapu ra tangguang am rasua. Kalo manungka' ilo ra anak nailusan ra matuo kapoam mangkirongog ra pakimasian ru ulun-ulun napuor.

JISAYA 33:15

Maayag kau amon ru mindagu am binaal mino motopot. Pai' min pakayo' kuasa' mino koson mamparuung ra ulun musikin, am pai' pangapu ra rasua. Pai' baya' ra ulun ondo' mangatang ra pamatayan kapoam mambaal ra kalaatan ra bokon.

JIRIMIA 5:28

am niayuk molomok am moonsoi bayag. Kalaatan nilo kolondo' polos. Kalo mangindangan ilo ra anak nailusan ra matuo, am kalo matimpok ra ulun inimbolo'.

YEHEZKIEL 18:8

Kalo makitaak io ra bunga' paat mampaira' ra ruit. Kalo masaga' io mambaal ra malaat am mamatas io ra matimpok ralalom ru moonong pansangaran.

YEHEZKIEL 22:12

Mokoondo' ulun ondo' masauk ra ulun mamatoi ra bayarin. Mokoondo' ulun makatimung ra bunga' ru ruit intor ra gino ngai' ru ulun ru Israil. Masauk ilo ra langkaya' ra mamparuung ra ulun. Nakalilian ilo noyo Raki'.” Tuhan Raja' nakaindagu noyo.

IMAMAT 19:15

“Pai' jajajou paat ra akau mambisara' ra baalon ru ulun. Pai' pansalaa', ondo' kia ra ulun musikin kapoam langkaya'.

MIKA 7:3

Ngaangai' ilo mapandai mambaal ra kalaatan. Ngaangai' pagawai am akim makitaak ra rasua. Ulun ondo' mauligan toojo mampajajal ra atan gogoton ru guang nilo. Ginio ra maguguum ilo koson mambaal raginio.

ABAKUK 1:4

Ginio ra undang-undang malawo am kolondo' onong; katimpakan kalo igondo' paugaro'. Ulun malaat masalok mangala ra ulun mabanis guang giu' ra makama; ginio ra katimpakan pinatimpurok.

RINALATAN 10:34

Indagu boo i Pitrus, “Bagu aku nakatutun ra nogondo' ayuk ngaangai' ulun ra pagilangan ri Aki Kapuuno'.

RINALATAN 16:37

Kaa' indagu boo i Paulus ra tingganai ru pulis i, “Kolondo' pana sala mai, kaa' linapos akai ra saang ru ulun masuang, am pasubolo' akai boo ra pangaputan kabalu' pana akai ti warganegara Roma! Raino paugaron nilo ayuk akai ra kalo mapandayan ru ulun! Sala' ka koson raginio! Ilo galama' musiti' mongoi ra giti pampalabus ramon.”

RINALATAN 23:3

Taam ri Paulus riso, “Okou po lapison ri Aki Kapuuno', okou ti ulun maabau-abau, koson ra timbok sinaat ra mapulak! Manturung kou ra giu' no manalasai raki' maya' kunu' ra Ukum ri Musa, kaa' okou po niayuk galama' manggal ra Ukum ti ra okou nanusub ra ulun nampalapis raki'!”

SAGULION 10:17

Tuhan i Aki Kapuuno' mino makakuasa' ra ngaangai' tuhan ra bokon am ngaangai' kakuasaan. Matulai am makakuasa' Io, am musiti' gagayaan Io. Kalo magimbas am kalo mangapu ra rasua.

SAGULION 16:18

“Lantiko' noyo tingganai-tingganai ru bansa' am pagawai-pagawai ra bokon giu' ra moonong bandar ondo' pataakon ramuyun ru Tuhan i Aki Kapuuno' min. Ngaangai' ulun musiti' mangakim ra mamagun ra matimpok.

SAGULION 24:17

Pai' talingaawo' kaapuan ru ulun bansa' ru bokon am anak nailusan ra matuo. Pai' alapo' bayang ru sangulun napuor koson ra jaminan ru utang nano.

SAGULION 27:19

“ ‘Kaulas noyo ulun ondo' tumalingaau ra kaapuan ru ulun bansa' ru bokon, anak nailusan ra matuo am napuor.’ “Ngaangai' ulun tumaam ra, ‘Amin!’

SAGULION 27:25

“ ‘Kaulas noyo ulun ondo' nangapu ra ayup koson mamatoi ra ulun ondo' kolondo' sala.’ “Ngaangai' ulun tumaam ra, ‘Amin!’

1 SAMUIL 12:3

Raino ti, migor aku ra saang min. Amon ru nambaal aku noyo ra kasalaan, panguu' kano raki' ra saang ru Tuhan am raja' ondo' pinili' Nano. Igondo' aku kia nampagaau ra sapi' kapoam kaladai ru ulun ra bokon? Igondo' aku kia namparuung kapoam nangimbolo' ra ulun bokon? Igondo' aku kia nangapu ra rasua intor ra ulun? Raguo' ayuk, maa' raginio atan ayuk ondo' inalap kuli pasagulion ku.”

1 SAMUIL 8:1

Paat ra i Samuil matutuo noyo, pinili' no anak-anak nano masauk ra akim giu' ra Israil.

1 SAMUIL 8:3

Kaa' kalo namaya' ilo ra ama' nilono. Naguyum ilo ayuk ra kalabaan galama'; nangapu ilo ra rasua am nangakim ra mamagun ra kalo matanda'.