SAGULION 16:18 - Tanou Moonsoi Timugon

¹⁸ “Lantiko' noyo tingganai-tingganai ru bansa' am pagawai-pagawai ra bokon giu' ra moonong bandar ondo' pataakon ramuyun ru Tuhan i Aki Kapuuno' min. Ngaangai' ulun musiti' mangakim ra mamagun ra matimpok.

SAGULION 16:18 ပူးပေါင်းရင်းမြစ်များ

1 TUNUNG RU BANSA' ISRAIL 23:4

Kopongo raginio 24,000 ngaulun risilo pinangandoi ru Raja' Daut koson manalingapu ra kandoi giu' ra Baloi ru Tuhan, 6,000 ngaulun koson manalingapu ra kandoi ru upis pamarintaan am mangakim ra pansangaran,

1 TUNUNG RU BANSA' ISRAIL 26:29

Papag ri Jijgar, iono i Kinanya am niayuk anak-anak nano, inanian ra kandoi ru upis pamarintaan am kandoi pangakiman giu' ra Israil.

IJRA 7:25

“Musiti' okou, Ijra, manampakuan ra kapintaran ondo' pinataak ri Aki Kapuuno' rirun. Lantiko' tingganai-tingganai am akim-akim maa' raginio maningganai ra mamagun giu' ra Iprat Kalasaan, ondo' maayag sumugut ra Ukum ri Aki Kapuuno' muno. Musiti' okou mangila' ra Ukum no ra ngaangai' ulun ondo' kalo poyo nakapandai raginio.

KAINGKUALAN 18:21

Kaa' suai raginio, musiti' kou mampili' ra kukula' ngaulun ungkuyon ondo' mangapintar. Lantiko' ilo ra tingganai ru mamagun ondo' maningganai ra saribu ngaulun, maatus ngaulun, limo ngoopor ngaulun am mopor ngaulun. Musiti' ilo no ulun ondo' malaa' ri Aki Kapuuno', malansanan am kalo masaga' mangapu ra ruit pangambi'.

KAINGKUALAN 21:22

“Amon ru mokoondo' kukula' ngaulun ungkuyon mansangor am namilat ra sangulun ruandu' maapang saboi io mairuan, kaa' ruandu' no galama' kalo napilatan tayar ra bokon, ulun ondo' namilat ra ruandu' no musiti' tagion sumugut ra kitaak ru ralaki ru ruandu' no, am pangiawan ru akim.

KAINGKUALAN 21:6

musiti' tuan nano magibit riso ra intok sambayangan. Giu' no susubon ulipon no migor am sumandig ra kulobon kapoam lugu' ru kulobon, musiti' tibakin ru tuan nano talingo ru ulipon no. Koon raginio boo masauk ulipon no ra ulipon ru tuan nano saboi matoi.

AMSAL 31:23

Ralaki nano tingganai ru nasuangan ulun, am sangulun maayo pangkat.

MATIUS 5:21

“Maaru' nokorongog kau ondo' pinabala' ra kinamatuaan takali, ‘Pai' no pamatoi ra ulun; osoi ayuk pana mamatoi, io ti ibiton ra saang ru akim.’

MATIUS 5:22

Kaa' raino ti balain takamin: Osoi ayuk pana sumangit ra pabukat nano, io ti ibiton ra saang ru akim; am osoi ayuk pana magulas ra pabukat nano, io ti ibiton ra Majlis Ugama; am osoi ayuk pana mampiau ra pabukat nano ra ‘malaat’, io ti pasubolon ra naraka.

SAGULION 16:17

sumugut ra kaandaran nano am sumugut ra suang ru barakat ondo' pinataak noyo riso ru Tuhan i Aki Kapuuno' min.”

SAGULION 16:19

Kalo iowon kau jajajou kapoam pagimbason paat mapaugar ra pangakiman. Kalo iowon kau mangapu ra rasua sabap rasua mokobolou ra ulun, am poyo ulun mapintar am mabanis guang pana, saboi mamatas ilo ra masala.

SAGULION 17:12

Osoi baani mansang ra akim kapoam imam ondo' mangandoi musiti' ukumin ra matoi; gitio ralan min mamuso ra kalaatan ra Israil.

SAGULION 17:9

Giu' no, pabalaa' baal raginio ra imam ru bansa' ru Liwi, am ra akim ondo' mangandoi paat raginio. Polosoo' noyo ilo mangakim ra baal raginio.

SAGULION 21:2

am tingganai-tingganai mino am akim mino musiti' mingkual koson manuku' ra galur intor ra intok ru baangkai no natuum mongoi ra moonong bandar ondo' nakainggaar.

SAGULION 25:1

“Amon ru ruo ngaulun ru Israil mongoi ra makama koson manalasai ra pansangaran, am sangulun napandayan ra kolondo' sala am sangulun poyo napandayan ra makasala.

1 SAMUIL 8:1

Paat ra i Samuil matutuo noyo, pinili' no anak-anak nano masauk ra akim giu' ra Israil.