SAGULION 16:15 - Tanou Moonsoi Timugon

¹⁵ Urumato' noyo Tuhan i Aki Kapuuno' min ra mangiantak ra pangiantakan ragitio buoi tulu' ngoorou giu' ra rondo' intok sambayangan no. Pakaansuk noyo sabap ra nambarakat noyo Tuhan ra kinumos am kandoi min.

SAGULION 16:15 ပူးပေါင်းရင်းမြစ်များ

NIGIMIA 8:17

Ngaangai' ulun ondo' siminaguli' intor ra pamatiran nambaal ra kalukub am minayan ra giu' no. Gitio noyo kainsaa' baal raginio binaal intor ra bulintok ri Josua anak ri Nun. Ilo ngaangai' naansayan am naansukan.

ESTER 9:22

Koon raginio baal no sabap ra paat orou raginio noyo ilo nangala ra pantula', saboi kangilukan am kasilukan nilo nakulau nasauk ra kaansayan am kaansukan. Ginio ra musiti' ilo mangiantak ra orou-orou raginio ra bunsag am pagakanan am niayuk mantataak ra akanon ra rondo' am bokon, mangayup ra ulun musikin.

SAGULION 12:5

Intor ra titikop wilayah ru ngaangai' bansa' min, mampili' Tuhan rondo' intok maa' raginio makaratong kau ra saang Nano am sumamba Riso ra giu' no.

SAGULION 16:10

Kopongo raginio iantako' Pangiantakan ra mangkumos koson mangurumat ra Tuhan i Aki Kapuuno' min. Panaak noyo Riso ra taak kalo kibayarin, sumugut ra suang ru barakat ondo' pinataakan noyo ramuyun.

SAGULION 16:14

Pakaansuk noyo mabaya' ra anak-anak mino, mangngandoi mino, ulun ru Liwi, ulun bansa' ru bokon, anak nailusan ra matuo am napuor ondo' minayan giu' ra bandar-bandar min.

SAGULION 16:16

“Ngaangai' ungkuyon ru bansa' min musiti' matong koson sumambayang ra Tuhan i Aki Kapuuno' min intalu sambilor, giu' ra rondo' intok sambayangan: paat ra pangiantakan Paska, Pangiantakan ra mangkumos am Pangiantakan Mangkalukub ra Raun. Moonong ungkuyon musiti' magibit ra taak

SAGULION 30:16

Amon ru gumagaya' kau ra susuban ru Tuhan i Aki Kapuuno' min ondo' taakin kuno ramuyun ra orou raiti', am amon ru motogom am niayuk gumagaya' kau Riso, am mambaal ra ngaangai' ukum Nano, am akau pana langkaya' am masauk ra bansa' ondo' maayo. Mambarakat Tuhan i Aki Kapuuno' min ramuyun giu' ra tana' ondo' kalo boo mabuoi ayanin min.

SAGULION 7:13

Motogom am mambarakat Io ramuyun, maa' raginio rumuang kau am makaalap kau ra masuang anak. Mambarakat Io ra umo min maa' raginio kaulian kau ra gandum, wain am umau jaitun. Mambarakat Io ramuyun am manaak ramuyun ra masuang bibiag tinambiag am domba. Manaak Io ramuyun ra ngaangai' barakat ti giu' ra tana' ondo' binantu' Nano ramuyun, sumugut ra bantu' Nano ra kinamatuaan min.