SAGULION 16:10 - Tanou Moonsoi Timugon

¹⁰ Kopongo raginio iantako' Pangiantakan ra mangkumos koson mangurumat ra Tuhan i Aki Kapuuno' min. Panaak noyo Riso ra taak kalo kibayarin, sumugut ra suang ru barakat ondo' pinataakan noyo ramuyun.

SAGULION 16:10 ပူးပေါင်းရင်းမြစ်များ

1 KORINTUS 16:2

Koson ragitio: moonong orou Minggu', akau ngaangai' musiti' manimung ra ruit sumugut ra maalap ru sigagama'. Timungo' min kalalair ruit no saboi ra aku makaratong, maa' raginio, kalo pana timungon ra aku makasuku'.

2 KORINTUS 8:10

Sumugut ra pamaguangan ku, moonsoi pongoonon min raino ondo' natalimpuunan min ra sambilaran i. Akau kasaa' toojo nampaguang am nakatampos nangani' ra ruit pangindanganan ti.

JOIL 2:14

Maaru' lair Tuhan i Aki Kapuuno' mino mangulau ra pangkaraan Nano, am mambarakat ramuyun ra ampos ru tana' ti ondo' masuang. Ginio ra makapampataak kau Riso ra gandum am wain.

AMSAL 10:22

Sabap ra ulun lumangkaya' intor ra barakat ru Tuhan; pirot ru kandoi kalo makaruang ra rapu'.

UNTABAN 31:28

Intor ra tayar ondo' tinaakan ra saujor, alapo' noyo sangulun rinakop intor ra moonong 500 ngaulun rinakop, am pataako' noyo ilo Raki', Tuhan, koson ra taak indangan ra luntukon. Baalo' koson raginio niayuk ra sapi', kaladai, domba am kambing.

IMAMAT 25:26

Sasangulun ondo' kolondo' pabukat koson mamuli' ra tana' nano, maaru' lair paat ra orou matong masauk langkaya' am maalap no mamuli' raginio galama'.

IMAMAT 12:8

Amon ru kalo makabali ruandu' no ra sanginan anak domba, musiti' io magibit ruo ngainan susuit asang kapoam susuit maningkuluuk, sanginan tayar ra taak simbalui koson mapabansuk ra guang ru Tuhan, am sanginan poyo tayar ra taak simbalui koson mangampun ra tula. Paugaron boo ru imam upacara mamuso ra jamol nano. Mopongo raginio bagu no mapasau ruandu' no.

IMAMAT 5:7

Amon ru ulun makatula no kalo makapanaak ra sanginan domba kapoam kambing koson mamuli' ra tula nano, musiti' io mapataak ra Tuhan ra ruo ngainan susuit maningkuluuk kapoam ruo ngainan susuit asang: Sanginan tayar ra taak simbalui koson mangampun ra tula, am sanginan poyo tayar ra taak simbalui koson mapabansuk ra guang ru Tuhan.

2 KORINTUS 8:12

Amon maayo guang min mangani', apuon ri Aki Kapuuno' taak mino maya' ra atan ondo' mataakan min, sala' ka maya' ra ondo' kalo mataakan min.

KAINGKUALAN 35:29

Ngaangai' ulun ru Israil ondo' moogot am masaga' mangani' ra atan pana, magibit ra taak nilono ra Tuhan koson ra kandoi ondo' nanusuban Nano ri Musa.

SAGULION 16:9

“Untobo' noyo tulu' ngaminggu' tumalimpuun ra orou kasaa' akau mangkumos ra gandum.

SAGULION 16:11

Pakaansuk noyo ra saang ru Tuhan, mabaya' ra anak-anak mino, mangngandoi mino, ulun ru Liwi, ulun bansa' ru bokon, anak nailusan ra matuo, am napuor ondo' minayan ra bandar-bandar mino. Baalo' noyo baal raginio giu' ra rondo' intok sambayangan no.

IMAMAT 23:15

Tumalimpuun orou ra mopongo orou Sabat, paat akau mapataak ra Tuhan binangkos ra barli ondo' kasaa', musiti' min untobon ra masisir tulu' ngaminggu'.

UNTABAN 28:26

Paat ra orou kasaa' ru Pangiantakan Napangaan Nangkumos, paat ra akau mapataak ra Tuhan ra gandum ondo' bagu, akau musiti' tumimung koson sumambayang; pai' pangandoi ra maagat.

1 TUNUNG RU BANSA' ISRAIL 29:14

Aku am mamagun kuno sotopot no kalo makapangani' ra atan pana Rirun, sabap ra ngaangai' tinaakan Muno am atan ondo' taakin maiti longgom Muno niayuk.

2 TUNUNG RU BANSA' ISRAIL 31:14

I Kori anak ri Jimna, sangulun Liwi ondo' ragili nasauk ra tingganai magalung giu' ra Kulobon Garabang Sirangon Baloi ru Tuhan, pinangandoi mangapu ra taak ondo' pinataak ra Tuhan am niayuk mantatayar raginio.