SAGULION 15:9 - Tanou Moonsoi Timugon

⁹ Pai' kau karara' mapaira' riso ra sasaban ayuk ra bilor mamuso ra utang mamaar noyo. Pai' polosoo' pangkaraan kinalaat raginio sumubol ra guang min. Amon ru marara' kau mapaira', mampalaa ulun no ra Tuhan am pabalaan kau ra makasala.

SAGULION 15:9 ပူးပေါင်းရင်းမြစ်များ

AYUP 34:28

Nangkinibit ilo ra ulun musikin mampalaa ri Aki Kapuuno', am morongog ri Aki Kapuuno' laa nilo.

MAZMUR 101:3

kalo polosoon ku kalaatan no masauk. Masisang aku ra baalon ru ulun ondo' siminiang; kalo masaga' aku kumubayau risilo.

MAZMUR 12:5

“Akai manguasa' ra kabang maiti. Mindagu akai maya' ra kasagaan ru guang mai; kolondo' sangulun pana makakau' mansawai ramon.”

MAZMUR 9:12

Koompor kono Tuhan ondo' namarinta ra Sion! Potonowo' noyo binaal Nano ra moonong bansa'!

KAINGKUALAN 22:22

Pai' kalaat ra napuor kapoam anak nailusan ra matuo.

KAINGKUALAN 22:23

Amon ru malaat kau risilo, Aku, Tuhan mangiou ra kitaakon nilo paat ra ilo makiindangan Raki'.

KAINGKUALAN 3:7

Indagu boo Tuhan, “Nakito Ku noyo kaimbalaan ru bansa' Kuno giu' ra Misir. Naining Ku noyo ilo naguros makilabus intor ra ulun-ulun nangulipon no. Sotopot no nakatutun Aku noyo ra ngaangai' kaimbalaan nilo.

AMSAL 14:21

Ulun ondo' monogom ra ulun musikin makakaansukan; ulun magasab ra bokon io mambaal ra tula.

AMSAL 21:13

Ulun ra kalo masaga' mangkirongog ra laa ru ulun musikin, kalo lioon bulintok ra io galama' makiindangan.

AMSAL 23:6

Pai' kau pababaya' mangakan ra ulun makalit, kapoam matiakan ra akanon malanging pinasulung nilo.

AMSAL 24:9

Guangon ru ulun sasambungon ioginio tula ayuk. Ulun ondo' masalok maninduol ra bokon kasisangin ru osoi ayuk pana.

AMSAL 28:22

Ulun makalit mampaguang ra mataki' lumangkaya'. Kalo malimanan no ra kamusikinan mataki' makalumpa' riso.

AMSAL 4:23

Totomolo' noyo atan karaan mino, sabap ra pangkaraan mino mangatang ra kaayagan mino.

JIRIMIA 17:10

Aku, Tuhan, mangimumui ra guang; pangkaraan ru ulun kinamin Ku. Pamakuan Ku ra moonong ulun sumugut ra paliso nano, am pamakuan Kuno nontopot ra binaal nano.”

JIRIMIA 34:14

moonong tulu' ngambilor musiti' nilo palabuson osoi ayuk ulun ru Ibrani ondo' nasauk ra ulipon nilo buoi onom ngambilor. Kaa' kinamatuaan nilo kalo nampalio kapoam riminongog ra ragu Kuno.

MATIUS 15:19

Sabap ra intor ra guang no matong pangkaraan malaat, ondo' mangayat ra sasangulun no mamatoi, lumapau, mambaal ra makauyuyu', mantakou, magabau, am mampaluta'.

MATIUS 20:15

Maaru' makapanaak aku maya' ra guang kuno am ruit kuno galama'! Kua sangit kau ra kinataau ru guang kuno?’ ”

SAGULION 15:1

“Paat ra pompor ru moonong bilor katulu', pusoo' noyo utang ru ulun ondo' magutang ra ruit min.

SAGULION 24:15

Moonong orou ra kalo poyo tumolop mato ru orou, gajiin io noyo tayar ru kandoi ra orou raginio. Makapakuan io ra gaji' no am malansan ra maapu' no. Amon kalo aniin min io ra gaji', mambala' io ra Tuhan intor akau, am raguon kau ra makatula.

SAGULION 31:10

Nanaak i Musa risilo ra susuban, “Paat ra pupus ru moonong bilor katulu', ralalom ru bilor pamusaan ra utang, basaa' noyo Ukum ti ra bolos mosongou paat ra Pangiantakan Mangkalukub ra Raun.

JAKUBUS 4:17

Intor raginio, ulun ondo' nakapandai ra ati rondo' moonsoi baalon no, kaa' kalo niayuk suguton no baalo', ginio karaan ra makatula io.

JAKUBUS 4:5

Kaa' indos min kia ra raragu ayuk ondo' tinulisan ra Buuk Kitab ra, “Pinorondon noyo ri Aki Kapuuno' Ambiluo Nano ra guang takau sigagama', am maayo toojo kasagaan Nati ra Io ayuk tagamin takau.”

JAKUBUS 5:4

Kalo nampagaji' kau ra ulun ondo' nanantab ra bilor mino. Rongogo' noyo tangi' ru nangkausan nilai ti! Bobolos ru nanantab no naining noyo ri Aki Kapuuno' Ondo' Maayo Kaga' Kuasa'.

JAKUBUS 5:9

Pai' kano pagasab ra rondo' am bokon, maa' raginio akau pana kalo ukumin ri Aki Kapuuno'. Karaa'! Akim no mamaar noyo, makatampos Io no.

1 PITRUS 4:9

Apuo' noyo rondo' am bokon giu' ra baloi mino ra kalo mambarui.