SAGULION 15:21 - Tanou Moonsoi Timugon

²¹ Amon ru bibiag no najamaran koson kimpo', bolou, kapoam najamaran ra bokon ondo' mapaja', pai' pataako' bibiag no koson ra taak simbalui ra Tuhan i Aki Kapuuno' min.

SAGULION 15:21 ပူးပေါင်းရင်းမြစ်များ

IMAMAT 1:3

Amon ru mapataak io ra sanginan intor ra sapi' nano koson taak simbalui koson mapabansuk ra guang ru Tuhan, musiti' io mapataak ra sapi' gawayan ondo' kalo najamaran. Sapi' no musiti' ibiton no ra kulobon ru Kim ru Tuhan maa' raginio maansayan Tuhan ra ulun no.

UNTABAN 28:19

Papataak noyo ra taak simbalui koson mapabansuk ra guang ru Tuhan, tayar ru taak akanon Riso: ruo ngainan sapi' gawayan mamulok, sanginan domba gawayan am tulu' ngainan anak domba gawayan ondo' umur no sambilor. Ngaangai' no kalo najamaran.

UNTABAN 29:8

Papataak ra taak simbalui koson mapabansuk ra guang ru Tuhan. Taak simbalui no iono sanginan sapi' gawayan, sanginan domba gawayan am tulu' ngainan anak domba gawayan ondo' umur no sambilor. Ngaangai' no kalo najamaran. Owou ru lisun ru taak simbalui no mapabansuk ra guang ru Tuhan.

SAGULION 17:1

“Pai' papataak ra sapi' kapoam domba ondo' najamaran ra Tuhan i Aki Kapuuno' min; masisang Tuhan ra baal raginio.