SAGULION 15:11 - Tanou Moonsoi Timugon

¹¹ Gino ngai' ru ulun ru Israil, masalok mokoondo' kukula' ngaulun musikin am ondo' gumogot makiindangan. Ginio ra manusub aku ramuyun maa' raginio mataau guang risilo.”

SAGULION 15:11 ပူးပေါင်းရင်းမြစ်များ

KAINGKUALAN 23:11

Kaa' paat ra bilor ra katulu' musiti' tana' no polosoon. Buoi ru bilor raginio kalo panimungon kau ra ampos ru atan pana ondo' tumuu' galama' ra umo min. Polosoon noyo alapon ru ulun musikin, am suwo no tayar ru bibiag masigo. Baalo' niayuk ginio ra umo ru anggur am puun ru jaitun mino.

AMSAL 19:17

Mangindangan ra ulun musikin nogondo' koson mapaira' ra Tuhan. Tuhan galama' mambalos riso.

AMSAL 22:2

Ulun langkaya' am ulun musikin mokoondo' rondo' pogondo': Karuruo no binangun ru Tuhan.

AMSAL 31:20

Mataau io ra ulun musikin am mapagon.

YEHEZKIEL 18:7

Kalo mamparuung io kapoam mantakou. Pasagulion no kuliamos ondo' inapu nano koson ra jaminan ra irain. Mampaakan io ra ulun maitilan am mangani' ra bayang ra ulun kolondo' bayang.

MATIUS 26:11

Ulun musikin masalok mabaya' ramuyun, kaa' Aku kalo mantilayun mabaya' ramuyun.

MATIUS 5:42

Amon ru mokoondo' sangulun makitaak ra atan ayuk pana intor ramuyun, anii' io no. Amon ru mokoondo' sangulun magira' ra atan ayuk intor ramuyun, pairaa' io no.”

MARKUS 14:7

Ulun musikin masalok soroi ramuyun am makapangindangan kau risilo ra sasanggilan ayuk, kaa' Aku kalo boo masalok mababaya' ramuyun.

LUKAS 12:33

Talano' ngaangai' rapu' mino, am ruit no tatayaro' ra ulun-ulun musikin. Baalo' min rumpit pambulian ra ruit ondo' kalo maapu', ioginio rapu' giu' ra suruga' ondo' mantilayun, kalo matakou am kalo niayuk mokokot ru lipos.

JUANIS 12:8

Ulun musikin masalok soroi ramuyun, kaa' aku kalo.”

RINALATAN 2:45

Mokoondo' intor risilo mantalan ra rapu' nilai, am ruit i tinayar-tayar ra popolos nilo maya' ra pakuan ru sasangulun.

SAGULION 15:7

Amon ru mokoondo' sangulun Israil makiindangan giu' ra rondo' ra bandar giu' ra tana' ondo' pataakon ramuyun ru Tuhan i Aki Kapuuno' min, pai' karaa' kaatangan galama', am pai' kau karara' mangindangan riso.

SAGULION 15:8

Kaa', moonsoi ru mataau guang min am mapaira' ra ulun no ra kula' suang ondo' pakuan nano.