SAGULION 15:10 - Tanou Moonsoi Timugon

¹⁰ Anii' io ra atan ayuk ra kalo kibayarin am ra taau ru guang, am mambarakat Tuhan ramuyun ralalom ngaangai' ru baalon min.

SAGULION 15:10 ပူးပေါင်းရင်းမြစ်များ

AMSAL 22:9

Ulun mataau am mantayar ra akanon no ra ulun musikin, barakaton io ru Tuhan.

MAMPATANOU 11:1

Tonomo' noyo ruit giu' ra liwar ru pagun; maaru' makaalap kou ra kalabaan paat ra orou rumatong no.

JISAYA 32:8

Kaa' ulun mabanis guang mangatang ra baal ondo' matimpok, am mamatas ralalom katimpakan.

JISAYA 58:10

Paakano' noyo ulun naitilan am indangano' noyo ulun-ulun ondo' inimpayan. Amon ru makapambaal kau koson raginio, kalandaman pana giu' ra liliut mino masauk matawang koson ra orou ti.

MATIUS 25:40

Tumaam boo raja' no, ‘Balain takamin: Paat ra akau nambaal koson raginio ra sangulun rangan Kuno ondo' kalo maatang, koson binaal min niayuk ginio Raki'!’

RINALATAN 20:35

Ginio ra nanulu' aku no ramuyun ra amon ru mangandoi takau koson raginio makapangindangan takau ra ulun malawo. Karaa' min ati kulaan bala' ru Tuhan Jisus ra io minindagu, ‘Moonsoi poyo mangani' intor ra makitaak.’ ”

ROMA 12:8

Osoi ondo' inanian ra kapandayan mampaikang ra guang ru ulun, papiroto' noyo. Osoi ondo' inanian ra guang mangani' ra rapu' no ra bokon, pangani' no maya' ra kataawan. Osoi ondo' inanian ra kapandayan maningganai, paningganai no toojo. Osoi ondo' inanian ra guang makaasi' ra ulun bokon, pakaasi' no mabaya' ra maansukan.

SAGULION 14:19

“Majamol ngaangai' bibiag malumot ondo' makakawo; pai' pangakan ra bibiag mangalumot salinut raginio.

SAGULION 14:29

Akanon raginio tayar ulun ru Liwi sabap ra kolondo' rapu' nilo. Akanon raginio niayuk tayar ru ulun bansa' ru bokon, anak nailusan ra matuo am napuor ondo' minayan giu' ra bandar-bandar mino. Iowon ilo matong am mangalap ra ngaangai' ondo' kaukapan nilo. Baalo' noyo koson raginio am Tuhan i Aki Kapuuno' min mambarakat ramuyun ralalom ru ngaangai' kandoi min.”

SAGULION 15:18

Pai' pansagulian guang paat ra akau mapalabus ra sangulun inulipon, sabap ra nangandoi io noyo ramuyun buoi onom ngambilor, ra sampiruo gaji' ru sangulun mangngandoi. Baalo' noyo susuban raginio, am mambarakat ramuyun Tuhan i Aki Kapuuno' min ralalom ru ngaangai' kandoi min.”

SAGULION 15:4

Mambarakat ramuyun Tuhan i Aki Kapuuno' min giu' ra tana' ondo' pataakon Nano ramuyun. Kolondo' sangulun pana intor ra bansa' min masauk ra musikin,

SAGULION 23:20

Makapakitaak kau ra bunga' paat akau mapaira' ra ulun bansa' ru bokon, kaa' kalo pambaalon kau koson raginio paat mapaira' ra ulun sabansa' ramuyun. Gagayaa' noyo aturan ragitio, bagu no mambarakat Tuhan i Aki Kapuuno' min ra ngaangai' ondo' baalon min giu' ra tana' ondo' ayanin min.

SAGULION 24:19

Paat ra akau mangumung ra ampos ru kumoson min, am nakalilian nagibit ra sabangkos gandum, pai' rulio' koson mangalap raginio. Polosoon noyo gandum no tatangon ra ulun bansa' ru bokon, anak nailusan ra matuo am napuor, maa' raginio mambarakat Tuhan i Aki Kapuuno' min ra ngaangai' baalon min.

SAGULION 28:8

“Mambarakat Tuhan i Aki Kapuuno' min ra pirot min am mamanu' ra gudang min ra gandum. Mambarakat Io ramuyun giu' ra tana' ondo' taakin Nano ramuyun.

IBRANI 13:16

Pai' kano pakalilian mambaal ra moonsoi am mangindangan ra rondo' am bokon, sabap raginio noyo koson ra taak simbalui ondo' mapabansuk ra guang ri Aki Kapuuno'.

1 PITRUS 4:11

Osoi ayuk inanian ra kapandayan mindagu, moonsoi ru mampasaboi io ra bala' intor ri Aki Kapuuno'; am osoi ayuk mangindangan ra ulun bokon, musiti' io mangindangan mabaya' ra ikang intor ri Aki Kapuuno'. Maa' raginio, ralalom ngaangai' ondo' kondoyon min, i Aki Kapuuno' urumaton sabap ri Jisus Kristus. Io no makakuasa' am maaya' omporon ra sabuoi-buoi no. Amin.