SAGULION 15:1 - Tanou Moonsoi Timugon

¹ “Paat ra pompor ru moonong bilor katulu', pusoo' noyo utang ru ulun ondo' magutang ra ruit min.

SAGULION 15:1 ပူးပေါင်းရင်းမြစ်များ

NIGIMIA 10:31

Amon ru ulun bansa' ra bokon matong mantalan ra gandum kapoam atan ayuk ramon paat ra orou Sabat, kapoam paat ra orou-orou mapasau ra bokon, kalo balion mai intor risilo. Paat ra moonong bilor katulu', kalo mantanom akai ra umo, am ngaangai' utang pusoon mai.

KAINGKUALAN 21:2

Amon mambali kau ra ulipon bansa' ru Ibrani, musiti' io mangandoi rirun buoi onom ngambilor. Paat ra bilor katulu' musiti' io palabuson ra kalo bayarin kau ra atan pana.

JIRIMIA 34:14

moonong tulu' ngambilor musiti' nilo palabuson osoi ayuk ulun ru Ibrani ondo' nasauk ra ulipon nilo buoi onom ngambilor. Kaa' kinamatuaan nilo kalo nampalio kapoam riminongog ra ragu Kuno.

SAGULION 15:2

Koson ragitio ralan no: Moonong ulun ru Israil ondo' nagira' noyo ra ruit ru gino ngai' ulun ru Israil, musiti' mamuso ra utang no. Kalo pansikaan io ra utang no, sabap ra sumugut ra kapatasan ru Tuhan galama', pinuso noyo utang no.

SAGULION 15:9

Pai' kau karara' mapaira' riso ra sasaban ayuk ra bilor mamuso ra utang mamaar noyo. Pai' polosoo' pangkaraan kinalaat raginio sumubol ra guang min. Amon ru marara' kau mapaira', mampalaa ulun no ra Tuhan am pabalaan kau ra makasala.

SAGULION 31:10

Nanaak i Musa risilo ra susuban, “Paat ra pupus ru moonong bilor katulu', ralalom ru bilor pamusaan ra utang, basaa' noyo Ukum ti ra bolos mosongou paat ra Pangiantakan Mangkalukub ra Raun.