SAGULION 14:29 - Tanou Moonsoi Timugon

²⁹ Akanon raginio tayar ulun ru Liwi sabap ra kolondo' rapu' nilo. Akanon raginio niayuk tayar ru ulun bansa' ru bokon, anak nailusan ra matuo am napuor ondo' minayan giu' ra bandar-bandar mino. Iowon ilo matong am mangalap ra ngaangai' ondo' kaukapan nilo. Baalo' noyo koson raginio am Tuhan i Aki Kapuuno' min mambarakat ramuyun ralalom ru ngaangai' kandoi min.”

SAGULION 14:29 ပူးပေါင်းရင်းမြစ်များ

MAZMUR 41:1

Ra tingganai ru santimungan maririmbai. Mazmur ri Daut.

MAZMUR 41:2

Pakaansuk noyo ulun ondo' makaasi' risilo ondo' kolondo' lulu'; indanganon ilo ru Tuhan, paat ra ilo mokoowot ra kapaganan.

MAZMUR 94:6

Potoyon nilo ulun napuor am ilo ondo' kolondo' matuo, am niayuk ulun suai ondo' minayan ra pagun mai.

AMSAL 11:24

Mokoondo' ulun mataau, ka rumuang kinalangkaya' nano. Mokoondo' ulun makalit, kaa' rumuang kinamusikin nano.

AMSAL 19:17

Mangindangan ra ulun musikin nogondo' koson mapaira' ra Tuhan. Tuhan galama' mambalos riso.

JISAYA 1:17

kaa' igigila' kau mambaal ra moonsoi. Pabigoro' noyo katimpakan: am indangano' ulun ra inimbolo', anii' anak ondo' nailusan ra matuo no ra ondo' motopot, sungkaa' noyo baal ru ulun-ulun napuor.”

IMAMAT 19:34

Koonsoi kano risilo koson akau moonsoi ra ulun mino galama', am tagami' ilo koson akau mitotogom galama'. Karaa' ra nakaili' kau nagayan koson ra ulun bansa' ru bokon giu' ra pagun ru Misir. Aku noyo Tuhan i Aki Kapuuno' min.

UNTABAN 18:20

Indagu Tuhan ri Arun, “Kalo makaalap kou ra atan pana rapu' koson ra tungkuson. Kolondo' tayar ru tana' giu' ra Israil masauk ra longgom muno. Aku Tuhan noyo tungkuson muno.”

LUKAS 11:41

Pataaki' noyo suang ru galas am piring mino ra ulun musikin, bagu maya' ra pagilaian ri Aki Kapuuno', ngaangai' no mapasau ramuyun.

LUKAS 6:35

Kaa' akau, tagami' noyo pantula' mino am koonsoi kau risilo. Pairaa' min ayuk am pai' kau kalansan maalap saguli'. Amon ru koson raginio, maayo ampos mino am akau masauk ra anak ri Aki Kapuuno' Ondo' Masawat Kaga'. Sabap ra moonsoi Io toojo ra ulun ondo' kalo mapandai maringkuanang am ra ulun ondo' malaat niayuk.

SAGULION 10:9

Ginio sabap ra bansa' ru Liwi kalo nakaalap ra tana' koson ra bansa'-bansa' ra bokon, sabap ra nangapu ra kaapuan inaru' koson masauk ra imam ru Tuhan koson ra binantu' ru Tuhan i Aki Kapuuno' min.)

SAGULION 12:12

Pakaansuk noyo ra saang ru Tuhan giu' ra intok raginio, mabaya' ra anak-anak mino, ulipon-ulipon mino, am ulun ru Liwi ondo' minayan ra bandar-bandar mino. Karaa' noyo ra ulun ru Liwi kolondo' tana' nilo galama'.

SAGULION 14:27

“Pai' liliani' ulun ru Liwi ondo' minayan giu' ra bandar-bandar mino; kolondo' rapu' nilo.

SAGULION 15:10

Anii' io ra atan ayuk ra kalo kibayarin am ra taau ru guang, am mambarakat Tuhan ramuyun ralalom ngaangai' ru baalon min.

SAGULION 16:11

Pakaansuk noyo ra saang ru Tuhan, mabaya' ra anak-anak mino, mangngandoi mino, ulun ru Liwi, ulun bansa' ru bokon, anak nailusan ra matuo, am napuor ondo' minayan ra bandar-bandar mino. Baalo' noyo baal raginio giu' ra rondo' intok sambayangan no.

SAGULION 16:14

Pakaansuk noyo mabaya' ra anak-anak mino, mangngandoi mino, ulun ru Liwi, ulun bansa' ru bokon, anak nailusan ra matuo am napuor ondo' minayan giu' ra bandar-bandar min.

SAGULION 23:21

“Amon ru mokoondo' kau nazar ra Tuhan i Aki Kapuuno' min, pai' lungkang manugut ra nazar no. Sikaan ru Tuhan nazar mino, am makatula kau amon ru kalo suguton ginio.

SAGULION 28:8

“Mambarakat Tuhan i Aki Kapuuno' min ra pirot min am mamanu' ra gudang min ra gandum. Mambarakat Io ramuyun giu' ra tana' ondo' taakin Nano ramuyun.

SAGULION 6:11

Baloi ra giu' no nototop ra kuliamos mongoonsoi, ondo' kalo binulian min. Mokoondo' niayuk tulubong-tulubong ondo' kalo kinali min, am niayuk umo ru anggur am umo ru jaitun ondo' kalo tinanom min. Paat ra magibit Tuhan ramuyun mongoi ra tana' raginio am mokoondo' kau ra ngaangai' ondo' tiakanon min,

IBRANI 13:2

Pai' kano karara' tambuluyon ru ulun ondo' kalo nauligan min. Mokoondo' tinambului koson raginio am kalo nakatutun ilo ra sotopot no malaikat tambului nilai i.

JAKUBUS 1:27

Kaa' panginsugutan ra motopot ondo' moonsoi toojo ra pagilangan ri Aki Kapuuno', Ama' takau, ioginio; mangindangan ra lalaing ra kolondo' matuo am poyo napuor ondo' makakapaganan, am niayuk magalung ra guang galama' koson ra kalo jamalin ru kalaatan ru tana' ti.