SAGULION 14:26 - Tanou Moonsoi Timugon

²⁶ Ra ruit raginio pambali ra atan ayuk ondo' kasagaan min – sapi', domba, wain am inumon makagauk. Kopongo raginio giu' ra intok raginio, giu' ra saang ru Tuhan i Aki Kapuuno' min, musiti' akau am sasambaloi min mangakan am maansukan.

SAGULION 14:26 ပူးပေါင်းရင်းမြစ်များ

IJRA 7:22

Suang nano makasaboi ra kinasuang ragitio: 3,400 ngakilogram pirok, 10,000 ngakilogram gandum, 2,000 ngalito wain, 2,000 ngalito umau jaitun am usi' ra suang ondo' pakayon.

MAZMUR 106:14

Giu' ra tana' kaagisan masingkual patilaai ru guang nilono, am mangkinam ilo ri Aki Kapuuno';

MAMPATANOU 9:7

Pangakan no, panginum no, am pakaansuk no! Panginum no ra wain am pakaansuk no; kalo manginggalar i Aki Kapuuno'.

MATIUS 21:12

Subol i Jisus ra Baloi Tuhan am pagiruo' no ngaangai' mantalan am mambali ondo' soroi ra giu'. Tuntuaro' no mija' ru magagalig ra ruit am niayuk pantuturungan ru mantatalan ra susuit asang.

MARKUS 11:15

Pakasuku' ilo ra Jirusalim, ongoi i Jisus ra Baloi Tuhan am tumalimpuun mampagiru' ra ngaangai' ulun ondo' mantalan am mambali ra giu' i. Mija' ru ulun-ulun mangngalig ra ruit no am pantuturungan ru ulun mantatalan ra susuit asang, tinuntuar No ngaangai'.

1 KORINTUS 10:6

Ngaangai' no nasauk ra panginuuyan ritakau koson mampakara' ritakau ra pai' gogoto' baal malaat koson risilo ti.

SAGULION 12:12

Pakaansuk noyo ra saang ru Tuhan giu' ra intok raginio, mabaya' ra anak-anak mino, ulipon-ulipon mino, am ulun ru Liwi ondo' minayan ra bandar-bandar mino. Karaa' noyo ra ulun ru Liwi kolondo' tana' nilo galama'.

SAGULION 12:15

Kaa' iowon kau manimbalui ra bibiag tinambiag min am mangakan ra kual nano ra ati ayuk ayanan min. Makaakan kau ra kula' suang ru bibiag tinambiag ondo' taakin ramuyun ru Tuhan. Iou pana mapasau kapoam majamol kau, akau ngaangai' makaakan ra kual ru bibiag raginio koson akau mangakan ra kual ru tambang kapoam paus.

SAGULION 12:18

Akau am anak-anak mino, mabaya' ra ulipon-ulipon mino am ulun ru Liwi ondo' minayan giu' ra bandar-bandar mino, musiti' mangakan ra taak raginio giu' ayuk ra saang ru Tuhan i Aki Kapuuno' min, giu' ra rondo' intok ondo' pinili' ru Tuhan i Aki Kapuuno' min. Giu' ra intok raginio musiti' maansukan kau ra ngaangai' ondo' binaal min.

SAGULION 12:7

Giu' no, giu' ra saang ru Tuhan i Aki Kapuuno' min, ondo' nambarakat noyo ramuyun, mabaya' kau ra sasambaloi min mangakan am sumia' ra ngaangai' ampos ru kandoi min.

SAGULION 14:25

Talano' ampos ru umo raginio am ibito' noyo ruit ru logo no ra rondo' intok sambayangan no.

SAGULION 26:11

Paringkuanang noyo ra tayar ru ngaangai' akanon ondo' tinaakan ramuyun am sasambaloi min ru Tuhan i Aki Kapuuno' min. Kimaiti' noyo ulun ru bansa' ru Liwi am ulun bansa' ru bokon ondo' minayan ra gino ngai' min maya' ra pangiantakan no.