SAGULION 14:2 - Tanou Moonsoi Timugon

² Akau longgom ru Tuhan i Aki Kapuuno' min; nampili' Io noyo ramuyun sinauk ra ulun Nano galama', intor ra ngaangai' bansa' ondo' minayan ra tana' ti.”

SAGULION 14:2 ပူးပေါင်းရင်းမြစ်များ

IJRA 9:2

Ungkuyon ru Jaudi nagandu' ra ruandu' bansa' ra bokon saboi ulun ondo' i Aki Kapuuno' ayuk tatangan no nasabulan. Tingganai-tingganai am pagawai-pagawai nilo noyo ondo' kasaa' toojo nambaal ra baal raginio.

JISAYA 41:9

Ibiton Takamin intor ra pompor ru tana'; piniau Takamin intor ra intok-intok ra maalur. Mambala' Aku, ‘Akau ulipon Kuno.’ Kalo inggalarin Takamin, kaa' pilion Takamin.

JISAYA 6:13

Poyo amon ru mokoondo' sangungulun intor ra mopor natatang ra pagun no, io pana pusoon. Masauk io koson ra tuor ru puun oak ondo' tinagar. Tuor no tatandu' ra talimpuunan bagu ru ulun ri Aki Kapuuno'.”

JISAYA 62:12

Piawon kau ra “Ulun Ondo' Matulai”, “Ulun Ondo' Binayag ru Tuhan”. Jirusalim sabiton ra “Bandar Ondo' Tinagaman ri Aki Kapuuno'”, “Bandar Ondo' Kalo Iniruanan ri Aki Kapuuno'”.

JIRIMIA 2:3

Mamagun kau ru Israil, akau longgom Kuno galama', akau longgom Kuno ondo' tinagaman. Mamparatong Aku ra kapaganan am karaat ra ngaangai' ulun ondo' mampajamar ramuyun. Aku, Tuhan nakaindagu noyo.”

YEHEZKIEL 21:2

“Okou ulun mapandai matoi, ulaso' Jirusalim! Ulaso' intok-intok sambayangan ru mamagun nano! Pakaraa' moonong ulun giu' ra Israil,

DANIL 12:7

Kakato' ru malaikat no karuo-ruo kalindu' nano ra tampilon ru limbowon, am pagibot ra ralalom inggalan ri Aki Kapuuno' ondo' mantilayun. Nokorongog aku ra io mindagu, “Talu ngambilor am maintanga'! Mopongo pangimbalaan ra ulun ri Aki Kapuuno' pupusin, am kasaukan-kasaukan ondo' makaimuag no pana pupusin.”

DANIL 8:24

Masauk io ra maikang kaga', kaa' sala' ka sabap no ra kuasa' nano galama'. Mangkinibit io ra kapusaan ondo' makalalaa', am makasugut ralalom ru pirot baalon nano. Mamuso io ra ulun ondo' maikang kaga', am ulun ri Aki Kapuuno' niayuk.

IMAMAT 11:45

Aku noyo Tuhan ondo' nagibit ramuyun miningkual intor ra Misir, maa' raginio masauk Aku ri Aki Kapuuno' mino. Musiti' kau matulai sabap ra Aku ti matulai.

IMAMAT 19:2

mambala' ra ulun ru Israil, “Musiti' kau matulai sabap ra matulai Aku Tuhan i Aki Kapuuno' min.

IMAMAT 20:24

Kaa' binantu' Ku noyo ra manaak ramuyun ra pagun ondo' langkaya' am malabung no. Masauk pagun no longgom min. Aku noyo Tuhan i Aki Kapuuno' min ondo' napatuliar ramuyun intor ra bansa'-bansa' ra bokon.

IMAMAT 20:26

Musiti' kau matulai am masauk ra longgom Kuno ayuk, sabap ra Aku noyo Tuhan am matulai Aku. Napatuliar Aku noyo ramuyun intor ra bansa'-bansa' ra bokon, maa' raginio masauk kau ra longgom Kuno ayuk.

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

SAGULION 14:21

“Pai' pangakan ra bibiag ondo' minatoi ra kaindalaman. Kual ru bibiag no maakan ru ulun bansa' ru bokon ondo' minayan ramuyun, kapoam talanon ra ulun bansa' ru bokon. Kaa' akau longgom ru Tuhan i Aki Kapuuno' min; akau ulun Nano. Pai' tonoko' anak domba kapoam anak kambing ralalom ru gatas ru ina' nano.”

SAGULION 28:9

Amon ru gumagaya' kau ra Tuhan i Aki Kapuuno' min am mambaal ra ngaangai' panusuban Nano, mapasauk Io ramuyun ra ulun Nano galama' koson ondo' binantu' Nano.

SAGULION 33:3

Motogom Tuhan ra ulun Nano; Mangampin Io ra ngaangai' ulun ondo' masauk ra longgom Nano. Ginio sabap ra kumubu takau ra saang Nano, am gumagaya' ra susuban Nano.

SAGULION 4:20

Kaa' akau iono bansa' ondo' binayag Nano intor ra Misir, intok koson ra rapuan mampaliou ra basi' ondo' mapaang. Nagibit Io ramuyun miningkual intor ra pagun raginio maa' raginio masauk kau ra ulun Nano galama' koson ra baal min ra orou raiti'.

SAGULION 7:6

Baalo' noyo baal raginio sabap akau longgom ru Tuhan i Aki Kapuuno' min. Intor ra ngaangai' bansa' ra tana' ti, nampili' Io ramuyun masauk ra ulun Nano ondo' tagamin.

SAGULION 7:7

“Motogom Tuhan ramuyun, am nampili' ramuyun sala' ka ra masuang kau poyo intor ra bansa'-bansa' ra bokon; sotopot no bansa' mino ondo' boborok kaga' ra tana' ti.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.