SAGULION 14:1 - Tanou Moonsoi Timugon

¹ “Akau noyo ulun ru Tuhan i Aki Kapuuno' min. Ginio ra paat akau mangulir ra ulun ondo' minatoi noyo, pai' pilato' inan kapoam sukuro' abuk ra tampilon ra saang ru ulu min, koson ondo' baalon ru bansa' ra bokon.

SAGULION 14:1 ပူးပေါင်းရင်းမြစ်များ

KASAUKAN 6:2

ulun ru tana' ti magilong ra ralaa-ralaa ti mangantalur. Ginio boo ra anduon nilo ralaa-ralaa ra kasagaan nilo.

KASAUKAN 6:4

Paat ragili am niayuk kalupus paat ragili, makaulun mangaayo am mangapanggol. Papag ilo ru ralaa ru ulun ondo' natagandu' ra ulun ru tana' ti. Ulun-ulun raginio noyo tutumula' mapanggol ondo' nangauligan kaga' paat ra galing i.

1 RAJA'-RAJA' 18:28

Ginio ra nabi-nabi ru Baal no nakiasi' ra mosongou poyo. Namilat ilo niayuk ra inan ra ilang am tutura' sumugut ra kaulayan nilo, saboi raraa' miningkual.

JISAYA 63:16

Okou noyo Ama' mai. Kinamatuaan maili i Abragam am i Jakub kalo makaulig ramon, kaa' Okou noyo Ama' mai, iou Tuhan! Okou Mamamayag ramon intor poyo ra galing i.

JIRIMIA 16:6

Ulun langkaya' am ulun musikin ra pagun ti matoi, kaa' kolondo' osoi pana manulaboi kapoam mompolobong risilo. Kolondo' sangulun pana mamilat ra inan kapoam mambulut ra ulu koson tatandu' mangulir risilo.

JIRIMIA 3:19

Indagu Tuhan, “Israil, moogot Aku mangapu rirun koson ra anak Kuno, am mangani' rirun ra pagun ondo' makabansuk ra guang, pagun ondo' moonsoi kaga' ra titikop ru tana'. Moogot Aku rirun mampiau Raki' ‘Ama' kuno’, am kalo noyo boo tumalikur intor Raki'.

JIRIMIA 31:9

Liliwa' mantangi' ulun Kuno sumaguli', makiasi' ilo paat ra Aku maningganai risilo muli'. Tingganayon Ku ilo mongoi ra sungoi-sungoi boborok, mansail ra ralan marata' maa' raginio kalo makasaru ilo. Aku koson ra sangulun ama' ra Israil, i Ipraim anak Kuno ra katuaan.”

JIRIMIA 41:5

balu' ngoopor ngaulun nakasaboi intor ra Sikgim, Silo am Samaria. Kinaur nilo jangut, rinilak bayang am pinilat-pilat inan. Tatanga' ilo nagibit ra gandum am kaminyan koson pataakon giu' ra Baloi ru Tuhan.

JIRIMIA 47:5

Mamagun ru Gaja mangiluk kaga' guang, mamagun ru Askilon pana nongkoror. Saboi sanggilan kia ulun ru Palistin mangulir?

GOSIA 1:10

Ulun ru Israil masauk ra masuang koson ra kinasuang ru agis giu' ra raat, kalo maalap kauntob kapoam tukuon. Raino mindagu i Aki Kapuuno' risilo, “Akau sala' ka ulun Kuno, kaa' masaboi paat no ra mindagu Io risilo, “Aku noyo i Aki Kapuuno' ondo' naayag am akau noyo anak-anak Kuno.”

IMAMAT 21:5

“Kalo iowon sangulun imam mangaur ra ati pana tayar ra ulu nano, kapoam mopolompor ra jangut nano, kapoam mamilat ra inan nano koson mapakito ra mangulir io.

JUANIS 1:12

Kaa' osoi ayuk mangapu Riso, ioginio mangintopot Riso, pasaukon No ilo ra anak ri Aki Kapuuno'.

JUANIS 11:52

Sala' ka kaatangan ra ulun ru Jaudi ayuk, kaa' koson manimung ra ngaangai' anak ri Aki Kapuuno' ondo' nantutuliar.

ROMA 8:16

Intor raginio Ambiluo ri Aki Kapuuno' mabaya' ra guang takau mindagu ra itakau noyo anak ri Aki Kapuuno'.

ROMA 9:26

Giu' ra intok ondo' inindaguan ri Aki Kapuuno' risilo ‘Akau sala' ka ulun Kuno,’ giu' no niayuk sabiton ilo ra anak ri Aki Kapuuno' ondo' maayag.”

ROMA 9:4

Ilo no ulun ru Israil ondo' pinili' ri Aki Kapuuno'. Piniau ilo noyo ri Aki Kapuuno' ra anak Nano galama', am pinakito No ilo ra katulayan Nano. Binantuan No ilo am inanian No ilo ra Ukum ri Musa. Tinuluan No ilo ra sambayang ondo' motopot am naapu nilo ondo' binantu' Nali.

ROMA 9:8

Arati' no, sala' ka ngaangai' papag ri Abragam no sabiton anak ri Aki Kapuuno', kaa' ilo ayuk ondo' inanak maya' ra bantu' Nali.

2 KORINTUS 6:18

Masauk Aku ra ama' min, am akau masauk ra anak ungkuyon am anak ruandu' Kuno. Ginio noyo ragu ru Tuhan Maayo Kaga' Kuasa'.”

GALATIA 3:26

Sabap ra mangintopot kau ri Kristus Jisus, nasauk kau ngaangai' ra anak ri Aki Kapuuno'.

SAGULION 13:18

Mambaal Io baal raginio amon gumagaya' kau ra susuban Nano ondo' tinaakan ku noyo ramuyun ra orou raiti', am mambaal kau ra atan ondo' kasagaan Nano.”

SAGULION 32:6

Koson raginio kia ralan pamakuan min ra Tuhan, akau ngai' ulun sasambungon, am kolondo' pangkaraan? Io noyo Ama' min, Namangun ramuyun, Io noyo napasauk ramuyun ra rondo' bansa'.

1 TISALONIKA 4:13

Pabukat ku ngai', masaga' akai ra akau makapandai ra sauk ru ulun namagatoi, maa' raginio kalo mangiluk guang min, koson ra ulun ondo' kolondo' kalansanan no.

IBRANI 2:10

Sumugut ra inatang ri Aki Kapuuno' ondo' nambaal am niayuk magalung ra ngaangai', matimpok niayuk i Jisus saukon ra matanda' mansail ra kaimbalaan. Maa' raginio urumaton ri Aki Kapuuno' masuang anak Nano mababaya' ri Jisus ondo' magibit risilo ra pamayagan.

1 JUANIS 3:10

Gitio ra kalo nogondo' anak ri Aki Kapuuno' am anak ru Tingganai ru riwato. Osoi kalo mambaal ra motopot, kapoam kalo motogom ra pabukat-pabukat nano, io ti sala' ka anak ri Aki Kapuuno'.

1 JUANIS 5:2

Gitio noyo napandayan takau ra itakau ti motogom ra anak-anak ri Aki Kapuuno': Motogom takau ri Aki Kapuuno' am mintopot ra susuban Nano.