SAGULION 13:6 - Tanou Moonsoi Timugon

⁶ Mulu' poyo pabukat min, kapoam anak ungkuyon min, kapoam anak ruandu' min, kapoam andu' ondo' tagamin min, kapoam rangan toojo min pana, maaru' lair ra suminok mangambi' ramuyun koson sumamba ra tuhan-tuhan ra bokon, ondo' kalo igondo' kau samba, am ondo' kalo igondo' sinamba ru kinamatuaan mini.

SAGULION 13:6 ပူးပေါင်းရင်းမြစ်များ

KASAUKAN 16:5

Indagu boo i Sarai ri Abram, “Ginio sala muno saboi magasab i Agar no raki'. Aku galama' napataak riso rirun am paat nalimanan no ra maapang io, magasab io boo raki'. Gama' ru salingapuon toojo ru Tuhan no ra osoi kia rito motopot, okou kia kapoam aku.”

2 SAMUIL 1:26

“Mangiluk guang kuno sabap ra okou, i Jonatan, pabukat kuno. Mapara' bonsoi muno raki'! Mapara' kinatulai ru togom muno raki', am matulai poyo intor ra togom ru ruandu'.

1 RAJA'-RAJA' 18:40

I Ilia pana nanusub, “Rokopo' nabi-nabi ru Baal no; pai' polosoo' sangulun pana makapagiru'!” Rokopo' nilo ngaangai' nabi no. Nagibit i Ilia risilo mongoi ra Sungoi Kison am pamatoi risilo.

2 RAJA'-RAJA' 11:18

Kopongo raginio umpos mamagun ra ralalom ru kuil Baal am nampalunsai ra kuil no. Inumok nilo ngaangai' altar am sinungkalalaing sambaan ra giu' no. Namatoi ilo ri Matan, imam ru Baal, giu' ra saang ru altar-altar no. Panusub i Joyada ra ulun-ulun magagalung ra magalung giu' ra Baloi ru Tuhan,

2 TUNUNG RU BANSA' ISRAIL 15:13

Osoi ayuk pana, matutuo kapoam mamulok, ungkuyon kapoam ruandu', ondo' kalo maayag sumugut ra kasagaan ru Tuhan, i Aki Kapuuno' ru Israil, musiti' ukumin ra matoi.

2 TUNUNG RU BANSA' ISRAIL 23:17

Ilo pana subol boo ra ralalom ru kuil Baal am nampalunsai ra kuil no. Pinopol nilo ngaangai' altar am sinungkalalaing ra giu' no. Pinatoi nilo niayuk i Matan, imam Baal no giu' ra saang ru altar-altar ra giu' no.

AYUP 31:27

Kalo igondo' aku kalaai ra ngaangai' no, am kalo igondo' mangalok ra kalindu' kuno koson mangurumat ra ngaangai' no.

KAINGKUALAN 13:3

Indagu i Musa ra ulun ru Israil, “Karaa' orou raiti', orou ra akau nangiruan ra pagun ru Misir, intok akau inulipon. Paat ra orou raiti' nagibit Tuhan ramuyun mingkual ralalom ru kuasa' Nano ondo' maayo; kalo makaakan kau ra ruti' ondo' linatakan ra ragi.

KAINGKUALAN 32:27

Indagu boo i Musa risilo, “Tuhan i Aki Kapuuno' ru Israil nanusub ra moonong ulun mapaakang ra ilang, am mugar intor ra kulobon ru nangkiman ti mongoi ra kulobon tampilon ra giu' no, am mamatoi ra pabukat-pabukat, rangan-rangan am pasambalayan nano.”

AMSAL 18:24

Mokoondo' rangan ra kalo gumagaya', mokoondo' niayuk rangan ra moonsoi toojo ka pongkotob.

AMSAL 5:20

Atan pakuan muno lumaai ra ruandu' bokon, alii ra anak kuno? Atan pakuan lumampit ra ruandu' ra lumapau?

JIRIMIA 28:15

Aku pana nampasaboi boo ra ragu raginio ri Gananya, am indagu aku poyo, “Rongogo' noyo, okou Gananya! Kalo nanusub Tuhan rirun; nangkinibit kou ra bansa' ragitio mangintopot ra abau.

JIRIMIA 28:16

Ginio ra Tuhan galama' minindagu ra pusoon No okou. Bilor ragitio niayuk matoi kou, sabap ra nanusub kou noyo ra bansa' ragitio manggal ra Tuhan.”

JIRIMIA 44:3

Kapusaan raginio nasauk sabap ra mamagun nano nambaal noyo ra malaat am napasingkual ra sangit Kuno. Nampataak ilo ra taak simbalui ra dewa-dewa, am siminamba ra dewa ondo' kalo igondo' sinamba nilo, akau kapoam kinamatuaan min.

JAKARIA 13:3

Kopongo raginio osoi ayuk ondo' lakat poyo masaga' mindagu ra manala', matuo nano galama' mambala' riso ra musiti' io ukumin ra matoi, sabap ra mangiou nampasaboi ra tanou ru Tuhan, kaa' sotopot no nagabau io. Paat ra io mindagu ra manala', matuo nano galama' monobok riso saboi matoi.

2 KORINTUS 5:16

Sabap raginio, akai kalo boo mangimumui ra osoi ayuk pana sumugut ra pagilangan ru ulun. Kabalu' pana nangimumui akai niayuk ri Kristus koson raginio ragili, kaa' raino kalo boo.

GALATIA 2:4

kabalu' pana ginio gogoton ru ulun migiangku ra Kristian ondo' liminatok ramon. Giminogot ilo pangimumui ra kalabusan ondo' noowot mai intor ri Jisus Kristus. Nangkinam ilo mangulipon poyo saguli' ramon,

IPISUS 4:14

Bagu no itakau kalo boo makapaliso koson ra lalaing, ondo' lilingganon ru kinulun am sisiabin ru angin, ioginio mangintopot ra mangingila' ondo' mapandai toojo mamparuung am mampalayau ra ulun.

SAGULION 11:32

tutuno' ra gumagaya' kau ra ngaangai' ukum ondo' taakin kuno ramuyun ra orou raiti'.”

SAGULION 13:2

koson mangkimait ramuyun sumamba am mangandoi ra tuhan-tuhan ondo' kalo igondo' kau samba. Kabalu' pana baal ondo' binantu' ru nabi no totopot masauk,

SAGULION 13:7

Sangulun intor ra gino ngai' min maaru' lair mangambi' ramuyun koson sumamba ra tuhan ru bansa' ondo' minayan mamaar ramuyun, kapoam tuhan ru bansa' ondo' minayan ra maalur.

SAGULION 17:12

Osoi baani mansang ra akim kapoam imam ondo' mangandoi musiti' ukumin ra matoi; gitio ralan min mamuso ra kalaatan ra Israil.

SAGULION 18:20

Kaa' amon ru baani sangulun nabi mapasaboi ra tanou ralalom ru inggalan Kuno, kaa' sotopot no kalo manusub Aku riso mambaal raginio, nabi no musiti' matoi. Moonong nabi ondo' mindagu ralalom ru inggalan ru tuhan-tuhan ra bokon musiti' matoi.’

SAGULION 19:19

musiti' io ukumin ondo' ukuman ondo' kuayan no ra ulun pinasala nano. Koson raginio akau mamuso ra kalaatan no.

SAGULION 21:21

Kopongo raginio bala ru ungkuyon giu' ra bandar no musiti' momobol ra anak no saboi matoi. Koson raginio, namuso kau ra kalaatan no. Moonong ulun giu' ra Israil mokorongog ra sauk raginio am malaa'.”

SAGULION 22:21

tingganai-tingganai ru bandar no pana musiti' magibit ra ruandu' no giu' ra kulobon ru baloi ru matuo nano. Ungkuyon ru bandar no pana musiti' momobol riso saboi matoi, sabap nambaal io ra baal mapakauyu' ra gino ngai' ru bansa' takau. Nakimarulug io noyo ra kalo poyo nawot, paat ra io lakat poyo soroi ra baloi ru ama' nano. Koson raginio noyo akau namuso ra kalaatan no.

SAGULION 24:7

Osoi ondo' mantakou ra ulun ra gino ngai' ulun ru Israil, am napasauk ra ulun no ra ulipon nano, kapoam nantalan riso koson ra ulipon, ulun mantakou ra ulun no musiti' ukumin ra matoi. Koson raginio noyo ra akau namuso ra kalaatan raginio.

SAGULION 28:54

Mulu' piboo ra sangulun ungkuyon moonsoi ondo' matanda' kaga' paliso nano, majajalan kaga' paat awangin bandar no, saboi mangakan io ra anak-anak nano galama' sabap ra kolondo' boo akanon ra bokon. Kalo masaga' io mantayar ra pabukat nano sanganu pana, kapoam andu' ondo' tagamin nano, kapoam anak-anak nano ondo' lakat poyo maayag.

SAGULION 29:18

Ginio ra alungi' noyo maa' raginio kolondo' sangulun pana ragiti ra orou raiti', iou ra ungkuyon, ruandu', sasambaloi kapoam bansa' ondo' timinalikur intor ra Tuhan i Aki Kapuuno' takau, am samba ra tuhan ru bansa' ru bokon. Baal raginio koson ra bakat ondo' tumuu' masauk ra tatanom mapait am makaanit.

SAGULION 8:14

tutuno' noyo maa' raginio kalo malilimbau kau, am kalo lilianin Tuhan i Aki Kapuuno' min ondo' nagibit noyo ramuyun miningkual intor ra Misir, intok min inulipon ra galing i.

KOLOSI 2:4

Ginio nai ra mambala' aku ramuyun: Pai' min polosoo' abau ru ulun mampalayau ramuyun, kabalu' pana kula' gamis iningon ragu nilai no.

JOSUA 7:13

Sukal no! Kapasawo' noyo ulun raginio am susubo' ilo tumampos muma' Raki'. Susubo' ilo tumampos muma' Raki' ra susuab no sabap Aku Tuhan am i Aki Kapuuno' ru ulun ru Israil mindagu, ‘Akau ulun ru Israil, soroi ramuyun santayaran ra kuliamos ondo' sotopot no pusoon sumugut ra susuban Kuno. Kalo makapangala kau ra pantula' ra kalo poyo mapatiran min kuliamos-kuliamos raginio.’

2 PITRUS 2:1

Paat ra galing i, mokoondo' noyo ulun migigiangku ra nabi intor ra bansa' ru Jaudi, am mogondo' niayuk ra tatanga' mino ra mokoondo' sumalula' niayuk ulun migigiangku ra mangingila'. Mangila' ilo ondo' kalo motopot am ondo' mampalayau ra ulun. Magali' ilo ra Tuan ondo' nampalabus risilo. Ginio boo mangkinibit risilo mapuso ra maagu no.

PINAINTALANG 12:9

Ginio nai ra tambuakal maayo no pinatiran ra liwar! Io ti kukuo intor ra galing i ondo' ininggalanan ra “Tingganai ru riwato”, kapoam “Ambiluo Malaat”, ondo' nampakalayau ra ngaangai' ulun ru tana' ti. Pinatiran io ra tana' ti nabaya' ra ngaangai' malaikat nano.

PINAINTALANG 13:14

Ngaangai' ulun ra tana' ti ruungon no mansail ra kaimuagan ondo' iniou mabaal no ra saang ru bibiag masigo kasaa' no. Ilo ngaangai' ti susubon no mambaal ra sinungkalalaing koson sumamba ra bibiag masigo ondo' napilatan noyo ra ilang, kaa' lakat poyo maayag.

PINAINTALANG 20:3

Papatiro' io ru malaikat no ra intok ru ulun namagatoi no am kunsio' am tandui' no angob no ra segel. Intor raginio tambuakal no kalo boo makapamparuung ra bansa'-bansa' suku' saribu ngambilor no makai'. Mopongo ginio palabuson io ra kalo kukula' buoi.

TINGGANAI RU BANSA' 10:6

Igondo' poyo ulun ru Israil makatula ra Tuhan. Sinamba nilo Baal am Asyitorit am niayuk dewa ru bansa' ru Siria, Sidon, Moab, Amon am Palistin. Nangiruan ilo ra Tuhan am kalo boo sumamba Riso.

TINGGANAI RU BANSA' 20:13

Pataako' ngaangai' ulun ondo' jajajou paliso intor ra Gibia no maa' raginio potoyon mai ilo am mairu' kalaatan no intor ra Israil.” Kaa' ulun ru Binjamin kalo nampalio ra ragu ru ulun ru Israil ra bokon no.

TINGGANAI RU BANSA' 5:8

Pangayawan pana nasauk giu' ra ralalom ru pagun paat ra ulun ru Israil tumalimpuun sumamba ra dewa. Kolondo' rondo' pana kinandoi mangayou kinayang ru apat ngoopor ngaribu ngaulun ru Israil.

1 SAMUIL 18:1

Nopongo noyo Raja' Saul am i Daut nagindagu. Kopongo raginio, anak ungkuyon ru Raja' Saul ondo' makainggalan ri Jonatan maansayan kaga' ri Daut, am tumalimpuun motogom riso koson ra io motogom ra inan nano galama'.

1 SAMUIL 18:3

Nagibot i Jonatan koson rumangan ri Daut ra mantilayun, sabap ra motogom io kaga' ri Daut.

1 SAMUIL 20:17

Ginio noyo kainduo ri Jonatan nakitaak ri Daut mabantu' koson motogom riso, sabap ra io galama' motogom ri Daut koson ra inan nano galama'.