SAGULION 13:2 - Tanou Moonsoi Timugon

² koson mangkimait ramuyun sumamba am mangandoi ra tuhan-tuhan ondo' kalo igondo' kau samba. Kabalu' pana baal ondo' binantu' ru nabi no totopot masauk,

SAGULION 13:2 ပူးပေါင်းရင်းမြစ်များ

1 RAJA'-RAJA' 13:3

Rinayus poyo ru nabi no ragu nano, “Mapuut altar ti, am kaau ondo' soroi ra rasawat no malayak. Ginio noyo inono' no ra minindagu Tuhan no ra pinabala' galing raki'.”

KAINGKUALAN 22:19

“Potoyo' moonong ulun ondo' makimampaa' ra bibiag.

KAINGKUALAN 7:22

Kopongo raginio ulun-ulun mapandai kaga' ra sihir ra pagun ru Misir nambaal niayuk ra baal koson raginio ra kapandayan nilo, saboi bambalingatan noyo raja'. Koson ra rinagu ru Tuhan, marara' raja' mangining ra ragu ri Musa am i Arun.

JIRIMIA 23:32

Aku, Tuhan minindagu; rongogo' noyo! Anggalon Ku nabi-nabi ondo' nampasaboi ra inupi ondo' nakai' ra abau. Nantunung ilo ra inupi-inupi am nampalayau ra ulun Kuno ra abau am ragu lumimbau nilo. Kalo nanusub kapoam nangani' ra susuban ra nabi-nabi no. Ilo topot-topot kolondo' onong ra ulun Kuno. Aku, Tuhan, nakaindagu noyo.”

JIRIMIA 27:9

Pai' rongogo' nabi min kapoam osoi pana ondo' manginggalar ramuyun kumuku' ra raja' Babilonia, kabalu' pana mangiou ilo ra makapanala' ra orou tauli, inda' pana ralalom ru inupi, kapoam mampiau ra ambiluo ru ulun minatoi, kapoam kapandayan ra sihir.

JIRIMIA 28:9

Kaa' nabi ondo' nanala' ra kaansayan, maintopot ayuk koson ra nabi ondo' totopot sinusub ru Tuhan, paat ra inala' nano totopot masauk.”

JAKARIA 10:2

Mangkuot ulun ra sinungkalalaing am ulun mapandai kaga' mangilong, kaa' taam ondo' inapu nilo abau ayuk am ragu kolondo' onong. Mokoondo' ulun ondo' mampaarati' ra inupi, kaa' ragu pinaarati' nilo mampalayau ayuk ramuyun. Simayo ondo' tinaakan nilo pana kolondo' onong. Ginio ra mamagun saugar-ugar koson ra domba ondo' nakalayau. Soroi ilo ralalom kapaganan sabap kolondo' tingganai.

MATIUS 24:24

Sabap ra ulun migiangku ra mamamayag am nabi rumatong. Ilo ti mambaal ra baal kaimuagan ra mampalayau ra ulun ri Aki Kapuuno' amon ru maalap nilo.

SAGULION 13:13

ra kukula' ngaulun mangalaat intor ra bansa' min napalayau noyo ra mamagun ru bandar nilo saboi mamagun ra giu' no sumamba ra tuhan-tuhan ondo' kalo igondo' kau samba.

SAGULION 13:6

Mulu' poyo pabukat min, kapoam anak ungkuyon min, kapoam anak ruandu' min, kapoam andu' ondo' tagamin min, kapoam rangan toojo min pana, maaru' lair ra suminok mangambi' ramuyun koson sumamba ra tuhan-tuhan ra bokon, ondo' kalo igondo' kau samba, am ondo' kalo igondo' sinamba ru kinamatuaan mini.

SAGULION 18:20

Kaa' amon ru baani sangulun nabi mapasaboi ra tanou ralalom ru inggalan Kuno, kaa' sotopot no kalo manusub Aku riso mambaal raginio, nabi no musiti' matoi. Moonong nabi ondo' mindagu ralalom ru inggalan ru tuhan-tuhan ra bokon musiti' matoi.’

SAGULION 18:22

Amon ru mindagu sangulun nabi ralalom inggalan ru Tuhan, am ondo' raguon nano kalo masauk, am tanou no pana sala' ka tanou intor ra Tuhan. Minindagu nabi no maya' ra karaan galama', am kalo pana malaa' kau riso.”