SAGULION 13:17 - Tanou Moonsoi Timugon

¹⁷ Pai' alap ra atan pana ondo' inulas noyo ra pusoon, am tumalikur Tuhan intor ra sangit Nano am makaasi' ramuyun. Makaasi' Io ramuyun am masauk kau ra bansa' ondo' maayo suang nano, koson ra ondo' binantu' Nano ra kinamatuaan mini.

SAGULION 13:17 ပူးပေါင်းရင်းမြစ်များ

KASAUKAN 26:24

Rondom raginio minintalang Tuhan riso am indagu, “Aku noyo i Aki Kapuuno' ri Abragam ama' muli. Pai' kalaa', sabap ra sindungin Tokou, barakaton Tokou am kasuangon Ku papag muno, sabap ra ginio noyo bantu' Kuli ri Abragam ulipon Kuli.”

KASAUKAN 26:4

Aniin Tokou ra papag masuang, koson kinasuang ru butitin giu' ra limbowon am pataakon Ku risilo titikop ru wilayah ti. Ngaangai' bansa' ra tana' ti makibarakat Raki' koson ra Aku nambarakat noyo ra papag muno.

KASAUKAN 28:14

Papag muno koson ra kinasuang ru kaau ra tana' ti. Kapilaan nilo wilayah nilo ra ngaangai' tampilon, am mimpuun rirun am papag muno, ngaangai' bansa' ru tana' ti makaapu ra barakat.

MAZMUR 78:38

Kaa' makaasi' i Aki Kapuuno' ra ulun Nano. Ampunon No tula nilono am kalo mamuso risilo. Masalok Io mongorot ra sangit Nano, am kalo paabuson no sangit Nano.

MAZMUR 85:3

Inampun Mu tula ru ulun Muno; am ngaangai' sala nilono inampun Mu.

KAINGKUALAN 20:6

Kaa' mapakito Aku ra togom Ku ra riribu papag ru ulun ondo' motogom Raki' am gumagaya' ra ukum Kuno.

KAINGKUALAN 32:12

Amon ru pusoon Mu ilo, mindagu boo ulun ru Misir ra inibit Mu ilo miningkual intor ra Misir koson mamatoi risilo giu' ra kagunungan am mamuso lingon risilo. Pai' boo sangit, kulawo' ginuang Muno am pai' palumpaa' karaat ti ra ulun Muno.

SULABOI 3:32

Kabalu' pana porotongon No kaimbalaan ritakau, magulayun Io motogom ritakau ra togom ondo' kolondo' polos.

YEHEZKIEL 37:26

Mambaal Aku ra nabantuan risilo, am nabantuan no koson ra jamin ru pamayagan risilo ra sabubuoi no. Mambarakat Aku risilo am ruangin suang nilo. Mambaal Aku ra Baloi Kuno, ondo' magulayun giu' ra pagun nilo ra sabubuoi no.

GOSIA 11:9

Kalo mangukum Aku ramuyun paat ra Aku sumangit; Kalo boo mamuso Aku ra Israil, sabap Aku ti i Aki Kapuuno' am sala' ka ulun. Aku, Ondo' Matulai Kaga' mabaya' ramuyun, kalo boo sumangit Aku ramuyun.”

UNTABAN 25:4

am indagu ri Musa, “Rokopo' ngaangai' tingganai ru ulun am potoyo' ilo paat ra matawang, sumugut ra susuban Kuno, maa' raginio kalo boo sumangit Aku ra ulun ragitio.”

1 KORINTUS 16:22

Osoi ayuk kalo motogom ri Tuhan Jisus, ukumin io ri Aki Kapuuno'! Maranata, arati' no ‘O Tuhan mai, ratong no!’

SAGULION 13:18

Mambaal Io baal raginio amon gumagaya' kau ra susuban Nano ondo' tinaakan ku noyo ramuyun ra orou raiti', am mambaal kau ra atan ondo' kasagaan Nano.”

SAGULION 30:3

am Tuhan i Aki Kapuuno' min pana makaasi' ramuyun. Magibit Io ramuyun sumaguli' intor ra pagun-pagun intok Io nampatutuliar ramuyun, am napasauk ramuyun ra langkaya' saguli'.

SAGULION 30:5

Ginio ra akau tatangan saguli' ra tana' ondo' inayanan ru kinamatuaan min ragili. Io mampasauk ramuyun ra langkaya' poyo am masuang kau poyo intor ra kinamatuaan min.

SAGULION 7:13

Motogom am mambarakat Io ramuyun, maa' raginio rumuang kau am makaalap kau ra masuang anak. Mambarakat Io ra umo min maa' raginio kaulian kau ra gandum, wain am umau jaitun. Mambarakat Io ramuyun am manaak ramuyun ra masuang bibiag tinambiag am domba. Manaak Io ramuyun ra ngaangai' barakat ti giu' ra tana' ondo' binantu' Nano ramuyun, sumugut ra bantu' Nano ra kinamatuaan min.

SAGULION 7:26

Pai' pagibit ra rondo' pana sinungkalalaing no ra baloi min. Amon magibit kau raginio, ulas ondo' lumumpa' ra sinungkalalaing no lumumpa' ramuyun niayuk. Akau musiti' masisang am magasab ra sinungkalalaing, sabap ulason sinungkalalaing no ru Tuhan.”

JOSUA 22:20

Karaa' noyo atan koson i Akgan anak ri Jirag minanggal ra susuban pasal ra kuliamos ondo' musiti' pusoon. Kinibit no, ngaangai' ulun ru Israil inukum; sala' ka ayuk i Akgan sangulun ondo' minatoi sabap ra tula nali.”

JOSUA 6:18

Kalo pangalapon kau ra atan pana ondo' musiti' pusoon. Amon ru mangalap kau raginio, maparatong kau ra kapaganan am kapusaan ra pangkiman ru Israil.

JOSUA 6:24

Bagu solobo' nilo bandar no am ngaangai' ondo' soroi ra giu' no saboi mapuso, ondo' ayuk am kuliamos ondo' binaal intor ra mas, pirok, gangsa' am basi'. Nangalap ilo ngaangai' ra kuliamos raginio am inibit ra intok pambulian ra rapu' ru Tuhan.

JOSUA 6:26

Paat raginio napatanou i Josua ra pangkaraan ragitio, “Osoi ondo' kuminam mambaal saguli' ra bandar Jiriko ulason ru Tuhan. Osoi ondo' mapabanta' ra batu maatang no matatakan ra anak katuaan. Osoi ondo' mambaal ra kulobon garabang no matatakan ra anak pupusan.”

JOSUA 7:1

Ragu ru Tuhan ondo' manginggalar ra ulun ru Israil mangalap ra atan pana intor ra bandar Jiriko ondo' sotopot no pusoon, kalo ginagaya'. Sangulun ondo' makainggalan ri Akgan anak ri Karmi minanggal ra susuban no. Ginio ra siminangit Tuhan ra ulun ru Israil. (Akgan anak ri Karmi am akupu ri Jabdi; intor io ra bansa' ru Jirag, santayaran intor ra bansa' ru Jiuda.)

JOSUA 7:26

Pumpuni' nilo boo ra batu saboi nasauk rondo' pumpun ondo' maayo. Pumpun ru batu no lakat poyo soroi saboi ra orou raiti'. Ginio sabap ra intok no lakat poyo ininggalanan ra Limayak Kapaganan. Kopongo raginio kalo boo siminangit Tuhan.

JOSUA 8:28

Nonolob i Josua ra bandar Ai am nompoloso raginio nasauk nangatuyas. Baal ru bandar no lakat poyo koson raginio saboi ra orou raiti'.