SAGULION 12:7 - Tanou Moonsoi Timugon

⁷ Giu' no, giu' ra saang ru Tuhan i Aki Kapuuno' min, ondo' nambarakat noyo ramuyun, mabaya' kau ra sasambaloi min mangakan am sumia' ra ngaangai' ampos ru kandoi min.

SAGULION 12:7 ပူးပေါင်းရင်းမြစ်များ

1 TUNUNG RU BANSA' ISRAIL 29:22

Paat ra orou raginio nangakan am nanginum ilo ra naansukan giu' ra saang ru Tuhan. Kopongo raginio koson ra kainduo nilo nampatanou ra i Salomo koson ra raja'. Ralalom inggalan ru Tuhan, nampalantik ilo ri Salomo nasauk ra raja', am i Jadok nasauk ra imam.

NIGIMIA 8:9

Pokorongog mamagun ra pambasaan Taurat no, nalamawan ilo saboi nantangi' ilo. Ginio ra Gabenor Nigimia am Imam Ijra, ulun mapandai kaga' ra Taurat no, am ulun ru Liwi ondo' tatanga' mambala' ra liliwaan Taurat no nambala' ra mamagun, “Orou raiti' orou patimpokon koson ra Tuhan, i Aki Kapuuno' min. Ginio ra pai' kano mangiluk guang kapoam mantangi'.

MAMPATANOU 3:12

Ginio ra, nakaliman aku boo ra ondo' moonsoi baalon takau iono masalok maansukan am mirot toojo paat ra itakau lakat poyo maayag.

MAMPATANOU 3:13

Itakau ngaangai' musiti' mangakan, manginum am makasia' ra ampos ru binaal takau sabap ra ngaangai' no tinaakan ri Aki Kapuuno'.

MAMPATANOU 5:18

Amon ru nangani' i Aki Kapuuno' ra ulun ra rapu' am kalangkayaan, am mangiou risilo sumia' ra kalangkayaan no, ilo musiti' maringkuanang am sumia' ra ampos ru kandoi nilo. Ginio niayuk tinaakan ri Aki Kapuuno'.

JISAYA 23:18

Nansalinut ampos ru pangindapuan raginio pataakon ayuk ra Tuhan. Ruit intor ra pangindapuan no kalo buliin kaa' pakayon koson pabalion ra akanon am bayang ru ilo ondo' sumamba ra Tuhan.

JISAYA 62:9

Kaa' akau ondo' napatias am nangkumos ra gandum makasia' ra ampos nano am mongompor ra Tuhan. Akau nangupu' ra kawa' ru anggur makasia' ra wain giu' ra liliut ru Baloi Kuno.”

YEHEZKIEL 44:3

Raja' ayuk ondo' mamarinta makasubol ra giu' no koson mangakan ra akanon mapasau giu' ra saang Kuno. Musiti' io sumubol am mingkual mansail ra intok maayo giu' ra tampilon ralalom.”

JOIL 1:16

Tinanom pinuso giu' ra talupak ru mato takau. Kolondo' boo indii am lalakup giu' ra ralalom Baloi ri Aki Kapuuno' takau.

JOIL 2:26

Kaa' raino mokoondo' kau ra akanon naukop saboi naasug. Mongompor kau ra Tuhan, i Aki Kapuuno' min, nambaal Io ra baal makaimuag ramuyun. Ulun Kuno totopot kalo boo asabin.

IMAMAT 23:40

Paat ra orou kasaa', alapo' kawa' ondo' moonsoi kaga' intor ra puun kinawa' mino, am alapo' niayuk raun palma, raan ru tataun ondo' maawas raun, am puun tataun magana' ra nambusak intor ra kiing ru sungoi, am talimpuunin noyo pangiantakan makaansuk koson mangurumat ra Tuhan i Aki Kapuuno' mino.

MALIAKI 2:13

Suai raginio mokoondo' poyo binaal min. Tinimugan min altar ru Tuhan ra lomou; nantangi' kou am nanulaboi sabap ra Tuhan kalo boo mangapu ra taak min.

RINALATAN 2:46

Ginio ra moonong orou tumimung ilo ra Baloi Tuhan, am mabaya' ra bansuk am guang minggana' masalok ilo magugulung mangakan giu' ra baloi nilai.

SAGULION 12:12

Pakaansuk noyo ra saang ru Tuhan giu' ra intok raginio, mabaya' ra anak-anak mino, ulipon-ulipon mino, am ulun ru Liwi ondo' minayan ra bandar-bandar mino. Karaa' noyo ra ulun ru Liwi kolondo' tana' nilo galama'.

SAGULION 12:18

Akau am anak-anak mino, mabaya' ra ulipon-ulipon mino am ulun ru Liwi ondo' minayan giu' ra bandar-bandar mino, musiti' mangakan ra taak raginio giu' ayuk ra saang ru Tuhan i Aki Kapuuno' min, giu' ra rondo' intok ondo' pinili' ru Tuhan i Aki Kapuuno' min. Giu' ra intok raginio musiti' maansukan kau ra ngaangai' ondo' binaal min.

SAGULION 12:8

Masaboi paat no, akau iowon mambaal ra baal ondo' baalon min raino. Saboi raino akau ngaangai' sumambayang maya' ra saga' ru guang min,

SAGULION 14:23

Kopongo raginio ongoi noyo ra rondo' intok ondo' pinili' ru Tuhan i Aki Kapuuno' min koson ra intok sambayangan. Giu' ra saang ru Tuhan i Aki Kapuuno' min, giu' ra intok pinili' Nano, akano' noyo taak sampiopor raginio: unor-unaran, wain, umau jaitun, anak katuaan ru sapi' am anak katuaan ru domba min. Baalo' noyo koson raginio maa' raginio magail kau migila' mangurumat ra Tuhan i Aki Kapuuno' min.

SAGULION 14:26

Ra ruit raginio pambali ra atan ayuk ondo' kasagaan min – sapi', domba, wain am inumon makagauk. Kopongo raginio giu' ra intok raginio, giu' ra saang ru Tuhan i Aki Kapuuno' min, musiti' akau am sasambaloi min mangakan am maansukan.

SAGULION 15:20

Moonong bilor musiti' akau am sasambaloi min mangakan ra kual no giu' ra saang ru Tuhan giu' ra rondo' intok sambayangan ondo' pinili' ru Tuhan.

SAGULION 26:11

Paringkuanang noyo ra tayar ru ngaangai' akanon ondo' tinaakan ramuyun am sasambaloi min ru Tuhan i Aki Kapuuno' min. Kimaiti' noyo ulun ru bansa' ru Liwi am ulun bansa' ru bokon ondo' minayan ra gino ngai' min maya' ra pangiantakan no.

SAGULION 27:7

Pataako' niayuk taak simbalui koson makibarakat ra Tuhan, am akano' noyo taak simbalui no ra giu' no, am niayuk maansukan giu' ra saang ru Tuhan i Aki Kapuuno' min.

SAGULION 28:47

Tuhan i Aki Kapuuno' min nambarakat noyo ramuyun ralalom ru ngaangai' baal, kaa' kalo mangandoi kau Riso ra guang masaga' am maansukan.

PILIPI 4:4

Gama' ru masalok kau makaansuk sumimpung ra Tuhan. Sagulion ku poyo; pakaansuk kano!