SAGULION 12:31 - Tanou Moonsoi Timugon

³¹ Pai' samba ra Tuhan i Aki Kapuuno' min ra ralan nilo sumamba ra tuhan-tuhan nilo, sabap ra paat ilo sumamba ra tuhan-tuhan no, nambaal ilo ra ngaangai' ra baal malaat ondo' kasisangin ru Tuhan. Mulu' poyo anak nilo galama' pana sinolob nilo ra rasawat ru altar koson taak simbalui ra tuhan-tuhan nilo.

SAGULION 12:31 ပူးပေါင်းရင်းမြစ်များ

2 RAJA'-RAJA' 16:3

Minaya' io ra binaal ru raja'-raja' ru Israil, am poyo nampataak io ra anak nano galama' koson ra taak simbalui ra dewa-dewa. Minaya' io ra kaindalaman ru mamagun ru pagun ondo' pinagiru' ru Tuhan paat ra ulun ru Israil siminubol ra pagun raginio.

2 RAJA'-RAJA' 17:31

ulun ru Awa nambaal ra sinungkalalaing Nibas am Tartak, am ulun ru Siparwaim nampataak ra anak nilo koson ra taak simbalui ondo' solobon ra Adramilik am Anamilik, dewa-dewa nilo.

2 RAJA'-RAJA' 21:2

Makatula Raja' Manasi ra Tuhan. Minaya' io nambaal ra baal malaat ondo' binaal ru bansa'-bansa' ondo' pinagiru' ru Tuhan paat ra ulun Nano namagun ra pagun no.

2 RAJA'-RAJA' 3:27

Ginio ra nagibit raja' ru Moab no ra anak ungkuyon ra katuaan nano minongoi ra rasawat ru timbok ru bandar no am pataako' no io koson ra taak simbalui no ra dewa ru pagun ru Moab. Nangalaa' ulun ru Israil saboi liminugut ilo intor ra bandar no, am uli' ra pagun nilo galama'.

2 TUNUNG RU BANSA' ISRAIL 33:2

Raja' Manasi makatula ra Tuhan, sabap minaya' ra binaal malaat ondo' binaal ru bansa'-bansa' ondo' pinagiru' ru Tuhan paat ra ulun Nano nangayan ra pagun no ragili.

2 TUNUNG RU BANSA' ISRAIL 36:14

Suai intor raginio, tingganai-tingganai ru Jiuda, imam-imam am mamagun minaya' ra ralan kaayagan ru bansa'-bansa' ra naginggaar ondo' makatula. Sinamba nilo sinungkalalaing am nampajamol ra Baloi ru Tuhan, ondo' timpokon ayuk ru Tuhan galama' ra inan Nano.

MAZMUR 106:37

Pataakon nilo anak nilono galama' koson ra taak simbalui ra dewa-dewa ru pagun kanaan.

KAINGKUALAN 23:2

Pai' pagibaya' ra kasuangan ulun paat ra ilo mambaal ra kalaatan kapoam mapatumbalik ra katimpakan am mangani' ra inono' kalo motopot.

JIRIMIA 32:35

Nambaal ilo ra altar-altar ra Baal giu' ra Limayak Ginom, am nampataak ra anak-anak nilo ra Dewa Molok. Sotopot no, kalo igondo' Aku nanusub risilo mambaal raginio, am poyo kalo igondo' tabual ralalom ru pangkaraan Kuno ra baalon nilo baal malaat raginio am nangkinibit ra ulun ru Jiuda makatula.”

JIRIMIA 7:31

Nambaal ilo rondo' altar ondo' ininggalanan ra Topit giu' ra Limayak Ginom. Giu' ra rasawat ru altar no nonolob ilo ra anak-anak nilo, ungkuyon am ruandu', koson ra taak simbalui. Sotopot no kalo igondo' Aku panusub risilo mambaal raginio, am niayuk kalo igondo' baal raginio miningkual intor ra pangkaraan Kuno.

YEHEZKIEL 20:31

Nakasaboi pinaibo ra orou raiti' nangani' kau ra taak ra mogondo', am nampajamol ra inan ra nonolob ra anak-anak min koson ra taak simbalui ra sinungkalalaing no. Akau piboo, alii ra ulun kau ngai' ru Israil, minatong piboo koson mangkuot ra kasagaan Kuno! Sabap ra Aku, i Aki Kapuuno' ondo' naayag, Tuhan Raja', kalo mangiou Aku ramuyun mangkuot ra atan ayuk.

YEHEZKIEL 23:27

Langgain Ku guang malaai muno am kandoi mantalan ra inan ondo' binaal muno intor kou poyo giu' ra Misir. Kalo boo makakito kou ra sinungkalalaing kapoam mangkara' ra Misir.”

IMAMAT 18:21

Pai' pataako' sangulun intor ra anak muno alapon ra taak koson pataakon ra Dewa Molok, sabap ra baal raginio magasab ra inggalan ri Aki Kapuuno' muno, iono Tuhan.

IMAMAT 18:3

Pai' tiluo' binaal ru ulun giu' ra Misir, pagun inayanan min ragili, am pai' tiluo' binaal ru ulun giu' ra Kanaan, intok pagibitan Kuno ramuyun.

IMAMAT 20:2

mambala' ra ulun ru Israil, “Osoi ayuk ra popolos mino, kapoam ulun bansa' ru bokon ra popolos mino, ondo' mapataak ra anak nano koson ra taak simbalui ra Dewa Molok, musiti' bobolon saboi matoi ru ngaangai' mamagun.

MIKA 6:7

Mangapu kia Tuhan amon pataakon ku Riso kukula' ngaribu domba, kapoam umau jaitun ondo' masuang kaga'? Musiti' kia pataakon ku Riso lalaing katuaan kuno sabap ru tula kutu?

SAGULION 12:30

Mopongo Tuhan mamuso ra bansa'-bansa' raginio, pagilalain. Pai' baya' ra kaindalaman ru ugama nilo, sabap baal raginio maparatong ra karaat. Pai' pakibala' ra ralan nilo sumamba ra tuhan-tuhan nilo ra kuayan tumilu ra ralan nilono.

SAGULION 12:4

Paat sumamba kau ra Tuhan i Aki Kapuuno' min, pai' tilu ra bansa' raginio sumamba ra tuhan-tuhan nilo.

SAGULION 20:18

Potoyo' noyo ilo, maa' raginio kalo mangkinibit ilo ramuyun makatula ra Tuhan i Aki Kapuuno' min, am mangila' ramuyun mambaal ra jajajou ondo' binaal nilo paat sumamba ra tuhan-tuhan nilo.

SAGULION 9:4

Mopongo Tuhan i Aki Kapuuno' min nampagiru' risilo ra bala min, pai' indagu ra akau galama' ra magibit Io ramuyun mongoi ra tana' raginio koson mangalap ra tana' no sabap maaya' kau. Sala' ka koson raginio! Mampagiru' Tuhan ra bansa'-bansa' no ra tayar min sabap malaat ilo.

SAGULION 9:5

Nangiou Tuhan ramuyun mangalap ra tana' nilono sala' ka sabap ra moonsoi kau am nambaal ra motopot. Nampagiru' Tuhan risilo sabap malaat ilo, am sabap masaga' Io manugut ra nabantuan ondo' binaal Nano ra kinamatuaan min i Abragam, i Isak am i Jakub.