SAGULION 12:30 - Tanou Moonsoi Timugon

³⁰ Mopongo Tuhan mamuso ra bansa'-bansa' raginio, pagilalain. Pai' baya' ra kaindalaman ru ugama nilo, sabap baal raginio maparatong ra karaat. Pai' pakibala' ra ralan nilo sumamba ra tuhan-tuhan nilo ra kuayan tumilu ra ralan nilono.

SAGULION 12:30 ပူးပေါင်းရင်းမြစ်များ

2 RAJA'-RAJA' 16:10

Paat ra Raja' Agas minongoi ra Damsyik koson tumuum ra Raja' Pul, nakito no altar ra giu' no am nangator ra tiluan ru altar no nabaya' ra gayo nano ondo' motopot ra Imam Uria.

2 RAJA'-RAJA' 17:15

Marara' ilo gumagaya' ra susuban Nano. Kalo linio nilo nabantuan ondo' binaal ru Tuhan am kinamatuaan nilai. Kalo rinongog nilo ondo' pinakara'-pinakara' ru Tuhan. Sinamba nilo sinungkalalaing ondo' kolondo' onong, saboi ilo galama' nasauk ra kolondo' onong. Minaya' ilo ra kaindalaman ru bansa'-bansa' giu' ra liliut nilo, kabalu' pana nanginggalar noyo Tuhan ra baal raginio.

KAINGKUALAN 23:24

Pai' samba ra tuhan-tuhan nilono. Pai' tiluo' ralan nilo sumambayang. Pusoo' noyo tuhan-tuhan nilono am pandako' lugu'-lugu' batu ondo' alapon nilo sumambayang.

JIRIMIA 10:2

Indagu Io, “Pai' baya' ra kaindalaman ru bansa'-bansa' ra bokon; pai' ponontol magilong ra tatandu'-tatandu' ondo' makaimuag giu' ra limbowon, kabalu' pana malaa' bansa'-bansa' ra bokon.

YEHEZKIEL 11:12

Makapandai kau boo ra Aku noyo Tuhan, am gumagaya' ra ukum ru pagun-pagun ra paginggaar, inanggal min ukum Kuno am nangimpai ra susuban Kuno.”

YEHEZKIEL 20:28

Inibit Ku ilo ra tana' ondo' binantu' Kuno, kaa' pakakito ilo ra bulur ondo' mangasawat am puun tataun masansam, nampataak ilo ra taak simbalui giu' ra intok-intok raginio. Napasingkual ilo ra sangit Kuno ra taak simbalui ondo' sinolob am wain ondo' pinataak nilo.

YEHEZKIEL 20:32

Gumogot kau masauk koson ra bansa'-bansa' ra bokon, koson ra ulun ondo' minayan giu' ra pagun-pagun ra bokon am ondo' sumamba ra puun tataun am batu. Baal raginio maaru' kalo masauk.”

IMAMAT 18:3

Pai' tiluo' binaal ru ulun giu' ra Misir, pagun inayanan min ragili, am pai' tiluo' binaal ru ulun giu' ra Kanaan, intok pagibitan Kuno ramuyun.

IMAMAT 18:30

Indagu Tuhan, “Gagayaa' noyo susuban Kuno am pai' tilu ra binaal ru ulun ondo' minayan giu' ra pagun no ragili. Pai' jamali' inan muno ra mambaal ra baal raginio. Aku noyo Tuhan i Aki Kapuuno' min.”

UNTABAN 33:52

pagiruo' noyo ngaangai' mamagun ru tana' no. Pusoon noyo ngaangai' sinungkalalaing nilo ondo' binaal intor ra batu am basi'; pusoon noyo intok-intok sambayangan nilo.

ROMA 12:2

Pai' min tiluo' kiralan ru ulun ondo' kalo mangintopot ra Tuhan, kaa' polosoo' noyo pamaguangan mino talimbaguin ri Aki Kapuuno'. Intor raginio makatutun kau boo ra kasagaan ri Aki Kapuuno', ioginio, atan ondo' moonsoi, ondo' mampakaansuk Riso am poyo ondo' matanda'.

IPISUS 4:17

Sabap boo raginio, ralalom ru kuasa' ru Tuhan, balain takamin toojo koson ragitio: Pai' kano kaayag koson ra ulun ondo' kalo makaulig ri Aki Kapuuno', sabap ra ilo makapangkaraan ayuk ra atan ondo' kolondo' onong.

SAGULION 11:16

Pai' polosoo' akau palayawon saboi tumalikur intor ra Tuhan, am sumamba am mangandoi ra tuhan-tuhan ra bokon.

SAGULION 12:29

“Mamuso Tuhan i Aki Kapuuno' min ra bansa'-bansa' paat ra bulunsaron min ilo, am mangindangan Io ramuyun mayan am niayuk mamagun ra tana' nilo.

SAGULION 12:31

Pai' samba ra Tuhan i Aki Kapuuno' min ra ralan nilo sumamba ra tuhan-tuhan nilo, sabap ra paat ilo sumamba ra tuhan-tuhan no, nambaal ilo ra ngaangai' ra baal malaat ondo' kasisangin ru Tuhan. Mulu' poyo anak nilo galama' pana sinolob nilo ra rasawat ru altar koson taak simbalui ra tuhan-tuhan nilo.

SAGULION 18:9

“Paat ra akau makasaboi ra tana' ondo' pataakon ramuyun ru Tuhan i Aki Kapuuno' min, pai' tilu ra baal majamol ondo' imayaan ru bansa'-bansa' ondo' minayan ra giu'.

SAGULION 20:18

Potoyo' noyo ilo, maa' raginio kalo mangkinibit ilo ramuyun makatula ra Tuhan i Aki Kapuuno' min, am mangila' ramuyun mambaal ra jajajou ondo' binaal nilo paat sumamba ra tuhan-tuhan nilo.

SAGULION 7:16

Pusoo' noyo ngaangai' bansa' ondo' pataakon ru Tuhan i Aki Kapuuno' min ralalom ru kuasa' min, am pai' pakaasi' risilo. Pai' samba ra tuhan-tuhan nilo, sabap binaal raginio makaratong ra karaat.