SAGULION 12:3 - Tanou Moonsoi Timugon

³ Puuto' altar nilo am popolo' lugu'-lugu' batu karamat. Solobo' tatandu' ru Dewi Asyira am popolo' sinungkalalaing nilo, maa' raginio ngaangai' no kalo boo sambaan giu' ra intok raginio.

SAGULION 12:3 ပူးပေါင်းရင်းမြစ်များ

1 RAJA'-RAJA' 14:15

Ukumin ru Tuhan ulun ru Israil saboi ra ilo sauyog-uyog koson ra galaga giu' ra ralalom ru timug. Bubulon ru Tuhan ulun ru Israil intor ra tana' ondo' moonsoi ti, ondo' tinaakan No ra kinamatuaan nilai. Pantabuliason No ilo giu' ra sandaup ru Sungoi Iprat, sabap ra napatabual ilo ra sangit Nano paat ra ilo nambaal ra sinungkalalaing Dewi Asyira.

1 RAJA'-RAJA' 15:13

Nangimpai Raja' Asa ra aru' nano, i Maakga, intor ra intok nano koson ra ina' ru raja' ruandu', sabap ra nambaal i Maakga rondo' sinungkalalaing makauyuyu', Dewi Asyira, sinungkalalaing sambaan ondo' makatatandu' ra kalabungan. Raja' Asa napalunsai ra sinungkalalaing sambaan raginio am sinolob no giu' ra Limayak Kidron.

2 RAJA'-RAJA' 11:18

Kopongo raginio umpos mamagun ra ralalom ru kuil Baal am nampalunsai ra kuil no. Inumok nilo ngaangai' altar am sinungkalalaing sambaan ra giu' no. Namatoi ilo ri Matan, imam ru Baal, giu' ra saang ru altar-altar no. Panusub i Joyada ra ulun-ulun magagalung ra magalung giu' ra Baloi ru Tuhan,

2 RAJA'-RAJA' 18:4

Linunsai no intok-intok sambaan ra sinungkalalaing, nomopol ra lugu'-lugu' batu, am nampalunsai ra sinungkalalaing Dewi Asyira. Io niayuk nangumok ra kukuo gangsa' ondo' binaal ri Musa ragili, ondo' nauligan ra Nigustan, sabap ra saboi paat raginio ulun ru Israil lakat poyo monolob ra kaminyan koson mangurumat ra kukuo gangsa' no.

2 RAJA'-RAJA' 23:14

Nomopol Raja' Josia ra tatandu' ondo' timpokon ra Dewi Asyira, am nangumok ra lugu'-lugu' batu, am namumpun ra tana' no ra bungul-bungul ru ulun.

2 TUNUNG RU BANSA' ISRAIL 14:2

Sabap ra binaal nano ondo' moonsoi am matimpok, Raja' Asa iniou ru Tuhan, i Aki Kapuuno' nano.

2 TUNUNG RU BANSA' ISRAIL 14:3

Pinatiran ru Raja' Asa altar-altar ru bansa' ra bokon am intok-intok sambaan ra sinungkalalaing. Ginaba' no lugu'-lugu' sinungkalalaing am batu-batu pangkaraan ru Dewi Asyira.

2 TUNUNG RU BANSA' ISRAIL 19:3

Kabalu' pana raginio, mokoondo' niayuk binaal ra moonsoi muno. Namatir kou ra tatandu'-tatandu' ru Dewi Asyira ondo' sambaan ru mamagun, am minirot kou nambaal ra kasagaan ri Aki Kapuuno'.”

2 TUNUNG RU BANSA' ISRAIL 31:1

Kopongo noyo pangiantakan no, ngaangai' ulun ru Israil minongoi ra moonong bandar giu' ra Jiuda. Pinuso nilo batu-batu pangkaraan sinungkalalaing am tatandu'-tatandu' ondo' patimpokon ra Dewi Asyira. Linunsai nilo altar-altar am intok-intok sambaan ra sinungkalalaing. Binaal nilo baal ra nogondo' giu' ra intok-intok ra bokon giu' ra Jiuda, am giu' ra wilayah Binjamin, Ipraim am niayuk Manasi. Kopongo raginio ilo ngaangai' minuli' ra intok ru sigagama'.

2 TUNUNG RU BANSA' ISRAIL 34:3

Paat ra bilor kabalu' ra pamarintaan ru Raja' Josia, paat ra io lakat poyo mamulok, timinalimpuun io sumamba ri Aki Kapuuno' ondo' sinamba ru kinamatuaan nali, Raja' Daut. Kopongo apat ngambilor, timinalimpuun Raja' Josia namuso ra intok-intok sambaan ra sinungkalalaing, tatandu'-tatandu' ru Dewi Asyira am ngaangai' sinungkalalaing ra bokon.

MAZMUR 16:4

Ulun ondo' sumamba ra dewa-dewa rumuang kapaganan nilono. Kalo maya' aku mapatutui ra taak simbalui; kalo masaga' aku sumamba ra dewa nilono.

KAINGKUALAN 23:13

“Iningo' noyo ngaangai' bala' ondo' pinasaboi ru Aku, Tuhan ramuyun. Pai' pakiasi' ra tuhan-tuhan ra bokon; am mulu' poyo ra pai' noyo sabito' inggalan ru tuhan-tuhan no.”

KAINGKUALAN 23:24

Pai' samba ra tuhan-tuhan nilono. Pai' tiluo' ralan nilo sumambayang. Pusoo' noyo tuhan-tuhan nilono am pandako' lugu'-lugu' batu ondo' alapon nilo sumambayang.

KAINGKUALAN 34:13

Lunsayo' noyo altar nilono; umoko' lugu'-lugu' karamat nilo am tagaro' tatandu' Asyira, sinungkalalaing nilo.

JISAYA 27:9

Tula ru Israil maalap kaampun amon ru batu ru altar ru dewa-dewa tutukon saboi koson ra kapur, am kolondo' boo altar panalaban ra kaminyan, am kolondo' boo tatandu'-tatandu' ru Dewi Asyira.

JIRIMIA 17:2

Bansa' mino sumamba ra sinungkalalaing giu' ra altar-altar am lugu'-lugu' mokoondo' ra sinungkalalaing ondo' pinatirong koson ri Dewi Asyira giu' ra saau ru moonong puun tataun masansam, giu' ra tampak-tampak ru bulur,

GOSIA 2:17

Paat raginio mambaal Aku ra nabantuan ra ngaangai' bibiag masigo am susuit, maa' raginio kalo rualin nilo ulun Kuno. Patirin Ku ngaangai' kinandoi ru pamulunsaran intor ra pagun no, ngaangai' ilang am busur, maa' raginio ulun Kuno maayag ra kaansayan.

MIKA 5:14

Ralalom ru sangit Kuno ondo' najanjayan mansuli' Aku ra kalaatan ru ngaangai' bansa' ondo' kalo gumagaya' Raki'.”

JAKARIA 13:2

Paat raginio luluon ku inggalan ru sinungkalalaing ra pagun ti; kolondo' osoi pana boo makakara' raginio. Luuson Ku osoi ayuk migiangku ra io nabi, am mangiru' ra gogoton koson sumamba ra sinungkalalaing.

UNTABAN 33:52

pagiruo' noyo ngaangai' mamagun ru tana' no. Pusoon noyo ngaangai' sinungkalalaing nilo ondo' binaal intor ra batu am basi'; pusoon noyo intok-intok sambayangan nilo.

SAGULION 12:4

Paat sumamba kau ra Tuhan i Aki Kapuuno' min, pai' tilu ra bansa' raginio sumamba ra tuhan-tuhan nilo.

SAGULION 7:25

Solobo' noyo sinungkalalaing nilo. Pai' gogoto' mas am pirok ondo' soroi ra sinungkalalaing nilo, am pai' alap ra kuliamos raginio tayar rirun galama'. Pai' kau pangalap raginio, malumpa' kau ra kapio, sabap masisang Tuhan ra sumamba ra sinungkalalaing.

SAGULION 7:5

Ginio ra puuto' min altar ru bansa'-bansa' raginio, popolo' min lugu' batu karamat, tuntuaro' noyo tatandu' ru Dewi Asyira am solobo' sinungkalalaing nilono.

PINAINTALANG 13:1

Kakito ku boo sanginan bibiag masigo siminalula' intor ra ralalom ru raat. Mokoondo' io ra mopor sangau am tulu' ulu. Rorondo' ra sangau no mokoondo' karaun am rorondo' ra ulu no makabatik ra inggalan magulas ri Aki Kapuuno'.

TINGGANAI RU BANSA' 2:2

Ginio ra kalo pambaalon kau ra nabantuan ra atan pana ra mamagun ru pagun no. Musiti' puuton min altar nilono.’ Kaa' kalo binaal min atan ondo' nanusuban Kuno. Binaal min poyo ondo' suai raginio!