SAGULION 12:28 - Tanou Moonsoi Timugon

²⁸ Ngaangai' baal ondo' nanusuban ku noyo ramuyun musiti' gagayaan ra matanda'. Ginio ra akau am papag min makakaansayan ra sabuoi-buoi no, sabap ra mambaal kau ra atan ondo' motopot am mapabansuk ra Tuhan i Aki Kapuuno' min.”

SAGULION 12:28 ပူးပေါင်းရင်းမြစ်များ

2 RAJA'-RAJA' 17:31

ulun ru Awa nambaal ra sinungkalalaing Nibas am Tartak, am ulun ru Siparwaim nampataak ra anak nilo koson ra taak simbalui ondo' solobon ra Adramilik am Anamilik, dewa-dewa nilo.

2 TUNUNG RU BANSA' ISRAIL 7:17

Amon ru mangandoi kou ayuk Raki' am gumagaya' koson ra ama' muli i Daut, gumagaya' ra ngaangai' ukum Kuno, am niayuk mambaal ra ngaangai' ondo' nanusuban Ku noyo rirun,

NIGIMIA 1:5

“Iou Tuhan i Aki Kapuuno' mangnguasa' giu' ra suruga'! Okou i Aki Kapuuno' ondo' matulai, am tumingkuang akai Rirun ra malaa' kaga'. Gumagaya' Kou ra nabantuan Muno risilo ondo' motogom Rirun am mambaal ra susuban Muno.

MAZMUR 105:45

maa' raginio ulun Nano gumagaya' ra ukum Nano, am mambaal ra ngaangai' panusuban Nano. Omporo' noyo Tuhan!

KAINGKUALAN 34:11

Gagayaa' noyo ukum ondo' taakin Kuno ramuyun ra orou raiti'. Pagiruon Ku ulun ru Amori, Kanaan, Git, Piris, Giwi am Jibusi paat ra akau mongoi ra giu'.

MAMPATANOU 8:12

Kabalu' pana ulun makatula' nambaal ra maatus kalaatan, ilo lakat poyo maayag. Nakapandai aku ra ulun mindagu, “Ulun ondo' gumagaya' ri Aki Kapuuno' maayag ra sabubuoi no,

YEHEZKIEL 37:24

Sangulun raja' koson ri Daut, ulipon Kuno, masauk ra raja' nilo. Pasimpungon Ku ilo ragana' ru sangulun manguasa' am totopot gumagaya' ilo ra ukum Kuno.

IMAMAT 19:37

Gagaya' no ra ukum am susuban Kuno; Aku noyo Tuhan.”

JUANIS 15:10

Amon ru gumagaya' kau ra panusuban Kuno, rumondon kau ra togom Kuno. Ginio mogondo' ra Aku gumagaya' ra panusuban ri Ama', am rumondon Aku ra togom Nano.

JUANIS 15:14

Amon ru gumagaya' kau ra panusuban Kuno, akau no rangan Kuno.

JUANIS 15:3

Kinapasau kano ru pangilaan ondo' pinasaboi Kuno ramuyun.

SAGULION 12:25

Amon gumagaya' kau ra ukum raginio, maansayan Tuhan ramuyun, am akau am niayuk papag min makakaansayan.

SAGULION 24:8

Paat ra akau marualan ra maruol ru kungkung ondo' makalalaa', baalo' ra matanda' atan ondo' panusuban ramuyun ru imam bansa' ru Liwi. Bayaa' noyo panuluan-panuluan ondo' pinataakan ku noyo risilo.

SAGULION 4:40

Gagayaa' noyo ngaangai' ukum Nano ondo' pinataak kuno ramuyun ra orou raiti', akau am papag min pana makakaansayan. Magulayun kau mayan ra tana' ondo' tinaakan ramuyun ru Tuhan i Aki Kapuuno' min koson masauk ra longgom min ra sabubuoi no.”

SAGULION 5:33

Gagayaa' noyo ngaangai' ondo' nanusuban ru Tuhan i Aki Kapuuno' min maa' raginio makakaansayan am maawar painawo min giu' ra tana' ondo' ayanin min.”