SAGULION 12:23 - Tanou Moonsoi Timugon

²³ Kaa' pai' pangakan ra kual ondo' lakat poyo makararaa', sabap painawo ru bibiag no soroi ralalom ru raraa' nano. Kalo makaakan kau ra painawo mabaya' ra kual.

SAGULION 12:23 ပူးပေါင်းရင်းမြစ်များ

KASAUKAN 9:4

Rondo' ayuk ondo' kalo maakan min, iono kual ondo' makararaa' ayuk poyo, sabap ra painawo no soroi ralalom ru raraa' no.

YEHEZKIEL 33:25

“Posoboyo' atan ondo' paraguon Kuno, Tuhan Raja' risilo: Nanginta' kau ra kual ondo' lakat poyo makararaa'. Sinamba min sinungkalalaing am namatoi. Ati kulaan kau mangkara' ra tana' ti longgom min?

IMAMAT 17:10

Amon ru ulun ru Israil kapoam ulun bansa' ru bokon ondo' minayan risilo mangakan ra raraa', ulun no anggalon ru Tuhan, am kalo boo karaan io ra ulun Nano.

IMAMAT 17:11

Painawo ru moonong ondo' maayag soroi ra ralalom ru raraa' nano. Ginio sabap ra nanaak Tuhan ra susuban maa' raginio ngaangai' raraa' pasasaron ra rasawat ru altar tayar mamuso ra tula ru ulun. Raraa', iono painawo, mamuso ra tula.

IMAMAT 19:26

“Pai' akano' kual ondo' lakat poyo makararaa'. Pai' pambaal ra atan pana ilimu' sihir.

IMAMAT 7:26

Ati ayuk ayanan ru ulun ru Israil, kalo toojo makaakan ilo ra raraa' ru susuit kapoam raraa' ru bibiag.

MATIUS 20:28

Koson niayuk ra Anak ru Ulun minatong sala' ka makiindangan, kaa' mangindangan, am mampataak ra painawo Nano am mamayag ra masuang ulun.”

RINALATAN 15:20

Kaa' tulisin takau ayuk ilo ra surat, koson kalo mangakan ilo ondo' majamol maya' ra kaulayan ru ugama, ioginio; akanon ondo' pinasulung ra sinungkalalaing, mangakan ra kual bibiag ondo' pinatoi sikako' kapoam mangakan ra raraa'; am niayuk minggalur intor ra baal pansasawaan.

SAGULION 12:16

Kaa' pai' pangakan ra raraa' ru bibiag no; sasari' raraa' no ra tana' koson ra timug.

SAGULION 12:22

Osoi ayuk ondo' mapasau kapoam majamol, iowon mangakan ra kual raginio koson ra akau nangakan ra kual ru tambang kapoam paus.

SAGULION 12:24

Pai' pangakan ra raraa'; sasari' raraa' ra tana' koson ra timug.

SAGULION 15:23

Pai' pangakan ra raraa' ru kual no; pasasaro' noyo raraa' no ra tana' koson ra timug.”

PINAINTALANG 5:9

Narimbai ilo ra rimbai bagu: “Okou no maaya' mangalap ra naskhah rinulun no am mampalungkab ra segel no, sabap ra pinatoi Kou noyo ra pinatayan Muno namayag Kou ra ulun intor ra moonong papag, ragu, bansa' am pagun, koson ilo ti pataakon ri Aki Kapuuno'.

1 SAMUIL 14:32

saboi nagagaau ilo nangalap ra kuliamos ondo' bagu tinalingaau intor ra pantula'; nangalap ilo ra domba am sapi', am niayuk nanimbalui ra ngaangai' no ra intok raginio niayuk, am rayus nanginta' ra kual ondo' lakat poyo makararaa'.

1 SAMUIL 14:33

Kopongo raginio binalaan Raja' Saul ra baal raginio, “Raja' mai, makatula mamagun ra Tuhan sabap ra nanginta' ra kual ondo' lakat poyo makararaa'.” Golok Raja' Saul, “Totopot kano ra najanjayan! Luiro' kon rondo' batu maayo ragiti!”