SAGULION 12:2 - Tanou Moonsoi Timugon

² Giu' ra tana' ondo' ayanin min, pusoo' noyo ngaangai' intok sambaan ra dewa giu' ra rasawat ru gunung ondo' masawat, am giu' ragana' ru tataun masansam, intok ru bansa' ondo' minayan ra giu' no sumamba ra tuhan-tuhan nilo.

SAGULION 12:2 ပူးပေါင်းရင်းမြစ်များ

1 RAJA'-RAJA' 14:23

Nambaal ilo ra intok-intok sambaan ra dewa am nampatirong ra lugu'-lugu' ru sinungkalalaing sambaan am tatandu'-tatandu' ru Dewi Asyira koson sambaan giu' ra bulur-bulur am ra saau ru puun-puun tataun makalu.

1 RAJA'-RAJA' 3:2

Paat raginio Baloi ru Tuhan kalo poyo binaal. Ginio ra mamagun mampataak ra taak simbalui giu' ra altar-altar ra nansusuai intok.

2 RAJA'-RAJA' 11:18

Kopongo raginio umpos mamagun ra ralalom ru kuil Baal am nampalunsai ra kuil no. Inumok nilo ngaangai' altar am sinungkalalaing sambaan ra giu' no. Namatoi ilo ri Matan, imam ru Baal, giu' ra saang ru altar-altar no. Panusub i Joyada ra ulun-ulun magagalung ra magalung giu' ra Baloi ru Tuhan,

2 RAJA'-RAJA' 16:4

Giu' ra intok sambaan ra sinungkalalaing giu' ra bulur-bulur am ra saau ru puun tataun ondo' magana', nampataak Raja' Agas ra taak simbalui am nonolob ra kaminyan.

2 RAJA'-RAJA' 23:13

Nampajamol niayuk Raja' Josia ra altar-altar ondo' binaal ru Raja' Salomo giu' ra tampilon sirangon ru Jirusalim, tampilon ra rabugus ru Bulur Jaitun intok sambaan ra dewa-dewa ondo' makatataman, iono Asyitorit, dewa ru ulun ru Sidon; Kamos, dewa ru ulun ru Moab; am Milkom, dewa ru ulun ru Amon.

MAZMUR 78:58

Napasangit ilo ri Aki Kapuuno' ra nambaal ra intok sambayangan ra sinungkalalaing, am napasangit Riso ra ngaangai' sinungkalalaing nilono.

KAINGKUALAN 23:24

Pai' samba ra tuhan-tuhan nilono. Pai' tiluo' ralan nilo sumambayang. Pusoo' noyo tuhan-tuhan nilono am pandako' lugu'-lugu' batu ondo' alapon nilo sumambayang.

JISAYA 36:7

Pagawai ru Asyur no maparayus poyo ra ragu nano, “Kapoam mindagu kau ra akau lumansan ra Tuhan, i Aki Kapuuno' mino. Bulintok ru Raja' Gijkia namarinta ra ulun ru Jiuda am Jirusalim maa' raginio sumambayang ra rondo' altar ayuk, ondo' linunsai no altar am intok-intok sambaan ra Tuhan galama'.

JIRIMIA 17:2

Bansa' mino sumamba ra sinungkalalaing giu' ra altar-altar am lugu'-lugu' mokoondo' ra sinungkalalaing ondo' pinatirong koson ri Dewi Asyira giu' ra saau ru moonong puun tataun masansam, giu' ra tampak-tampak ru bulur,

JIRIMIA 2:20

Indagu Tuhan Raja', “Alii ra Israil, intor ragili marara' kou mangandoi ayuk Raki'; marara' kou gumagaya' Raki' kapoam sumamba Raki'. Giu' ra rasawat ru moonong bulur ondo' masawat am giu' ra saau ru moonong puun tataun masansam, sumamba kou ra dewa-dewa ru kalabungan.

JIRIMIA 3:13

Pangiou ayuk ra okou makasala am giminuor ra Tuhan, i Aki Kapuuno' muno. Pangiou no ra giu' ra moonong saau ru puun tataun masansam pinataak mu togom muno ra tuhan-tuhan ru bansa' bokon, am kalo giminagaya' ra susuban Kuno. Aku, Tuhan nakaindagu noyo.”

JIRIMIA 3:2

Kinami' ilai' rasawat no, giu' ra tampak ru bulur! Ati ra intok ondo' kalo poyo igondo' kou ratong koson mantalan ra inan? Nanturung kou giu' ra kiing ru ralan maginaa ra ulun ondo' masaga' mansilar; okou koson ra ulun ru Arab ondo' magawang ra ulun ipaan giu' ra tana' kaagisan. Jinaka' mu pagun ti ra pansasawaan am kalaatan muno.

JIRIMIA 3:6

Paat ra pamarintaan ru Raja' Josia, indagu Tuhan raki', “Nakito mu noyo kia binaal ru Israil, ruandu' ondo' kalo gumagaya' no? Nangiruan io Raki' am nantalan ra inan giu' ra rasawat ru moonong bulur masawat am giu' ra saau ru moonong puun tataun masansam.

GOSIA 4:13

Nampataak ilo ra taak simbalui giu' ra intok-intok sambaan ra sinungkalalaing giu' ra gunung. Sinolob nilo kaminyan giu' ra bulur, giu' ra saau ru puun-puun tataun makalu ondo' maawas raun sabap ra intok raginio masindungan. Kinibit nano anak-anak ruandu' min nasauk ra ruandu' mantalan ra inan, am anak-anak mangiwan ra ruandu' min nansasawa'.

UNTABAN 22:41

Iosusuab ru suabon no nagibit Raja' Balak ri Biliam mongoi ra Bamot-Baal. Giu' no nakakito ri Biliam ra santayaran intor ra ulun ru Israil.

SAGULION 7:5

Ginio ra puuto' min altar ru bansa'-bansa' raginio, popolo' min lugu' batu karamat, tuntuaro' noyo tatandu' ru Dewi Asyira am solobo' sinungkalalaing nilono.

TINGGANAI RU BANSA' 2:2

Ginio ra kalo pambaalon kau ra nabantuan ra atan pana ra mamagun ru pagun no. Musiti' puuton min altar nilono.’ Kaa' kalo binaal min atan ondo' nanusuban Kuno. Binaal min poyo ondo' suai raginio!