SAGULION 11:9 - Tanou Moonsoi Timugon

⁹ Maayag kau ra mabuoi giu' ra tana' ondo' langkaya' am malabung, ondo' binantu' noyo ru Tuhan ra kinamatuaan min am papag min.

SAGULION 11:9 ပူးပေါင်းရင်းမြစ်များ

KAINGKUALAN 20:12

“Urumato' noyo ama' am ina' muno, maa' raginio maawar painawo muno ra tana' ti ondo' pataakon Kuno rirun.

KAINGKUALAN 3:8

Ginio ra tumuun Aku mongoi pampalabus risilo intor ra ulun ru Misir, am magibit risilo mingkual intor ra pagun no am mongoi ra rondo' pagun ondo' mapila', langkaya' am malabung. Paat ragitio pagun no inayanan ru ulun ru Kanaan, Git, Amori, Piris, Giwi am Jibusi.

AMSAL 10:27

Urumato' noyo Tuhan, am okou pana maawar painawo; ulun malaat matoi ra kalo poyo masuku' patayan nano.

AMSAL 3:16

Kapintaran manaak rirun ra maawar painawo, am niayuk langkaya' am uramaton.

AMSAL 3:2

maa' raginio maawar painawo muno am kaayagan muno langkaya'.

AMSAL 9:11

Mapintar mapakaawar ra umur muno.

YEHEZKIEL 20:6

Paat raginio noyo binantu' Ku magibit risilo mingkual intor ra Misir, am maningganai risilo mongoi ra tana' ondo' pinili' Ku noyo ra tayar nilo, tana' ondo' langkaya' am malabung am moonsoi kaga'.

SAGULION 1:8

Aku Tuhan nambantu' noyo koson manaak ra titikop ru tana' ti ra kinamatuaan min i Abragam, i Isak am i Jakub, am niayuk papag nilo. Ongoi noyo am ayani' tana' raginio.’ ”

SAGULION 11:10

Tana' ondo' ayanin mino sala' ka koson pagun ru Misir, intok inayanan min ra galing. Paat akau mantanom ra sampug giu' ra Misir, musiti' kau mingkotog mangandoi koson manimug ra umo;

SAGULION 11:21

Amon nambaal kau raginio, akau am anak-anak mino maayag ra mabuoi giu' ra tana' ondo' binantu' ru Tuhan i Aki Kapuuno' min ra kinamatuaan min. Mayan kau ra giu' buoi limbowon soroi ra rasawat ru tana' ti.

SAGULION 4:40

Gagayaa' noyo ngaangai' ukum Nano ondo' pinataak kuno ramuyun ra orou raiti', akau am papag min pana makakaansayan. Magulayun kau mayan ra tana' ondo' tinaakan ramuyun ru Tuhan i Aki Kapuuno' min koson masauk ra longgom min ra sabubuoi no.”

SAGULION 5:16

‘Urumato' noyo ama' am ina' mino, koson nanusuban Kuno Tuhan i Aki Kapuuno' min ramuyun, maa' raginio makakaansayan am maawar painawo giu' ra tana' ondo' taakin Kuno ramuyun.

SAGULION 5:33

Gagayaa' noyo ngaangai' ondo' nanusuban ru Tuhan i Aki Kapuuno' min maa' raginio makakaansayan am maawar painawo min giu' ra tana' ondo' ayanin min.”

SAGULION 6:18

Baalo' noyo atan ondo' moonsoi am matanda' ra pagilangan ru Tuhan, am makakaansayan kau. Akau tatangan ra tana' ondo' malabung, ondo' binantu' noyo ru Tuhan ra kinamatuaan mini,

SAGULION 6:2

Buoi ru bayag, musiti' akau am papag min mangurumat ra Tuhan i Aki Kapuuno' min am gumagaya' ra ngaangai' ukum Nano ondo' taakin kuno ramuyun, maa' raginio maawar painawo min giu' ra tana' raginio.

SAGULION 6:3

Rongogo' noyo am gagayaa' noyo ukum-ukum raginio, ulun ru Israil kau ngai'! Koson raginio ra akau makakaansayan am masauk ra bansa' ondo' maikang, am niayuk mayan giu' ra tana' ondo' langkaya' am malabung no, koson ra ondo' binantu' noyo ru Tuhan i Aki Kapuuno' ru kinamatuaan takau.

SAGULION 8:7

Tuhan i Aki Kapuuno' min tatanga' magibit ramuyun mongoi ra tana' ondo' malabung, tana' ondo' mokoondo' ra sungoi am taur ru timug, am niayuk sungoi boborok giu' ragana' ru tana' ondo' bubuluak mongoi ra limayak-limayak am bulur-bulur;

SAGULION 9:5

Nangiou Tuhan ramuyun mangalap ra tana' nilono sala' ka sabap ra moonsoi kau am nambaal ra motopot. Nampagiru' Tuhan risilo sabap malaat ilo, am sabap masaga' Io manugut ra nabantuan ondo' binaal Nano ra kinamatuaan min i Abragam, i Isak am i Jakub.