SAGULION 11:23 - Tanou Moonsoi Timugon

²³ Pagiruon No boo ngaangai' bansa' no paat akau jumalai, am mayan kau ra tana' ra linonggom ru bansa' ondo' mangaayo poyo am mangaikang poyo intor ramuyun.

SAGULION 11:23 ပူးပေါင်းရင်းမြစ်များ

KAINGKUALAN 34:11

Gagayaa' noyo ukum ondo' taakin Kuno ramuyun ra orou raiti'. Pagiruon Ku ulun ru Amori, Kanaan, Git, Piris, Giwi am Jibusi paat ra akau mongoi ra giu'.

SAGULION 4:38

Napagiru' Io ra bansa'-bansa' ondo' maayo poyo am maikang poyo intor ramuyun, maa' raginio makapagibit Io ramuyun mongoi ra tana' nilo, am manaak ramuyun ra tana' raginio. Saboi raino tana' no lakat poyo akau tatangan.

SAGULION 9:1

“Rongogo' noyo, ulun ru Israil kau ngai'! Paat ra orou raiti' lumaup kau ra Sungoi Jordan, am mayan ra tana' ondo' linonggom ru bansa'-bansa' ondo' maayo poyo am maikang poyo intor ramuyun. Bandar-bandar nilo mangaayo, am timbok ru bandar-bandar no masawat saboi ra limbowon.

SAGULION 9:5

Nangiou Tuhan ramuyun mangalap ra tana' nilono sala' ka sabap ra moonsoi kau am nambaal ra motopot. Nampagiru' Tuhan risilo sabap malaat ilo, am sabap masaga' Io manugut ra nabantuan ondo' binaal Nano ra kinamatuaan min i Abragam, i Isak am i Jakub.

JOSUA 23:9

Napagiru' Tuhan ra bansa' mangaayo am mangaikang paat akau timinula' risilo; kalo igondo' sangulun pana nakaanggal ramuyun.