SAGULION 11:16 - Tanou Moonsoi Timugon

¹⁶ Pai' polosoo' akau palayawon saboi tumalikur intor ra Tuhan, am sumamba am mangandoi ra tuhan-tuhan ra bokon.

SAGULION 11:16 ပူးပေါင်းရင်းမြစ်များ

1 RAJA'-RAJA' 8:35

“Paat ra Okou napauog ra rasam sabap ra ulun Muno makatula noyo Rirun, am timinalikur ilo intor ra tula am tumingkuang ra Baloi ti, am makiasi' Rirun ra minggana' guang,

AYUP 31:27

Kalo igondo' aku kalaai ra ngaangai' no, am kalo igondo' mangalok ra kalindu' kuno koson mangurumat ra ngaangai' no.

JISAYA 44:20

Binaal raginio nogondo' ayuk ra mangakan ra kaau. Pangkaraan nano pinalayau saboi kalo boo makaindangan riso. Kalo mangiou io ra sinungkalalaing ra ginuut nano sala' ka tuhan.

LUKAS 21:34

“Ilalai' min! Pai' kau bunsag am magiginum ayuk, kapoam magalabo ra kaayagan mino ayuk, saboi Orou ru Tuhan mamulali' matong am kalo makatampos kau.

LUKAS 21:36

Ilalai' am kasalok makiasi', maa' raginio makapantataan kau baal ragitio ra io masauk am paat ra akau paumaan ra Anak ru Ulun.”

LUKAS 21:8

Indagu i Jisus, “Ilalain koson kalo ruungon kau! Sabap ra masuang ulun matong am manabit ra inggalan Kutu, konilo, ‘Aku no Io!’ am, ‘Maar noyo masuku' paat nano!’ Kaa' pai' kau baya' risilo.

SAGULION 12:30

Mopongo Tuhan mamuso ra bansa'-bansa' raginio, pagilalain. Pai' baya' ra kaindalaman ru ugama nilo, sabap baal raginio maparatong ra karaat. Pai' pakibala' ra ralan nilo sumamba ra tuhan-tuhan nilo ra kuayan tumilu ra ralan nilono.

SAGULION 13:3

pai' lioo' ragu nano. Namakai Tuhan i Aki Kapuuno' min riso koson mangkinam ramuyun, maa' raginio mapandayan ru Tuhan ra motogom kau Riso ra sotopot ru guang kapoam kalo.

SAGULION 17:3

am niayuk susuban ru Tuhan sabap ra ilo siminamba am nangandoi ra tuhan-tuhan ra bokon, kapoam ra mato ru orou, kapoam ra sila', kapoam ra bibiag-bibiag.

SAGULION 28:14

Kaa' pai' noyo lingon anggal ra panusuban no ra atan pana ralan, am pai' samba ra tuhan-tuhan ra bokon.”

SAGULION 29:17

Nakito min sinungkalalaing nilo ra majamol, ondo' binaal intor ra tataun, batu, pirok am mas.

SAGULION 29:18

Ginio ra alungi' noyo maa' raginio kolondo' sangulun pana ragiti ra orou raiti', iou ra ungkuyon, ruandu', sasambaloi kapoam bansa' ondo' timinalikur intor ra Tuhan i Aki Kapuuno' takau, am samba ra tuhan ru bansa' ru bokon. Baal raginio koson ra bakat ondo' tumuu' masauk ra tatanom mapait am makaanit.

SAGULION 30:17

Kaa' amon ru kalo gumagaya' kau am kalo masaga' rumongog, am polosoon inan min palayawon koson sumamba ra tuhan-tuhan ra bokon,

SAGULION 31:20

Magibit Aku risilo ra tana' ondo' langkaya' am malabung no koson ondo' binantu' Ku noyo ra kinamatuaan nilo. Giu' no makaalap ilo ra akanon ondo' pakuan nilo am matasu' kaayagan. Kaa' tumalikur ilo intor Raki' am sumamba ra tuhan-tuhan ra bokon. Mangimpai ilo Raki' am lumungkang ra nabantuan Kuno.

SAGULION 4:23

Karaa' noyo toojo! Pai' liliani' nabantuan ondo' binaal ru Tuhan i Aki Kapuuno' min ramuyun. Gagayaa' susuban Nano; pai' noyo lingon pambaal ra sinungkalalaing ralalom atan pana baal no ra tayar ramuyun,

SAGULION 4:9

Pagilalain! Tutunon ra buoi akau maayag, kalo noyo toojo malilianan min baal ondo' nakito min noyo ra mato min galama'. Balai' noyo anak akupu mino

SAGULION 5:7

‘Pai' samba ra tuhan-tuhan ra bokon; samba ayuk Aku.

SAGULION 8:19

Pai' liliani' Tuhan i Aki Kapuuno' min am pai' ongoi ra tuhan-tuhan ra bokon koson sumamba am mangandoi ra tuhan-tuhan raginio. Pakaraan Takamin ra orou raiti' ra amon mambaal kau niayuk, maaru' mapuso kau.

IBRANI 12:15

Ilalai' noyo ra kolondo' sangulun pana tumalikur ra kataawan ri Aki Kapuuno', maa' raginio kolondo' sangulun pana mantipagon ra bokon mogondo' ra tutuu' makatuwo ondo' makaanit ra ulun.

IBRANI 2:1

Sabap ra kuasa' ru Anak Nano maayo intor ra malaikat, mingkotog takau poyo toojo gumuut ra pangilaan ondo' norongog takau noyo, maa' raginio kalo mangiruan takau ra katapatan.

IBRANI 3:12

Pabukat kau ngai' ondo' tagamin kuno, ilalai' min koson ra kolondo' sangulun intor ramuyun no makaguang ra malaat ra kalo boo mangintopot, saboi tumalikur boo ri Aki Kapuuno' ondo' mantilayun no.

IBRANI 4:1

Raino, bantu' ri Aki Kapuuno' ni lakat poyo soroi ra tumangus takau mabaya' Riso. Intor raginio, ilalai' takau noyo ra kolondo' ra sangulun kalo makatangus mabaya' Riso.

JAKUBUS 1:26

Amon ru mokoondo' sasangulun mangkara' ra io ti noyo manginsugut toojo ri Aki Kapuuno', kaa' kalo panantulangon rila' ra io mindagu, io galama' ayuk miruruung am panginsugutan nati pana kolondo' onong.

1 JUANIS 5:21

Pabukat kau ngaangai', inggalur kano intor ra sinungkalalaing binaal-baal no!

PINAINTALANG 12:9

Ginio nai ra tambuakal maayo no pinatiran ra liwar! Io ti kukuo intor ra galing i ondo' ininggalanan ra “Tingganai ru riwato”, kapoam “Ambiluo Malaat”, ondo' nampakalayau ra ngaangai' ulun ru tana' ti. Pinatiran io ra tana' ti nabaya' ra ngaangai' malaikat nano.

PINAINTALANG 13:14

Ngaangai' ulun ra tana' ti ruungon no mansail ra kaimuagan ondo' iniou mabaal no ra saang ru bibiag masigo kasaa' no. Ilo ngaangai' ti susubon no mambaal ra sinungkalalaing koson sumamba ra bibiag masigo ondo' napilatan noyo ra ilang, kaa' lakat poyo maayag.

PINAINTALANG 20:4

Kakito ku boo kurisi'-kurisi' turungan ru raja', am ulun-ulun ondo' nanturung inanian ra kuasa' mangukum. Nakito ku niayuk ambiluo ru ulun-ulun ondo' iningguluan sabap ra nangani' ilo ra kaintutunan intor i Jisus am nampatanou ra pambalaan ri Aki Kapuuno'. Ulun-ulun no kalo siminamba ra bibiag masigo kapoam sinungkalalaing no am kalo igondo' tinatanduan ra saap ru bibiag masigo no ra rabas am kalindu' nilono. Ilo naayag saguli' am namarinta ilo koson ra raja' mababaya' ri Kristus buoi saribu ngambilor.

1 SAMUIL 12:20

Taam i Samuil, “Pai' kau kalaa'! Kabalu' pana ra nambaal kano ra baal ondo' malaat, pai' talikuri' Tuhan. Pangandoi kano ayuk toojo Riso ra sototopot ru guang mino.

1 SAMUIL 12:21

Pai' baya' ra dewa-dewa ondo' kalo makapangindangan kapoam makapamayag ramuyun, sabap ra dewa-dewa no sotopot no kolondo'.