SAGULION 10:8 - Tanou Moonsoi Timugon

⁸ Giu' rasawat ru gunung, Tuhan nampasauk ra ulun intor ra bansa' ru Liwi koson magalung ra Kaban Nabantuan, am koson mangandoi Riso koson imam, am niayuk koson mindagu ra barakat ralalom ru inggalan Nano. Saboi raino lakat poyo bansa' ru Liwi mambaal ra kandoi raginio.

SAGULION 10:8 ပူးပေါင်းရင်းမြစ်များ

1 RAJA'-RAJA' 8:6

Kopongo raginio imam-imam nagibit ra Kaban Nabantuan no ra ralalom ru Baloi ru Tuhan, am napabanta' raginio giu' ra Lamin Matulai Kaga', giu' ra ragana' ru sinungkalalaing kirub.

1 TUNUNG RU BANSA' ISRAIL 15:2

Kopongo raginio indagu Raja' Daut, “Ulun ru Liwi ayuk ondo' iowon mansaan ra Kaban Nabantuan ri Aki Kapuuno', sabap ra ilo pinili' ru Tuhan koson mansaan ra Kaban Nabantuan ru Tuhan am koson mangandoi ayuk Riso ra sabubuoi no.”

1 TUNUNG RU BANSA' ISRAIL 15:26

Tulu' ngainan sapi' gawayan am tulu' ngainan domba pinataak ri Aki Kapuuno' sabap ra nangindangan Io ra ulun ru Liwi ondo' nansaan ra Kaban Nabantuan no.

1 TUNUNG RU BANSA' ISRAIL 23:13

Anak katuaan ri Kigat, iono i Amram, iono ama' ri Arun am i Musa. (Koson ra sabubuoi no, i Arun am papag nano linili' koson manalingapu ra kuliamos ru sambayang, monolob ra kaminyan ra Tuhan, mangandoi ayuk Riso, am mambarakat ra mamagun ralalom inggalan ru Tuhan.

1 TUNUNG RU BANSA' ISRAIL 23:26

Ginio ra kalo boo pana saanin ru ulun ru Liwi Kim ru Tuhan am ngaangai' kuliamos ondo' pinakai koson ra sambayang.”

2 TUNUNG RU BANSA' ISRAIL 29:11

Akau anak ku ngaangai', pai' no kalibut. Akau no ondo' pinili' ru Tuhan koson monolob ra kaminyan Riso, am niayuk maningganai ra mamagun koson sumamba Riso.”

2 TUNUNG RU BANSA' ISRAIL 30:27

Imam-imam am ulun-ulun ru Liwi nakibarakat ra Tuhan ra tayar ru mamagun. Intor ra intok inayanan Nano giu' ra suruga', nokorongog Tuhan am niayuk nangapu ra pakiasian nilo.

MAZMUR 134:1

Rimbai ru ratangan. Ibok, omporo' noyo Tuhan, akau ngaangai' ulipon ru Tuhan, ondo' mangandoi ra Baloi Nano bulintok molondom.

MAZMUR 134:2

Patunuyo' noyo kalindu' mino liliwa' makiasi' giu' ra Baloi ru Tuhan, am omporo' noyo Tuhan!

MAZMUR 135:2

ondo' sumambayang ra Baloi ru Tuhan, intok ayanan ri Aki Kapuuno' takau.

JIRIMIA 15:19

Taam boo Tuhan, “Amon ru sumaguli' kou, apuon Tokou. Masauk kou poyo ra ulipon Kuno. Amon ru mampatanou kou ra tanou ondo' mokoonong am sala' ka ondo' kolondo' ampos, masauk kou saguli' ra nabi Kuno. Ulun matong poyo rirun, am okou kalo pana mongoi risilo.

YEHEZKIEL 44:11

Iowon ilo mangandoi ra Baloi Kuno am magalung ra kulobon garabang am mambaal ra kandoi giu' ra ralalom Baloi Kuno. Iowon ilo manimbalui ra bibiag ondo' pataakon koson ra taak simbalui koson mapabansuk ra guang Kuno, am koson ra taak intor ra ulun, am musiti' ilo masalok mangindangan ra ulun.

YEHEZKIEL 44:15

Indagu Tuhan Raja', “Imam-imam ru Liwi intor ra papag ri Jadok, magulayun toojo mangandoi Raki' paat ulun ru Israil nangiruan Raki'. Ginio ra, raino ilo noyo ondo' mangandoi Raki' am matong ra saang Kuno koson mampataak ra lomok am niayuk raraa' ru bibiag sinimbalui.

IMAMAT 8:9

Pasampako' ri Musa serban ra ulu ri Arun, am tampilon ra saang ru serban no patakino' ri Musa limpor mas koson tatandu' patimpokon, koson ra nanusuban ru Tuhan.

IMAMAT 9:22

Pakataak ri Arun ngaangai' taak simbalui no, potoroyo' no kalindu' nano ra rasawat ru ulun raginio am pambarakat risilo, am tuun io.

UNTABAN 3:31

Magalung ilo ra Kaban Nabantuan, mija', tampakan ra lampung, altar-altar, kuliamos-kuliamos pakayon ru imam giu' ra Lamin Matulai am tabir ru kulobon ru Lamin Matulai Kaga'. Magalung ilo ra ngaangai' kandoi ondo' makakulawit ra kuliamos-kuliamos raginio.

UNTABAN 3:6

“Susubo' bansa' ru Liwi matong ra saang, am saukon ilo ra mangindangan ri Arun, imam no.

UNTABAN 4:15

Paat maparulun ra Kim, bansa' ru Kigat mangkayang ra kuliamos mangapasau ra mopongo ayuk taubin ri Arun am anak-anak nano ngaangai' kuliamos no am niayuk kuliamos ra ukop nano. Kalo pokombongon bansa' ru Kigat ra kuliamos mangapasau no. Amon ru mangambong ilo raginio, matoi ilo. Ginio noyo kandoi ru bansa' ru Kigat paat pabandingon Kim ru Tuhan.

JUANIS 15:16

Pai' ru akau nampili' Raki', kaa' Aku noyo nampili' ramuyun am inaru' takamin mongoi ra ati-ati ayuk am manangkawa' ra maawas, am kawa' mino tumilayun. Atan ayuk kitaakon min ralalom ru inggalan Kuno, aniin kau ri Ama'.

RINALATAN 13:2

Igondo' ragili, tatanga' ilo sambayang am nampali, indagu Ambiluo ri Aki Kapuuno' no risilo, “Pasuayo' min i Barnabas am i Saulus koson mangangandoi raki' ra kandoi ondo' inaru' Ku noyo risilo.”

ROMA 1:1

Pabukat kau ngaangai', aku i Paulus, ulipon ri Jisus Kristus am rasul ondo' pinili' am piniau ri Aki Kapuuno' mampabala' ra Tanou Moonsoi Nano.

ROMA 12:7

Osoi ondo' inanian ra kapandayan mangindangan, pangindangan no. Osoi ondo' inanian ra kapandayan mangila', pangila' no.

2 KORINTUS 6:17

Sabap raginio, Inggalur kano ra ulun ondo' kalo makaulig ri Aki Kapuuno', am niayuk tuliar kau risilo. Pai' kau pangambong ra atan ayuk majamol, am apuon takamin.

GALATIA 1:15

Kaa' sabap ra asi' ri Aki Kapuuno', nampili' Io raki' ra aku kalo poyo inanak, am nampiau raki' mangandoi Riso.

SAGULION 17:12

Osoi baani mansang ra akim kapoam imam ondo' mangandoi musiti' ukumin ra matoi; gitio ralan min mamuso ra kalaatan ra Israil.

SAGULION 18:5

Nampili' Tuhan ra bansa' ru Liwi intor ra ngaangai' bansa' min mangandoi Riso koson ra imam ra sabuoi-buoi no.

SAGULION 21:3

Kopongo raginio tingganai-tingganai intor ra bandar ondo' nakainggaar ra intok ru baangkai no natuum musiti' mampili' ra sanginan sapi' mamulok ondo' kalo igondo' pinakai ra mangandoi.

SAGULION 21:5

Imam-imam ru bansa' ru Liwi niayuk musiti' mongoi ra giu' no, sabap musiti' ilo mangakim ra moonong baal ondo' makalabit ra kalaatan. Nampili' noyo Tuhan i Aki Kapuuno' min risilo koson mangandoi ayuk Riso am koson mambarakat ra ulun sabap ra inggalan Nano.

SAGULION 31:9

I Musa pana nanulis boo ra Ukum ri Aki Kapuuno' no am taaki' no ra imam-imam Liwi ondo' nanalingapu ra Kaban Nabantuan ru Tuhan am ra tingganai-tingganai ru ulun ru Israil.