SAGULION 10:21 - Tanou Moonsoi Timugon

²¹ Omporo' noyo Io sabap Io Aki Kapuuno' min, am ra mato galama', nakito min baal mangaayo am makaimuag ondo' binaal Nano ramuyun.

SAGULION 10:21 ပူးပေါင်းရင်းမြစ်များ

2 SAMUIL 7:23

Giti ra titikop ru tana' ti, kolondo' bansa' ra bokon koson ra Israil, ondo' binayag Mu noyo intor ra pangulipanan, am niayuk mapasauk risilo ra ulun Muno galama'. Binaal maayo am makaimuag no, ondo' binaal Muno risilo napatulai noyo ra inggalan Muno ra titikop ru tana' ti. Napagiru' Kou ra bansa'-bansa' ra bokon am dewa-dewa nilono paat ra ulun Muno jumalai mangayou, ulun ondo' binayag Muno intor ra Misir koson masauk ra ulun Muno galama'.

MAZMUR 109:1

Ra tingganai ru santimungan maririmbai. Mazmur ri Daut. Iou i Aki Kapuuno' ondo' masalok kuno omporon, pai' pongkoror!

MAZMUR 145:6

Pabalaan ru ulun binaal Muno ra makaimuag, am pabalaan ku katulayan Muno.

MAZMUR 148:14

Kinaikang No ulun Nano, maa' raginio omporon Io ru ngaangai' ulun Nano, ulun ru Israil ondo' tinagaman Nano. Omporo' noyo Tuhan!

MAZMUR 22:3

Orou ti mampiau aku Rirun, iou Aki Kapuuno', kaa' kalo tumaam Kou; bulintok molondom mampiau aku, kaa' lakat guang magalabo.

KAINGKUALAN 15:2

Tuhan manaung raki' ondo' maikang; Io noyo namayag raki'. Io i Aki Kapuuno' kuno, am mongompor aku Riso; Io i Aki Kapuuno' ondo' sambaan ri ama' i, am marimbai aku ra kinaayo Nano.

KAINGKUALAN 34:10

Indagu Tuhan ri Musa, “Raino mambaal Aku rondo' nabantuan ra ulun ru Israil. Gino ra saang min, mambaal Aku ra baal mangaayo, ondo' kalo igondo' baalo' ra gino ngai' ru bansa' no ra titikop ru tana' ti. Makito ru ngaangai' bansa' ondo' maalap kabaal ru Aku, Tuhan, sabap ra baalin Ku akau ra baal mangaayo.

JISAYA 60:19

Mato ru orou kalo boo suminda rirun bulintok matawang, bulan kalo boo suminda rirun bulintok molondom, Aku, Tuhan, suminda rirun ra mantilayun; tampulawon Tokou ra katulayan Kuno.

JISAYA 64:3

Nambaal Kou ra baal ondo' makalalaa', ondo' kalo maguang mai. Timinuun Kou, am gunung-gunung mauyog sabap ra malaa'.

JIRIMIA 17:14

Iou Tuhan, babaso' aku no, maa' raginio maligag aku. Bayago' aku no, maa' raginio maayag aku. Okou ayuk omporon kuno!

LUKAS 2:32

Koson ra sinda mapakatawang ra ralan manulu' Io ra ulun sala' ka Jaudi rumatong Rirun. Io niayuk sinda ondo' mampasauk ra ulun Muno Israil urumaton.”

JOSUA 24:18

Paat itakau namulunsar ra pagun ragitio, Tuhan napagiru' ra ngaangai' ulun ru Amori ondo' minayan ragiti. Ginio ra, akai niayuk mangandoi ayuk ra Tuhan; Io noyo i Aki Kapuuno' takau.”

PINAINTALANG 21:23

Bandar no kalo pana sirangin ru mato ru orou kapoam bulan, sabap ra masindaan noyo ru katulayan ri Aki Kapuuno', am Anak Domba no galama' lampung nano.

1 SAMUIL 12:24

Gagaya' kano ra Tuhan am pangandoi ayuk toojo Riso am ra sototopot ru guang mino. Karaa' noyo baal maayo ondo' binaal Nano ramuyun.