SAGULION 10:20 - Tanou Moonsoi Timugon

²⁰ Urumato' noyo Tuhan i Aki Kapuuno' min am sambayang Riso ayuk. Gagaya' noyo Riso am pagibot noyo ralalom ru inggalan Nano ayuk.

SAGULION 10:20 ပူးပေါင်းရင်းမြစ်များ

2 RAJA'-RAJA' 18:6

Gumagaya' Raja' Gijkia ra Tuhan, am kalo igondo' minanggal Riso. Topot-topot io gumagaya' ra ngaangai' susuban ru Tuhan ondo' pinasaboi galing ri Musa.

MAZMUR 63:11

potoyon ilo bulintok ra mangayou, am baangkai nilono akanon ru taani.

KAINGKUALAN 20:7

“Pai' sabito' inggalan Kuno koson kuayan ra malaat sabap ra Aku Tuhan i Aki Kapuuno' mu, mangukum ra osoi pana ondo' mangumpara' ra inggalan Kuno.

MAMPATANOU 12:13

Gitio noyo ontoson ragu intor ra ngaangai' no: Uramato' noyo i Aki Kapuuno' am gagaya' no ra ngaangai' susuban Nano, sabap ra ginio noyo kuayan itakau ulun inangun.

JISAYA 45:23

Bantu' Kuno motopot, am kalo masulang. Aku galama' mipapator ralalom ru inggalan Kuno: Moonong ulun migulatur ra saang Kuno, am ralalom ragu nilo sigagama' mambaal ra bantu' koson gumagaya' Raki'.

JIRIMIA 4:2

makapagibot kau ra ralalom ru inggalan Kuno. Mopongo raginio ngaangai' bansa' makibarakat ilo Raki', am mongompor ilo Raki'.”

MATIUS 4:10

Taam i Jisus, “Pagiru' no, okou Tingganai ru riwato. Mokoondo' tinulisan ra Buuk Kitab, ‘Sambaa' ayuk Tuhan, i Aki Kapuuno' muno, am pangandoi kou ayuk Riso!’ ”

LUKAS 4:8

Taam i Jisus, “Tinulisan noyo ralalom Buuk Kitab, ‘I Aki Kapuuno' ayuk sambaan muno am mangandoi ayuk Riso!’ ”

RINALATAN 11:23

Paat ra io nakasaboi ra giu' i, nakakito io ra ati kulaan i Aki Kapuuno' nambarakat ra ulun ra giu' no am naansukan io. Panusub io risilo gumagaya' toojo ra Tuhan.

ROMA 12:9

Tagami' noyo ulun bokon ra totopot ru guang min. Kasisangi' min baal ra malaat am rayuso' min mambaal ra moonsoi.

SAGULION 11:22

“Gagayaa' noyo toojo ngaangai' ukum ondo' tinaakan kuno ramuyun: Tagami' noyo Tuhan i Aki Kapuuno' min, baalo' noyo ngaangai' ondo' nanusuban Nano am gagaya' noyo Riso.

SAGULION 13:4

Baya' noyo ra Tuhan am urumato' noyo Io. Gagayaa' noyo Io am suguto' noyo susuban Riso; samba noyo Riso am mintopot Riso.

SAGULION 30:20

Tagami' noyo Tuhan i Aki Kapuuno' min, gagaya' noyo am intopot noyo Riso, akau am papag min pana maawar umur giu' ra tana' ondo' binantu' ru Tuhan ra kinamatuaan min, i Abragam, i Isak am i Jakub.”

SAGULION 4:4

kaa' akau ondo' magulayun giminagaya' ra Tuhan i Aki Kapuuno' min lakat poyo naayag saboi orou raiti'.

SAGULION 5:11

‘Pai' sabito' inggalan Kuno ra kuayan ondo' malaat sabap Aku Tuhan i Aki Kapuuno' min, mangukum ra osoi ayuk ondo' mampajajou ra inggalan Kuno.

SAGULION 5:29

Mapara' bonsoi no amon ru magail ilo makaliman koson raginio. Mapara' bonsoi no amon ru magail ilo malaa' Raki' am gumagaya' ra ngaangai' susuban Kuno, maa' raginio ilo am papag nilo makakaansayan ra sabubuoi no.

SAGULION 6:13

Urumato' noyo Tuhan i Aki Kapuuno' min am samba Riso ayuk am baalo' noyo bantu' min ralalom ru inggalan Nano ayuk.

JOSUA 23:7

Koson raginio noyo kalo makalatok kau ra bansa' ondo' lakat poyo soroi ra gino ngai' min; kalo manabit kau ra inggalan ru dewa-dewa nilo am kalo mamakai ra inggalan raginio ra magibot; kalo sumambayang kau kapoam sumamba ra dewa-dewa no.

JOSUA 23:8

Kaa' gagaya' no ra Tuhan koson akau giminagaya' noyo Riso saboi raino.

1 SAMUIL 7:3

Indagu i Samuil ra ulun ru Israil, “Amon ru masaga' kau sumaguli' ra Tuhan am sumamba Riso ra sototopot ru guang min, patiri' noyo ngaangai' dewa ru bansa' ru bokon no am sinungkalalaing Dewi Asyitorit. Pataako' min noyo inan mino lingono' ra Tuhan am pangandoi kano Riso ayuk. Bagu no mapalabus Io ramuyun intor ra kuasa' ru ulun ru Palistin.”