SAGULION 10:19 - Tanou Moonsoi Timugon

¹⁹ Ginio ra musiti' motogom kau ra ulun bansa' ru bokon no sabap akau galama' nakaili' nasauk ra ulun bansa' ru bokon giu' ra Misir.

SAGULION 10:19 ပူးပေါင်းရင်းမြစ်များ

KAINGKUALAN 22:21

“Pai' kalaat am pai' ulipono' ulun bansa' ru bokon; karaa', galing i akau pana ulun bansa' ru bokon giu' ra pagun ru Misir.

YEHEZKIEL 47:22

Tana' no longgom min ra sabubuoi no. Ulun bansa' ru bokon ondo' minayan ra gino ngai' min, ondo' naganak ra anak-anak giti ra pagun ti niayuk musiti' mangapu ra tayar paat tayaron min tana' no. Pamakuan risilo musiti' koson ra ulun mamagun ra pagun ru Israil, am musiti' mangundi' koson makaalap ra tayar ru tana' nilo mababaya' ra bansa' ru Israil ra bokon.

YEHEZKIEL 47:23

Moonong ulun bansa' ru bokon ondo' nasauk ra mamagun ru pagun ti musiti' aniin ra tayar ru tana' mababaya' ra bansa' giu' ra intok inayanan nilo. Aku, Tuhan Raja', nakaindagu noyo.”

LUKAS 17:18

Kua ulun bansa' ru bokon ti ayuk siminaguli' mongompor ri Aki Kapuuno'?”

LUKAS 6:35

Kaa' akau, tagami' noyo pantula' mino am koonsoi kau risilo. Pairaa' min ayuk am pai' kau kalansan maalap saguli'. Amon ru koson raginio, maayo ampos mino am akau masauk ra anak ri Aki Kapuuno' Ondo' Masawat Kaga'. Sabap ra moonsoi Io toojo ra ulun ondo' kalo mapandai maringkuanang am ra ulun ondo' malaat niayuk.

GALATIA 6:10

Intor raginio, buoi ra itakau makakaluagan, alapo' takau noyo ginio koson mobobonsoi ra moonong ulun, mulu' poyo risilo ondo' makimambukat takau mulu' poyo ra mogondo' pangintapatan.

SAGULION 23:7

“Pai' pagasab ra ulun ru Idom, sabap ilo pabukat min. Pai' pagasab ra ulun ru Misir, sabap galing i minayan kau ra pagun nilo.

SAGULION 23:8

Papag nilo ra katalu am rayus no, iowon masauk ra ulun ru Tuhan.”