SAGULION 10:18 - Tanou Moonsoi Timugon

¹⁸ Manutun Io maa' raginio anak kolondo' matuo am napuor matimpok pamakuan. Motogom Io ra ulun bansa' ru bokon ondo' minayan mabaya' ra bansa' takau; nanaak Io risilo ra akanon am bayang.

SAGULION 10:18 ပူးပေါင်းရင်းမြစ်များ

2 TUNUNG RU BANSA' ISRAIL 19:7

Kalaa' kano ra Tuhan, am ilalain ra mampaguang, sabap ra Tuhan, i Aki Kapuuno' takau masisang ra ulun ondo' sumiang, kapoam ondo' kalo matimpok, kapoam ondo' mangapu ra pangngambi'.”

MAZMUR 10:18

Rongogon Mu tangi' ru ulun nailusan ra matuo am ulun ondo' inimbolo'; sungkaan Mu ilo maa' raginio kalo boo ilaanon ilo ru ulun.

MAZMUR 103:6

Saungon ru Tuhan ulun ra inimpayan am baalon Nano maya' ra katimpakan.

MAZMUR 145:9

Moonsoi Io ra moonong ulun, am makaasi' ra ngaangai' binaal Nano.

MAZMUR 146:9

Sindungin No ulun suai ondo' minayan ra pagun takau; ngaangai' napuor am ilo ondo' nailusan ra matuo no indanganon No, kaa' pusoon No atangon ru ulun malaat.

MAZMUR 68:5

Rimbayi' noyo i Aki Kapuuno', omporo' noyo inggalan Nano; pabatango' noyo ralan ru Io ondo' sumiab maya' ra gaun. Inggalan Nano Tuhan – parikamo kano ra saang Nano!

MAZMUR 68:6

I Aki Kapuuno' ondo' minayan ra intok Nano ra matulai, magalung ra anak nailusan ra matuo am manindung ra ulun napuor.

KAINGKUALAN 22:20

“Osoi mapataak ra taak simbalui ra tuhan-tuhan ra bokon, ondo' ak am Aku, Tuhan, musiti' ulun no ukumin ra matoi.

KAINGKUALAN 22:21

“Pai' kalaat am pai' ulipono' ulun bansa' ru bokon; karaa', galing i akau pana ulun bansa' ru bokon giu' ra pagun ru Misir.

KAINGKUALAN 22:22

Pai' kalaat ra napuor kapoam anak nailusan ra matuo.

KAINGKUALAN 22:23

Amon ru malaat kau risilo, Aku, Tuhan mangiou ra kitaakon nilo paat ra ilo makiindangan Raki'.

JISAYA 1:17

kaa' igigila' kau mambaal ra moonsoi. Pabigoro' noyo katimpakan: am indangano' ulun ra inimbolo', anii' anak ondo' nailusan ra matuo no ra ondo' motopot, sungkaa' noyo baal ru ulun-ulun napuor.”

JIRIMIA 49:11

Pataako' anak-anak min ra nailusan ra matuo no Raki' am Aku magalung risilo. Ulun-ulun napuor min pana makalansan Raki'.

GOSIA 14:3

Saguli' kano ra Tuhan, am polosoon pakiasian ti masauk ra taak min Riso: “Ampuno' noyo ngaangai' tula mai, iou Tuhan, am apuo' pakiasian mai. Akai pana mongompor Rirun koson ra ondo' binantu' mai.

IMAMAT 25:35

Amon ru sasangulun gino ngai' ulun ru Israil, ondo' minayan ramuyun nasauk ra musikin am kalo makapaginakan, musiti' min indanganon io koson ra akau mangindangan ra ulun bansa' ru bokon kapoam ulun minatong, maa' raginio marayus io makaayan ramuyun.

UNTABAN 10:32

Amon ru maya' kou, am ngaangai' ondo' moonsoi ondo' baalon ru Tuhan ramon baalon mai niayuk rirun.”

MATIUS 5:45

maa' raginio masauk kau ra anak ru Ama' min giu' ra suruga'. Sabap ra pinoloso ri Aki Kapuuno' mato ru orou Nano sumirang ra ngaangai' ulun ondo' moonsoi am malaat. Io niayuk mampatuun ra rasam no ra ngaangai' ulun, ondo' mambaal ra moonsoi am niayuk ondo' mambaal ra malaat.

RINALATAN 14:17

Kaa' kalo linilianan No nangani' risilo ra tatandu' ra Io ti soroi ralalom ru binaal moonsoi Nano: Mamparatu' ra rasam intor ra limbowon am niayuk nampasalula' ra tutuu' ru tana' paat ra pangkawaan nano; mangani' Io po ra akanon am katasuan ru guang min.”

SAGULION 27:19

“ ‘Kaulas noyo ulun ondo' tumalingaau ra kaapuan ru ulun bansa' ru bokon, anak nailusan ra matuo am napuor.’ “Ngaangai' ulun tumaam ra, ‘Amin!’