SAGULION 10:14 - Tanou Moonsoi Timugon

¹⁴ Limbowon ondo' masawat kaga' pana Tuhan tatangan; tana' ti am ngaangai' ondo' soroi ra rasawat no niayuk Io tatangan.

SAGULION 10:14 ပူးပေါင်းရင်းမြစ်များ

KASAUKAN 14:19

Nambarakat io ri Abram, kono, “Gama' ru i Aki Kapuuno' Ondo' Masawat Kaga' no, ondo' napasauk ra limbowon am tana' ti mambarakat ri Abram!

KASAUKAN 14:22

Taam i Abram, “Magibot aku ra saang ru Tuhan i Aki Kapuuno' Ondo' Masawat Kaga' no, napasauk ra limbowon am tana' ti,

1 RAJA'-RAJA' 8:27

“Kaa' iou Aki Kapuuno', totopot Kou kia masaga' mayan ra tana' ti? Kabalu' ra titikop ru limbowon pana kalo sama' malangka' Rirun, atan poyo ra Baloi ondo' binaal kutu!

2 TUNUNG RU BANSA' ISRAIL 6:18

“Kaa', iou Aki Kapuuno', topot kia masaga' Kou mayan giti ra tana' ti ra gino ngai' ru ulun? Sotopot no titikop ru limbowon pana kalo sama' malangka' Rirun, atan pinai boo ra Baloi ondo' binaal kutu!

NIGIMIA 9:6

Kopongo raginio ulun ru Israil nakiasi' koson ragitio, “Iou Tuhan, Okou no rorondo' ayuk Tuhan; Okou nambaal ra butitin am titikop limbowon, Okou nambaal ra lantur am raat am ngaangai' ru suang nano; Okou nangani' ra kaayagan ra ngaangai' no. Ngaangai' kuasa' giu' ra limbowon kuku' samba Rirun; ilo ngai' minigulatur am kumuku' Rirun.

AYUP 41:11

Osoi kia makabulunsar riso ra kalo mapilatan? Kolondo' osoi pana ra tana' ti makakau' mambaal raginio.

MAZMUR 115:16

Suruga' iono longgom ru Tuhan ayuk, kaa' tana' ti pinataak No ra ulun.

MAZMUR 148:4

Omporo' Iono, okou limbowon ondo' masawat kaga', omporo' Iono, okou timug giu' ra rasawat ru limbowon.

MAZMUR 24:1

Mazmur ri Daut. Tana' ti am ngaangai' suang no longgom ru Tuhan; pagun ti am ngaangai' minayan no Io ra longgom.

MAZMUR 50:12

Amon maitilan Aku, kalo makipakan Aku ramuyun, sabap ra tana' ti am niayuk suang no longgom Kuno.

MAZMUR 68:33

Rimbayi' min noyo i Aki Kapuuno', akau ngaangai' karajaan ru tana' ti, parimbai kano ra rimbai mongompor ra Tuhan,

KAINGKUALAN 19:5

Raino amon gumagaya' kau Raki' am gumuut ra nabantuan Kuno, masauk kau ra ulun Kuno galama'. Titikop ru tana' ti Aku tatangan, kaa' masauk kau ra ulun pilion Kuno.

KAINGKUALAN 9:29

Indagu i Musa ra raja', “Makaingkual aku ayuk ra bandar, makiasi' aku ra Tuhan liliwa' mangakat ra longon. Lumonggo' tingkalur am tuminas rasam batu ti, koson makapandai kou ra tana' ti longgom ru Tuhan.

JISAYA 66:1

Mindagu Tuhan, “Limbowon no panturungan Kuno, am tana' papakirawan ra kalayam Kuno. Atan kia baloi ondo' maalap min kabaal Raki'? Atan kia intok ayanan moonsoi Raki'?

RINALATAN 17:24

I Aki Kapuuno' noyo ondo' namingkal ra tana' ti am suang nano. Io niayuk Tuhan ru limbowon am tana'. Kaa' kalo niayuk mayan Io ra sambayangan ondo' binaal ru ulun.

1 KORINTUS 10:26

Sabap ra mokoondo' tinulisan ra Buuk Kitab, “Tana' ti am ngaangai' ru suang nano longgom ri Aki Kapuuno'.”

1 KORINTUS 10:28

Kaa' amon ru mokoondo' mindagu ramuyun ra, “Akanon ti nakapakan noyo ra sinungkalalaing,” pai' noyo akano', sabap ra mangkara' ra kaatangan ru ulun no am sabap ra kaimamangan ru guang. (

2 KORINTUS 12:2

Makaulig aku ra sangulun Kristian ondo' mopor am apat ngambilor ra nakasail i kinayang io ra suruga', ioginio intok masawat kaga'. (Kalo nakapandai aku ra topot-topot kia nasauk kapoam papaintalangan ayuk – i Aki Kapuuno' ayuk nakapandai.)

SAGULION 10:13

gagayaa' noyo ngaangai' ukum Nano. Manaak aku ramuyun ra ukum-ukum raginio ra orou raiti' koson ra kaatangan min.

SAGULION 33:26

Akau ulun ru Israil, kolondo' ondo' koson ri Aki Kapuuno' mino, ondo' marapas ra limbowon ra katulayan, am mujak ra gaun koson mangindangan ramuyun.