SAGULION 10:12 - Tanou Moonsoi Timugon

¹² “Raino ulun ru Israil kau ngai', rongogo' noyo pulion ru Tuhan i Aki Kapuuno' min intor ramuyun: Urumato' noyo Tuhan am baalo' ngaangai' susuban Nano. Tagami' noyo Io am pangandoi noyo Riso ayuk ra sotopot ru guang;

SAGULION 10:12 ပူးပေါင်းရင်းမြစ်များ

1 RAJA'-RAJA' 3:3

Motogom Raja' Salomo ra Tuhan am siminugut ra bilin ru Raja' Daut, ama' nano, kaa' Raja' Salomo pana nanimbalui ra bibiag am mampataak raginio koson ra taak simbalui giu' ra altar-altar giu' ra nansusuai intok.

2 RAJA'-RAJA' 10:31

Kaa' kalo giminagaya' Raja' Jigu ra Ukum ru Tuhan, i Aki Kapuuno' ru Israil, ra sotopot ru guang nano. Binaya' no binaal ru Raja' Jirobiam, ondo' nangkinibit ra ulun ru Israil makatula.

2 RAJA'-RAJA' 18:3

Raja' Gijkia namaya' ra kinamatuaan nali Raja' Daut, sabap ra nambaal io ra atan ondo' mapabansuk ra guang ru Tuhan.

2 RAJA'-RAJA' 18:6

Gumagaya' Raja' Gijkia ra Tuhan, am kalo igondo' minanggal Riso. Topot-topot io gumagaya' ra ngaangai' susuban ru Tuhan ondo' pinasaboi galing ri Musa.

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

2 TUNUNG RU BANSA' ISRAIL 15:12

Nambaal ilo ra nabantuan ra mabaya' ra totopot ru guang am salibuor, maayag ilo sumugut ra kasagaan ru Tuhan, i Aki Kapuuno' ru kinamatuaan nilai.

AYUP 36:11

Amon kalo gumagaya' kau ri Aki Kapuuno' am mangandoi ayuk Riso, maayag ilo ra moonsoi am langkaya' saboi ra pupus ru kaayagan nilo.

MAZMUR 119:2

Pakaansuk noyo ilo ondo' sumugut ra panusuban Nano, am gumagaya' Riso ra sotopot-topot no.

MAZMUR 128:1

Rimbai ru ratangan. Pakaansuk noyo ulun ondo' gumagaya' ra Tuhan, ondo' maayag sumugut ra panusuban Nano.

MAZMUR 145:20

Ampinin No ngaangai' ulun ondo' motogom Riso, kaa' pusoon No ulun ra malaat.

MAZMUR 18:1

Ra tingganai ru santimungan maririmbai. Mazmur ri Daut, ulipon ru Tuhan. Rinimbai ra Tuhan paat ra Tuhan namayag ri Daut intor ra Raja' Saul am niayuk intor ra ngaangai' pantula' nano.

MAZMUR 34:9

Undasai' noyo galama' kinoonsoi ru Tuhan! Pakaansuk noyo ilo ondo' siminindung Riso!

MAZMUR 81:13

Ginio ra nopoloso Aku risilo maya' ra kasagaan nilono, am mambaal ra kasagaan nilono.

MAZMUR 81:14

Amon ru rongogon Aku ru ulun Kuno, amon ru gumagaya' ilo Raki',

KAINGKUALAN 23:25

Amon ru sumamba kau Raki', Tuhan i Aki Kapuuno' min, mambarakat Aku ramuyun ra akanon am inumon, am mamuso ra ngaangai' maruol mino.

MAMPATANOU 12:13

Gitio noyo ontoson ragu intor ra ngaangai' no: Uramato' noyo i Aki Kapuuno' am gagaya' no ra ngaangai' susuban Nano, sabap ra ginio noyo kuayan itakau ulun inangun.

YEHEZKIEL 11:20

Bagu no gumagaya' ilo boo ra ukum Kuno am sumugut ra ngaangai' susuban Kuno ra matanda'. Masauk ilo ra ulun Kuno, am Aku masauk ri Aki Kapuuno' nilo.

MIKA 6:8

Topot-topot kalo! Nambala' noyo Tuhan ritakau ra atan ondo' moonsoi. Baal ondo' kitaakon toojo ru Tuhan intor ritakau iono maa' raginio mambaal takau ra matimpok, masalok mangimaya' ra katagaman, am mabaya' ra guang minggana' maayag masimpung ri Aki Kapuuno' takau.

JIPANYA 3:9

Kaa' malupus raginio kulawon Ku guang ru bansa'-bansa' no, saboi makiasi' ilo Raki' ayuk am sala' ka tuhan-tuhan ra bokon. Ngaangai' bansa' no gumagaya' Raki'.

MATIUS 22:37

Taam i Jisus, “ ‘Tagami' noyo i Aki Kapuuno' Tuhan muno ra totopot ru guang, kaayagan am pangkaraan muno.’

LUKAS 10:27

Taam ulun i, “ ‘Tagami' noyo Tuhan i Aki Kapuuno' muno, ra ngaangai' ru guang muno, saliguor muno, ikang muno am pangkaraan muno’; am ‘Tagami' noyo ulun ra bokon koson okou niayuk monogom ra kaayagan muno galama'.’ ”

LUKAS 11:42

Mumpara' boo usung mino ulun ru Parisi! Kabalu' pana taakin min ri Aki Kapuuno' mopor piatus ra selasih, inggu am ngaangai' apa' pampagamis ra akanon ra bokon, kaa' inimpayan min katimpakan am togom ri Aki Kapuuno'. Baalo' min karuo-ruo am pai' impayi' bokon no.

RINALATAN 9:31

Intor raginio ngaangai' pasimpungan ulun Kristian ra Judia, Galilia am Samaria kolondo' boo kapaganan. Nangurumat ilo ri Aki Kapuuno' am nabaya' ra indangan ru Ambiluo ri Aki Kapuuno' siminuang am maikang pangintapatan nilo.

ROMA 1:9

I Aki Kapuuno' noyo sasi' ra atan ondo' raguon kutu motopot. Io no i Aki Kapuuno' ondo' pangandayan kuno ra sotopot-topot ru guang ra mampasaboi ra Tanou Moonsoi intor ra Anak Nano. Moonong ra aku makiasi' karaan takamin am makitaak ri Aki Kapuuno' ra poongoyon No aku ramuyun maya' ra kasagaan Nano.

ROMA 8:28

Mapandayan takau ra ralalom ru ngaangai' baal manangampos i Aki Kapuuno' ra moonsoi risilo ondo' motogom Riso am ondo' piniau Nano maya' ra inatangan Nano galama'.

SAGULION 10:11

Kopongo raginio nanusub Io raki' mugar am masauk ra tingganai min, maa' raginio mokoowot kau ra tana' ondo' binantu' Nano ra kinamatuaan min.”

SAGULION 10:13

gagayaa' noyo ngaangai' ukum Nano. Manaak aku ramuyun ra ukum-ukum raginio ra orou raiti' koson ra kaatangan min.

SAGULION 11:1

“Tagami' noyo Tuhan i Aki Kapuuno' min am magail gumagaya' ra ngaangai' ukum Nano.

SAGULION 11:13

“Ginio ra gagayaa' noyo ukum ondo' taakin kuno ramuyun ra orou raiti'. Tagami' noyo Tuhan i Aki Kapuuno' min am pangandoi noyo Riso ra sotopot ru salibuor.

SAGULION 26:16

“Paat ra orou raiti' Tuhan i Aki Kapuuno' mino nanusub ramuyun maa' raginio gumagaya' ra ngaangai' ukum Nano. Ginio ra gagayaa' noyo ukum-ukum no ra matanda' am ra sotopot-topot ru guang am salibuor min.

SAGULION 27:10

Ginio ra gagayaa' noyo Tuhan i Aki Kapuuno' min am baalo' noyo ngaangai' susuban Nano ondo' taakin kuno ramuyun ra orou raiti'.”

SAGULION 30:16

Amon ru gumagaya' kau ra susuban ru Tuhan i Aki Kapuuno' min ondo' taakin kuno ramuyun ra orou raiti', am amon ru motogom am niayuk gumagaya' kau Riso, am mambaal ra ngaangai' ukum Nano, am akau pana langkaya' am masauk ra bansa' ondo' maayo. Mambarakat Tuhan i Aki Kapuuno' min ramuyun giu' ra tana' ondo' kalo boo mabuoi ayanin min.

SAGULION 30:20

Tagami' noyo Tuhan i Aki Kapuuno' min, gagaya' noyo am intopot noyo Riso, akau am papag min pana maawar umur giu' ra tana' ondo' binantu' ru Tuhan ra kinamatuaan min, i Abragam, i Isak am i Jakub.”

SAGULION 4:29

Giu' no ra tauli no maguyum kau ra Tuhan i Aki Kapuuno' min, am amon maguyum kau Riso ra sotopot-topot ru guang, makatuum kau Riso.

SAGULION 5:29

Mapara' bonsoi no amon ru magail ilo makaliman koson raginio. Mapara' bonsoi no amon ru magail ilo malaa' Raki' am gumagaya' ra ngaangai' susuban Kuno, maa' raginio ilo am papag nilo makakaansayan ra sabubuoi no.

SAGULION 5:33

Gagayaa' noyo ngaangai' ondo' nanusuban ru Tuhan i Aki Kapuuno' min maa' raginio makakaansayan am maawar painawo min giu' ra tana' ondo' ayanin min.”

SAGULION 6:13

Urumato' noyo Tuhan i Aki Kapuuno' min am samba Riso ayuk am baalo' noyo bantu' min ralalom ru inggalan Nano ayuk.

SAGULION 6:2

Buoi ru bayag, musiti' akau am papag min mangurumat ra Tuhan i Aki Kapuuno' min am gumagaya' ra ngaangai' ukum Nano ondo' taakin kuno ramuyun, maa' raginio maawar painawo min giu' ra tana' raginio.

SAGULION 6:24

Kopongo raginio Tuhan i Aki Kapuuno' takau nanusub ritakau ra gumagaya' ra ngaangai' ukum raginio, am koson mangurumat riso. Amon ru baalon takau koson raginio, magail Io magalung ra bansa' takau am mapasauk raginio ra langkaya'.

SAGULION 6:5

Tagami' noyo Tuhan i Aki Kapuuno' min ra sotopot-topot ru guang: Pakitono' noyo togom no ralalom baal ru bayag am baalon mino.

1 TIMOTIUS 1:5

Manusub aku ragitio koson ra togom min ra ulun bokon sumalula' intor ra guang moonsoi, bolos ru guang mapasau am pangintapatan ra kolondo' abau.

IBRANI 12:28

Intor raginio, paringkuanang takano ri Aki Kapuuno', sabap ra inanian takau ra rondo' pagun ondo' kalo maalap kauyog. Pongompor am samba takano Riso maya' ra kasagaan Nano, ioginio mabaya' ra urumat am inggana' ru guang.

JOSUA 22:5

Tutuno' noyo ra akau giminagaya' ra ukum ondo' tinaakan ri Musa: Tagami' noyo Tuhan i Aki Kapuuno' min, baalo' noyo kasagaan Nano, gagayaa' parinta Nano, gagaya' no Riso, am pangandoi ayuk Riso ra sototopot ru guang am salibuor.”

JOSUA 24:14

“Ginio nai ra,” kon ri Josua, “urumato' noyo Tuhan am mangandoi ayuk Riso ra totopot am gumagaya'. Patiri' noyo tuhan-tuhan ra bokon ondo' sinamba ru kinamatuaan min giu' ra Misopotamia am giu' ra Misir ra galing i. Mangandoi ayuk ra Tuhan.

1 JUANIS 2:15

Pai' min tagami' suang ru tana' ti, kapoam atan ayuk mokoondo' ra tana' ti. Amon ru motogom kau ra suang ru tana' ti, kalo motogom kau ri Ama'.

1 JUANIS 5:5

Osoi kia makaanggal ra kalaatan ru tana' ti? Ilo ayuk ondo' nangintopot ra i Jisus noyo Anak ri Aki Kapuuno'.

1 SAMUIL 12:20

Taam i Samuil, “Pai' kau kalaa'! Kabalu' pana ra nambaal kano ra baal ondo' malaat, pai' talikuri' Tuhan. Pangandoi kano ayuk toojo Riso ra sototopot ru guang mino.