SAGULION 1:44 - Tanou Moonsoi Timugon

⁴⁴ Ulun ru Amori pana ondo' minayan ra intok kabuluran no miningkual namulunsar ramuyun. Koson ilo ra maningot ondo' napagiru' ramuyun. Nangilou ilo ramuyun saboi ra Orma, am nangala ramuyun giu' ra intok kabuluran ru pagun Idom.

SAGULION 1:44 ပူးပေါင်းရင်းမြစ်များ

MAZMUR 118:12

Koson ra maningot ilo manguup raki', kaa' mataki' ilo mosolob koson kinataki' ru bulungkut; pusoon ku ilo ra kuasa' ru Tuhan.

JISAYA 7:18

Bulintok raginio Tuhan no magisisiuk koson rondo' tatandu' mampiau ra saujor ru Misir ondo' matong koson ra sampanon ru bulongor intor ra pompor ru sungoi Nil, am saujor ru Asyur ondo' matong koson ra sampanon ru sapuon intor ra pagun nilo.

UNTABAN 14:45

Kopongo raginio ulun ru Amalik am ulun ru Kanaan ondo' minayan ra giu' no namulunsar risilo am napakala risilo, am nangilou risilo saboi ra Orma.

UNTABAN 21:3

Iniou ru Tuhan kitaakon ru ulun ru Israil, am nangindangan risilo nangala ra ulun ru Kanaan. Linuus ru ulun ru Israil ngaangai' ulun ru Kanaan am bandar-bandar nilo. Ininggalanan ru ulun ru Israil intok raginio ra Orma.

SAGULION 28:25

“Tuhan mopoloso ramuyun kalaan ru pantula'. Mangatang kau ra bulunsar ra pantula', kaa' pantuliar boo ra magiru'. Ngaangai' bansa' ra tana' ti malaa' magilong ra sauk ondo' makalumpa' ramuyun.

SAGULION 32:30

Kua kia saribu ngaulun naala ru sangulun, am mopor ngaribu ngaulun naala ru ruo ngaulun ayuk? Tuhan, Aki Kapuuno' nilo nangiruan noyo risilo; i Aki Kapuuno' nilo ondo' mapanggol napataak noyo risilo ra pantula'.

JOSUA 7:5

Nangilou ulun Ai risilo intor ra kulobon garabang ru bandar no saboi ra intok ru kuari, am namatoi ra olo'-olo' talu ngoopor am onom ngaulun ru Israil giu' ra pipilon ru bulur. Ginio ra magalabo am mangalaa' ulun ru Israil.