SAGULION 1:17 - Tanou Moonsoi Timugon

¹⁷ Pai' pagimbaso' paat ra okou mamatas; pangakim noyo ra moonong ulun am mamakai ra ralan ra nogondo', kalo ilain osoi ulun no. Pai' kalaa' ra osoi pana, sabap kapatasan ondo' binaal mino kapatasan intor ri Aki Kapuuno'. Amon ru mokoondo' baal ondo' mapagon kaga' ramuyun, pataako' raki' baal raginio; aku mambaal ra kapatasan ra baal raginio.’

SAGULION 1:17 ပူးပေါင်းရင်းမြစ်များ

KASAUKAN 18:25

Pai' potoyo' ulun kolondo' sala mabaya' ra ulun makasala. Tuhan, pai' noyo! Sabap amon ru baalon Mu ginio, ulun kolondo' sala pana makaaya' kaukum. Maaru' akim ru titikop ra tana' ti tumimbalos ra matanda'.”

2 SAMUIL 14:14

Matoi takau ngaangai'; itakau ti koson ra timug ondo' nasasar ra tana' am kalo maalap boo katimung. I Aki Kapuuno' pana kalo boo mamayag saguli' ra ulun ondo' minatoi, kaa' kalo ra kalo mapiratan mu maa' raginio ulun inimpayan no makauli' poyo.

2 TUNUNG RU BANSA' ISRAIL 19:5

Raja' Josapat nampalantik ra akim-akim giu' ra moonong bandar ondo' mokoondo' ra kubu giu' ra Jiuda.

2 TUNUNG RU BANSA' ISRAIL 19:6

Nangani' io ra susuban ragitio risilo, “Ilalain min paat ra akau mangakim ra ulun, sabap ra akau mambaal sala' ka ralalom inggalan ru ulun, kaa' ralalom inggalan ru Tuhan. Magalung Io ramuyun paat ra akau mangani' ra kapatasan.

AYUP 31:34

Ragu ru kasuangan kalo malaa' aku, am pagasaban ru ulun kalo lioon ku; kalo igondo' aku soroi ra baloi kapoam mongkoror ayuk, sabap malaa' ra ilo magasab.

MAZMUR 82:2

“Pai' pangakim ra ulun ra kalo matimpok, am pai' saung ra ulun malaat.

KAINGKUALAN 18:18

Ralan ragitio mapabagui rirun am niayuk ngaangai' ulun ti. Kandoi ti maagat kaga' ra okou sangulun mambaal.

KAINGKUALAN 18:22

Polosoon ilo magail mangandoi koson ra akim ra ulun. Makapambala' ilo rirun ra ngaangai' ondo' mapagon, kaa' musiti' ilo galama' mamatas ra pansangaran ra mongoborok. Ralan ragitio mapakaluoi ra kandoi muno, sabap ra makaindangan ilo rirun mansaan ra maagat.

KAINGKUALAN 18:26

Magail ilo mangandoi koson ra akim ru ulun ru Israil. Nambala' ilo ra baal ondo' mangapagon ri Musa, kaa' ilo galama' manalasai ra pansangaran ondo' mongoborok.

AMSAL 18:5

Kalo moonsoi sumaung ra ulun malaat, am mangimbolo' ra ulun kolondo' sala.

AMSAL 24:23

Ulun mapintar pana mindagu koson ragitio: Sangulun akim kalo iowon mambaal ra pagimbason.

AMSAL 28:21

Ulun ra maagat sapapa' iono rondo' baal ra nasala, kaa' mokoondo' niayuk akim mambaal koson raginio koson mangapu ayuk ra rasua kabalu' pana kalo masuang.

AMSAL 29:25

Malaa' ra guangon ru ulun bokon mangkinibit ra kapaganan. Pangintopot no ra Tuhan, am bayagon kau.

JIRIMIA 1:17

Okou Jirimia, tampos no! Ugar no am balai' ilo intor ra ngaangai' ondo' nanusuban Kuno rirun. Pai' no kalaa' risilo maa' raginio kalo mangkinibit Aku rirun malaa' poyo paat ra okou muma' risilo ra maagu no.

IMAMAT 19:15

“Pai' jajajou paat ra akau mambisara' ra baalon ru ulun. Pai' pansalaa', ondo' kia ra ulun musikin kapoam langkaya'.

MALIAKI 2:9

Ginio ra Aku pana mangkinibit ramuyun kalo urumaton ru ulun ru Israil sabap ra kalo ginagaya' min kasagaan Kuno, am sabap ra pinasusuai min ulun paat ra akau nangila'.”

MATIUS 22:16

Panusub ilo ra kukula' ngaulun maamaya' ru Parisi am ulun bala ri Irodis tumuum i Jisus. “Mangingila',” konilo, “Makapandai akai mabanis guang Muno. Mangila' Kou ra ulun ra kasagaan ri Aki Kapuuno' ondo' motopot. Okou niayuk kalo babaya' ra atan ayuk pangkaraan ru ulun am kalo mampili' ra osoi ayuk ulun.

MARKUS 12:14

Ratong ilo ri Jisus am indagu, “Mangingila', nakapandai akai ra Okou ti masalok mindagu ra motopot am kalo mangkara' ra atan ayuk pangkaraan ru ulun. Mangila' Kou ra kasagaan ri Aki Kapuuno' ondo' motopot ayuk, sabap ra Okou kalo mangkara' ra osoi ayuk ulun no. Kinami' akai balai', amon ru mambayar takau ra cukai ra Kaisar Roma, ginio makasala kia ra Ukum ri Musa, kapoam kalo?”

LUKAS 20:21

Indagu ilo boo ri Jisus, “Mangingila', nakatutun akai ra motopot ngaangai' raguon am pangilaan Muno. Nakatutun akai niayuk ra kalo mampili' Kou ra ulun, kaa' mangila' Kou ayuk ra atan ondo' motopot intor ra kasagaan ri Aki Kapuuno' ra ulun.

ROMA 2:11

Sabap ri Aki Kapuuno' kalo mampili' ra ulun ondo' akimin Nano.

IPISUS 6:9

Tuan kau ngai', akau pana musiti' mampakito ra paliso matanda' ra ulipon mino. Karaa' min ra akau am ulipon mino mokoondo' sangulun Tuhan giu' ra suruga', am Io kalo mampili' ra ulun.

SAGULION 10:17

Tuhan i Aki Kapuuno' mino makakuasa' ra ngaangai' tuhan ra bokon am ngaangai' kakuasaan. Matulai am makakuasa' Io, am musiti' gagayaan Io. Kalo magimbas am kalo mangapu ra rasua.

SAGULION 16:19

Kalo iowon kau jajajou kapoam pagimbason paat mapaugar ra pangakiman. Kalo iowon kau mangapu ra rasua sabap rasua mokobolou ra ulun, am poyo ulun mapintar am mabanis guang pana, saboi mamatas ilo ra masala.

SAGULION 24:17

Pai' talingaawo' kaapuan ru ulun bansa' ru bokon am anak nailusan ra matuo. Pai' alapo' bayang ru sangulun napuor koson ra jaminan ru utang nano.

SAGULION 25:1

“Amon ru ruo ngaulun ru Israil mongoi ra makama koson manalasai ra pansangaran, am sangulun napandayan ra kolondo' sala am sangulun poyo napandayan ra makasala.

KOLOSI 3:25

Am osoi ayuk ondo' mambaal ra tula, io galama' magiba' ra balos ru tula nano sabap ra ukum ri Aki Kapuuno' pogondoon ra ngaangai' ulun.

1 TISALONIKA 2:4

Kaa' sotopot no, pai' ru mampakaansuk akai ra guang ru ulun kaa' guang ri Aki Kapuuno', ondo' mangkinam ra guang mai. Io no ondo' nampasauk ramon koson maaya' akai mampasaboi ra Tanou Moonsoi no.

JAKUBUS 2:9

Kaa' amon ru inggion min poyo ulun ra bokon makatula kau, am Ukum ri Aki Kapuuno' noyo mapainono' ra akau matulaan.

1 PITRUS 1:17

Makiama' kau ri Aki Kapuuno' ralalom ru pakiasian min. Io no niayuk ondo' mangakim ra ulun maya' ra binaal nilono, am kalo mampili' ra ulun. Ginio ra urumato' noyo i Aki Kapuuno' buoi ra akau lakat ayuk poyo soroi ra tana' ti.

1 SAMUIL 16:7

Kaa' indagu Tuhan ri Samuil, “Pai' ilai' sawat ru inan nano kapoam kinaindon ru bulos nano; sala' ka io pinili' Kuno. Kalo magilong Aku ra ulun koson ra ulun magilong. Ulun magilong ra bulos kaa' Aku magilong ra guang.”

1 SAMUIL 2:25

Amon ru sasangulun no makatula ra ulun, saungon io ri Aki Kapuuno'; kaa' amon ru sasangulun no makatula ra Tuhan, osoi kia boo makasaung riso?” Kaa' anak-anak ri Ili no kalo mampalio ra bilin ru ama' nilono, sabap ra namatas noyo Tuhan no koson mamuso risilo.