SAGULION 1:15 - Tanou Moonsoi Timugon

¹⁵ Ginio ra nampili' aku ra kukula' ngaulun ondo' mapintar toojo am makanailian, ondo' pinili' min noyo intor ra moonong bansa' maa' raginio masauk ra tingganai min. Mokoondo' kukula' ngaulun risilo ondo' pinalansan saribu ngaulun, ondo' bokon no maatus ngaulun, ra limo ngoopor ngaulun, am niayuk ra mopor ngaulun. Nampili' aku niayuk ra pagawai-pagawai ra bokon ra gino ngai' ru bansa' min.

SAGULION 1:15 ပူးပေါင်းရင်းမြစ်များ

KAINGKUALAN 18:21

Kaa' suai raginio, musiti' kou mampili' ra kukula' ngaulun ungkuyon ondo' mangapintar. Lantiko' ilo ra tingganai ru mamagun ondo' maningganai ra saribu ngaulun, maatus ngaulun, limo ngoopor ngaulun am mopor ngaulun. Musiti' ilo no ulun ondo' malaa' ri Aki Kapuuno', malansanan am kalo masaga' mangapu ra ruit pangambi'.

KAINGKUALAN 24:1

Indagu boo Tuhan ri Musa, “Pagaloi ra gunung mongoi uma' Raki', mabaya' kou ri Arun, Nadab, Abigu am tulu' ngoopor tingganai ru Israil, am samba Raki' intor ra maalur.

UNTABAN 1:4

Kitaako' noyo sangulun tingganai ru bansa' no intor ra moonong bansa' mangindangan rirun.”

UNTABAN 31:14

Siminangit i Musa ra tingganai-tingganai ru saujor am komandan ru pulalai no ondo' bagu minuli' intor ra pangayawan.

IPISUS 4:11

Io no nangani' ra ulun ra taak; mokoondo' sinauk Nano ra rasul am bokon no nabi; mokoondo' poyo sinauk Nano ra ulun mampasaboi ra Tanou Moonsoi, am bokon no magagalung kapoam mangingila' ra pasimpungan ulun Kristian.

SAGULION 1:14

Nangiou kau ra baal raginio moonsoi baalon.

SAGULION 1:16

Paat ragili nambilin aku risilo, ‘Rongogo' toojo pansangaran ondo' nasauk ra gino ngai' ru bansa' min. Pangakim noyo ra moonong pansangaran ra matanda', iou pana ondo' makakulawit ra bansa' min galama', am niayuk ra ulun bansa' ru bokon ondo' minayan ra gino ngai' min.

SAGULION 16:18

“Lantiko' noyo tingganai-tingganai ru bansa' am pagawai-pagawai ra bokon giu' ra moonong bandar ondo' pataakon ramuyun ru Tuhan i Aki Kapuuno' min. Ngaangai' ulun musiti' mangakim ra mamagun ra matimpok.

1 SAMUIL 17:18

Ibito' niayuk mopor kiju ra tayar ru komandan ru pulalai. Kuati' noyo ra ati kulaan boo ra maayo-maayo muno. Ibito' noyo rorondo' koson mapainono' ra okou nakatuum noyo risilo, am ilo no naayag.

1 SAMUIL 22:7

indagu io ra pagawai-pagawai nano, “Rongogo', akau ngaangai' ulun ru Binjamin! Mangkara' kau kia ra i Daut no mangani' ramuyun ra umo am umo ru anggur? Saukon kau kia ngaangai' ra pagawai ralalom ru saujor nano?

1 SAMUIL 8:12

Mokoondo' ondo' pasaukon ra tingganai ru pulalai ra saribu ngaulun saujor, am mokoondo' poyo tingganai ru pulalai ra limo ngoopor ngaulun saujor. Jajalin ru raja' no anak ungkuyon mino maparagus ra umo nano, mangkumos ra ampos ru tinanom nano, am mambaal ra kinandoi am niayuk kuliamos ra tayar ru kurita' kuda ru raja'.