RUT 4:13 - Tanou Moonsoi Timugon

¹³ I Boas pana nagibit boo ri Rut minuli' koson andu' no. Binarakat ru Tuhan i Rut am kaapang io, am paganak io sangulun anak ungkuyon.

RUT 4:13 ပူးပေါင်းရင်းမြစ်များ

KASAUKAN 20:17

Sabap ra ondo' nasauk ri Sara, andu' ri Abragam, binaal ru Tuhan ra tabanang moonong ruandu' ra istana ri Abimilik. Pakiasi' boo i Abragam ri Aki Kapuuno', am babaso' ri Aki Kapuuno' i Abimilik, andu' nano am ngaangai' ulipon ra ruandu' saboi maganak ilo poyo.

KASAUKAN 25:21

Sabap ra kolondo' anak ri Ribika, pakiasi' boo i Isak ra Tuhan. Pakiasian ri Isak no iniou ru Tuhan saboi i Ribika maapang.

KASAUKAN 29:31

Pakakito Tuhan ra kalo tinagaman toojo i Liya koson ri Ragil, baalo' ru Tuhan no i Liya makapaganak kaa' i Ragil tabanang.

KASAUKAN 30:2

Sangit boo i Jakub ri Ragil, kono, “Aku ti pai' ru i Aki Kapuuno'. Io noyo nambaal rirun ra kalo maganak.”

KASAUKAN 33:5

Pampulolou Isau am kakito no ngaangai' ruandu' nababaya' ra anak nilai, pangkuot io, “Osoi ilo ti minaya' rirun ti?” Taam i Jakub, “Ilo ti anak ondo' pinataak noyo ri Aki Kapuuno' ra ulipon muti.”

MAZMUR 113:9

Ngaangai' anak pinataak no ra andu' ondo' tabanang am pasaukon io ra ina' ondo' makaansuk am urumaton ra baloi nano. Omporo' noyo Tuhan!

MAZMUR 127:3

Anak-anak iono pinataak ru Tuhan; sotopot no ilo tangguang.

RUT 3:11

Pai' kaimamang, Rut. Suguton ku ngaangai' kitaakon muno. Ngaangai' ulun ru bandar nakapandai ra okou ruandu' ondo' moonsoi paliso.

RUT 4:12

Gama' ru anak-anak ondo' taakin ru Tuhan rirun intor ra ruandu' mamulok ti mapasauk ra sasambaloi muno koson sasambaloi ri Piris, anak ri Jiuda am i Tamar.”

1 SAMUIL 1:27

Kinitaak ku anak ragitio intor ra Tuhan, am nangiou Io ra kinitaak kuli.

1 SAMUIL 2:5

Ulun ondo' naasug ragili, raino ti moonsoi mangandoi ra maginakan; kaa' ondo' nangaitilan ragili, raino ti nangaasug boo. Andu' ondo' tabanang naganak ra tulu' ngaulun anak, kaa' ina' ondo' makaanak ra masuang, tinatang am pinoloso naimbolo'.