RUT 1:17 - Tanou Moonsoi Timugon

¹⁷ Ati ayuk patayan muno, giu' niayuk patayan kuno am labangan kuno. Polosoon noyo Tuhan mangukum raki' ra maagat pana amon ru mopoloso aku ra atan-atan mampatuliar rito ondo' ak am kapatayan.”

RUT 1:17 ပူးပေါင်းရင်းမြစ်များ

2 SAMUIL 15:21

Kaa' taam i Itai, “Raja' kuno, magibot aku rirun, ralalom inggalan ru Tuhan ondo' naayag ra ati ayuk angayan muno, musiti' aku maya' niayuk, kabalu' pana makauma' ra patayan.”

2 SAMUIL 19:13

Panusub niayuk Raja' Daut risilo mindagu ri Amasa, “Okou pabukat kuno. Intor raino lantikon tokou masauk ra panglima saujor koson malit ri Joab. Polosoon noyo i Aki Kapuuno' mamatoi raki' amon ru baal raginio kalo baalon ku!”

2 SAMUIL 3:35

Nonsongorou ulun nangkinam nanimayo ra Raja' Daut maa' raginio mangakan kasanganu, kaa' nagibot io, “Polosoon noyo i Aki Kapuuno' no mamatoi raki', amon ru mangakan aku ra atan-atan ra kalo poyo mokotolop mato ru orou!”

2 SAMUIL 3:9

Moonsoi poyo mangindangan aku ra Raja' Daut, sabap ra binantu' noyo ru Tuhan riso koson manalison ra pamarintaan ti intor ra Raja' Saul am papag nano, am Raja' Daut pasaukon ra raja' ru ngaangai' Israil am Jiuda. Polosoon noyo i Aki Kapuuno' no mamatoi raki' amon ru kalo suguton ku bantu' ri Aki Kapuuno' ra Raja' Daut.”

1 RAJA'-RAJA' 13:31

Kopongo raginio indagu nabi no ra anak-anak nano, “Paat ra aku matoi, makilobong aku ra kalabangan ragitio, am pabantaan baangkai kuno ra sapapa' ru baangkai nano.

1 RAJA'-RAJA' 19:2

Nangator i Ijibil ra tanou ri Ilia, kono, “Polosoon noyo dewa-dewa mamatoi raki', amon ru susuab no paat ra raino ti pamakuan kuno rirun kalo nogondo' koson ra pinamakuan mu ra nabi-nabi no.”

1 RAJA'-RAJA' 2:23

Kopongo raginio nagibot Raja' Salomo ralalom inggalan ru Tuhan, kono, “Polosoon noyo i Aki Kapuuno' no mamatoi raki' amon ru kalo ukumin ku ra matoi i Adonia sabap ra makitaak ra baal raginio!

1 RAJA'-RAJA' 20:10

intor ra Raja' Bingadad, “Raja' maino matong ra masuang kaga' saujor koson mamuso ra bandar mutu, saboi makapagibit ilo ra kaau intor ra nangaurus ru bandar ralalom ru kalindu' nilo. Nagibot ilo maa' raginio dewa-dewa mamatoi riso amon ru kalo mambaal io raginio!”

2 RAJA'-RAJA' 6:31

Golok raja' no, “Gama' ru i Aki Kapuuno' mamatoi raki' amon ru ulu ri Ilisa kalo ingguluin ra orou raiti'!”

MAZMUR 45:10

Gino ngai' ru ralaa ru istana mokoondo' niayuk anak-anak ralaa ru raja', am tampilon ra pamiris ru panturungan muno paribigor andu' raja' ondo' nalimpor ra mas kopoyo.

RINALATAN 11:23

Paat ra io nakasaboi ra giu' i, nakakito io ra ati kulaan i Aki Kapuuno' nambarakat ra ulun ra giu' no am naansukan io. Panusub io risilo gumagaya' toojo ra Tuhan.

RINALATAN 20:24

Kaa' kalo mangkara' aku ra maayag aku kia kapoam kalo; ondo' karaan kuno ayuk am momongo ra kandoi ondo' pinataakan raki' ru Tuhan Jisus, ioginio mampasaboi ra Tanou Moonsoi intor ra asi' ri Aki Kapuuno'.

RUT 1:16

Kaa' taam i Rut, “Pai' aku susubo' muli'. Iowo' aku no maya' rirun. Ati ayuk angayan muno, maya' aku ayuk. Ati ayuk ayanan muno, giu' no niayuk ayanan kuno. Bansa' muno, bansa' ku niayuk, am i Aki Kapuuno' ondo' sambaan muno, sambaan ku niayuk.

RUT 4:15

Motogom mangiwan muno rirun nanguyumo rirun moonsoi poyo intor ra tulu' ngaulun anak ungkuyon. Raino nanaak io rirun ra sangulun akupu ondo' mangulau suku' masauk ra kaayagan bagu rirun, am magalung rirun ra okou matutuo.”

1 SAMUIL 14:44

Kon ru Raja' Saul riso, “Polosoo' noyo ra aku ukumin ri Aki Kapuuno' amon ru okou kalo ukumin ra matoi, Jonatan!”

1 SAMUIL 20:13

Kaa' amon ru makaguang io koson mapajamar rirun, polosoon noyo Tuhan no mamatoi raki' amon ru kalo mambala' aku rirun ra baal raginio am mamayag rirun. Gama' ru mabaya' Tuhan no rirun koson Io mabaya' ra ama' kuno ragili!

1 SAMUIL 25:22

Polosoon noyo i Aki Kapuuno' no mamatoi raki' amon ru kalo mamatoi aku ra moonong ungkuyon ra giu' no ra kalo poyo makasirang mato ru orou!”

1 SAMUIL 3:17

Nangkuot i Ili, “Atan kia rinagu ru Tuhan rirun? Tunungo' ngaangai' no raki'. Amon ru mokoondo' ondo' bunion muno, maaru' maagat pangukum rirun no ri Aki Kapuuno'.”