RUT 1:14 - Tanou Moonsoi Timugon

¹⁴ Sikok poyo ri Rut am i Orpa nantangi'. Pintor boo i Orpa alok ra kalindu' ru iwan nano am uli'. Kaa' marara' i Rut mangiruan ra iwan nano.

RUT 1:14 ပူးပေါင်းရင်းမြစ်များ

KASAUKAN 31:28

Kalo poyo niayuk pinaalok mu aku ra akupu-akupu kuno am anak-anak ruandu' kuno. Sasambungon koson raginio!

KASAUKAN 31:55

Katawang ra susuab no, pintor alok i Laban ra akupu-akupu nano am anak-anak ruandu' nano am pambarakat poyo risilo, am ugar boo i Laban saguli' ra baloi nali.

2 SAMUIL 19:39

Kopongo raginio Raja' Daut am ngaangai' ru ulun nano liminaup ra Sungoi Jordan. Pangalok Raja' Daut ri Barjilai am pambarakat riso. Kopongo raginio uli' i Barjilai ra baloi nano.

1 RAJA'-RAJA' 19:20

Kopongo raginio iruani' ri Ilisa sapi'-sapi' nano, pangilou ri Ilia am indagu, “Iowo' aku muma' ra matuo kuno galing koson mongoi pintor, am maya' aku rirun.” Taam i Ilia, “Uli' no, kalo inggalarin tokou!”

AMSAL 17:17

Kubayau masalok montotogom ra rondo' am bokon, am pongkotob masalok mansaan ra kapaganan ra rondo' am bokon.

AMSAL 18:24

Mokoondo' rangan ra kalo gumagaya', mokoondo' niayuk rangan ra moonsoi toojo ka pongkotob.

JISAYA 14:1

Makaasi' Tuhan ra ulun Nano Israil am nampili' risilo poyo koson ra longgom Nano galama'. Pinaayan No ilo ra pagun nilo galama' am ulun bansa' suai pana matong am mayan mababaya' risilo ra giu'.

JAKARIA 8:23

Paat raginio mopor ngaulun bansa' ra bokon matong ra sangulun ru Jaudi am mindagu, ‘Akai niayuk masaga' barakaton koson ramuyun sabap nokorongog akai ri Aki Kapuuno' mabaya' ramuyun.’ ”

MATIUS 10:37

“Osoi ayuk motogom poyo ra ama' am ina' nano ka Aku kalo sama' io masauk ra maamaya' Kuno. Koson niayuk ra osoi ayuk motogom poyo ra anak ungkuyon kapoam anak ruandu' nano ka Aku kalo sama' io masauk ra maamaya' Kuno.

MATIUS 16:24

I Jisus pana mindagu boo ra maamaya'-maamaya' Nano, “Moonong ulun ondo' masaga' maya' Raki', lilianin no kasagaan nano galama', mansaan io ra salip nano am maya' Raki'.

MATIUS 19:22

Korongog no ayuk ragu raginio, ugar io am mangiluk toojo guang nano sabap ra rapu' nano masuang.

RINALATAN 17:34

Mokoondo' niayuk kukula' ngaulun intor risilo i nangintopot am minaya' ri Paulus. Ondo' minaya' intor risilo i am i Dionisius, sangulun ru Majlis bandar, am sangulun ruandu' makainggalan ri Damaris am kukula' ngaulun poyo.

SAGULION 10:20

Urumato' noyo Tuhan i Aki Kapuuno' min am sambayang Riso ayuk. Gagaya' noyo Riso am pagibot noyo ralalom ru inggalan Nano ayuk.

SAGULION 4:4

kaa' akau ondo' magulayun giminagaya' ra Tuhan i Aki Kapuuno' min lakat poyo naayag saboi orou raiti'.

2 TIMOTIUS 4:10

sabap ra nanatang noyo i Dimas raki' sabap ra nampakaatang io ra kaayagan ru tana' ti. Minongoi io noyo ra bandar Tisalonika. I Kriskis pana minongoi noyo giu' ra libung Galatia am i Titus poyo minongoi giu' ra libung Dalmatia.

IBRANI 10:39

Kaa' itakau ti sala' ka ulun ondo' lumugut am makalayau. Itakau ti makapangintapatan am bayagon.

RUT 1:13

makainaa kau kia saboi ilo masukor? Babaai boo ru ginio mongompong ramuyun ra kalo mangindalaki ra bokon? Pai' koon raginio anak kau. Mangiluk guang kuno ra atan ondo' mailian min kalalaat sabap ra ukuman ru Tuhan raki'.”

RUT 1:15

Indagu i Naomi riso, “Ilai' Rut, ilas muno minuli' noyo ra bansa' nano am ra dewa-dewa nano. Ugar no anak kuno. Uli' no koson ra ilas muno.”

RUT 1:7

Pintor ilo ngaangai' koson sumaguli' ra Jiuda. Kaa' ralalom pangkiralanan,

RUT 2:11

Taam i Boas, “Norongog ku noyo nansalinut ondo' binaal muno ra iwan muno intor ra ralaki muli minatoi. Nakapandai aku ra okou nanatang ra matuo muno ra pagun min koson maya' simpung ra bansa' ondo' kalo nauligan min.