ROMA 9:7 - Tanou Moonsoi Timugon

⁷ am sala' ka ngaangai' papag ri Abragam no anak ri Aki Kapuuno'. Sabap ra kon ri Aki Kapuuno' ri Abragam, “Ondo' papag ri Isak ayuk sabiton ra papag muno.”

ROMA 9:7 ပူးပေါင်းရင်းမြစ်များ

KASAUKAN 21:12

Kaa' indagu i Aki Kapuuno' ri Abragam, “Pai' pangiluk guang sabap ra ulipon muno i Agar am anak nano. Kaa', suguto' ayuk atan ondo' rinagu ri Sara rirun sabap ra intor ri Isak noyo makapapag kou ra masuang sumugut ra ondo' binantu' Kuli.

MATIUS 3:9

Pai' karaa' ra akau ti kalo ukumin ru Tuhan sabap ra mindagu kau, ‘Akai ti papag ri Abragam.’ Balain takamin: I Aki Kapuuno' makakuasa' mambaal ra batu-batu ti masauk ra ulun papag ri Abragam!

LUKAS 16:30

Kaa' indagu ulun langkaya' no, ‘Aki Abragam, kalo mampaguang ilo toojo, kaa' amon ru mokoondo' sangulun maayag saguli' intor ra kapatayan am matong risilo, maaru' tumalikur ilo intor ra tula nilo.’

LUKAS 3:8

Pakitono' min noyo paliso am baal mino ra nakatalikur kano intor ra tula mino! Pai' kau indagu ra rondo' am bokon ra kinamatuaan mini am i Abragam. Karaa' min! Intor ra batu-batu ti pana maangun ri Aki Kapuuno' ra papag ri Abragam!

JUANIS 8:33

Taam ilo, “Akai papag ri Abragam, kalo igondo' akai kasauk ra ulipon ru osoi ayuk pana! Atan kon Muno ra, ‘Palabuson kau’?”

GALATIA 4:23

Anak ra nasimpungan no ra ulipon i inanak maya' ra kasagaan nano ayuk, kaa' anak ra nasimpungan no ra andu' no inanak maya' ra nabantuan ri Aki Kapuuno'.

GALATIA 4:28

Pabukat kau ngaangai', itakau ti anak ri Aki Kapuuno' sabap ra nabantuan Nano, nogondo' ri Isak, anak ri Sara no.

PILIPI 3:3

Sotopot no itakau noyo ondo' makaulig ri Aki Kapuuno' sala' ka ilo, sabap ra itakau ti ondo' sumamba ri Aki Kapuuno' maya' ra indangan ru Ambiluo Nano galama'. Am itakau niayuk maringkuanang sabap ra nakasimpung noyo ri Jisus Kristus. Intor raginio kalo boo malansan takau ra kaulayan ondo' binaal ayuk ru ulun.

IBRANI 11:18

“Mansail ri Isak ti noyo okou makaalap ra sayat ondo' binantu' Kuli rirun.”