ROMA 9:4 - Tanou Moonsoi Timugon

⁴ Ilo no ulun ru Israil ondo' pinili' ri Aki Kapuuno'. Piniau ilo noyo ri Aki Kapuuno' ra anak Nano galama', am pinakito No ilo ra katulayan Nano. Binantuan No ilo am inanian No ilo ra Ukum ri Musa. Tinuluan No ilo ra sambayang ondo' motopot am naapu nilo ondo' binantu' Nali.

ROMA 9:4 ပူးပေါင်းရင်းမြစ်များ

KASAUKAN 15:18

Paat raginio niayuk nambaal Tuhan ra bantu' Nano ri Abram. Indagu Tuhan, “Bantu' Kuno ra manaak Aku ra papag muno ra titikop ru tana' ragitio, intor ra balitan ru pagun ru Misir polos ra sungoi Iprat,

KASAUKAN 17:10

Okou am moonong ungkuyon ru papag muno musiti' sunatin.

KASAUKAN 17:2

Mabantu' Aku rirun am manaak rirun ra papag ra masuang.”

KASAUKAN 17:7

“Suguton Ku toojo bantu' Kuno rirun am papag muno, mansusugul am bantu' no mantilayun. Masauk Aku ri Aki Kapuuno' muno am i Aki Kapuuno' ru papag muno.

KASAUKAN 32:28

Indagu ulun no, “Inggalan muno sala ka boo i Jakub. Giminabu' kou ri Aki Kapuuno' am ra ulun, am namanang kou. Ginio ra inggalan muno i Israil.”

1 RAJA'-RAJA' 8:11

Gaun no manguliat ra katulayan ru sinda ratangan ru Tuhan, saboi ra ilo kalo makasubol saguli' koson mampaugar ra kandoi nilo.

NIGIMIA 13:29

Iou Aki Kapuuno', karaa' noyo ati kulaan ngaangai' ulun no nampajamol ra kandoi ru imam am nabantuan ondo' binaal Muno ra imam-imam am ulun ru Liwi.

MAZMUR 147:19

Potonowon No ragu Nano ra ulun Nano, aturan am ukum Nano ra Israil.

MAZMUR 63:2

Iou Aki Kapuuno', Okou noyo i Aki Kapuuno' kuno, moondom aku Rirun. Koson ra tana' mapua' paason ra timug, koson raginio niayuk paason aku Rirun.

MAZMUR 73:1

Mazmur ri Asap. Moonsoi toojo i Aki Kapuuno' ra ulun ru Israil, ilo ondo' makaguang mabanis.

MAZMUR 78:61

Pinoloso no pantula' Nano nampagaau ra Kaban Nabantuan, tatandu' ru kuasa' am katulayan Nano.

MAZMUR 89:3

Nakapandai aku ra togom Muno mantilayun, am gagaya' Muno mapiot koson ra limbowon.

MAZMUR 89:34

Kaa' rayusin Ku monogom ri Daut, am suguton Ku ngaangai' bantu' Kuli riso.

MAZMUR 90:16

Patalango' noyo binaal Muno ra makaimuag no ramon, ulipon-ulipon Muno, am kuasa' Muno ondo' matulai pataakon ra papag maino.

KAINGKUALAN 12:25

Paat ra akau mumpos ra pagun ondo' binantu' ru Tuhan ramuyun, musiti' min paugaron kaulayan ti.

KAINGKUALAN 34:27

Indagu Tuhan ri Musa, “Tulisi' noyo ragu ragitio, sabap ra mimpuun ra ragu no mambaal Aku ra nabantuan rirun am bansa' ru Israil.”

KAINGKUALAN 4:22

Indagu ra raja' no ra Aku Tuhan mindagu koson ragitio, ‘Israil noyo anak katuaan Kuno.

KAINGKUALAN 40:34

Kopongo raginio tuun boo gaun manili ra Kim ru Tuhan, am natikop Kim no ra sinda ratangan ru Tuhan.

JISAYA 41:8

Kaa' akau Israil, ulipon Kuno, akau noyo ulun pinili' Kuno, papag kau ri Abragam, kubayau Kuno.

JISAYA 46:3

“Rongogo' Aku no, akau papag ri Jakub, akau ngaangai' ondo' ulun Kuno ra naayag. Aku nagalung ramuyun intor poyo ra akau inanak.

JISAYA 5:2

Manangkul io ra tana' nano am mamatir ra batu-batu nano; mantanom io ra anggur napili', am nambaal io ra manara pantamungan. Mangkali io ra rondo' luang koson pamagaan ra kawa' ru anggur nano. Io pana mantamung saboi kawa' ru anggur maansak, kaa' moonong kawa' no mataris.

JISAYA 60:19

Mato ru orou kalo boo suminda rirun bulintok matawang, bulan kalo boo suminda rirun bulintok molondom, Aku, Tuhan, suminda rirun ra mantilayun; tampulawon Tokou ra katulayan Kuno.

JIRIMIA 31:20

Okou Israil, okou anak togom Kuno, anak katagaman toojo, uyayaan Kuno. Moonong Aku mompololob rirun, karaan Tokou mabaya' ra ondom. Tagamin Tokou; makaasi' Aku.

JIRIMIA 31:33

Gitio noyo nabantuan bagu ondo' baalon Kuno ra ulun ru Israil: Buliin Ku ukum Kuno ra ralalom ru guang nilo, am tulisin ginio ra guang nilo. Masauk Aku ri Aki Kapuuno' nilo, am masauk ilo ra ulun Kuno.

JIRIMIA 31:9

Liliwa' mantangi' ulun Kuno sumaguli', makiasi' ilo paat ra Aku maningganai risilo muli'. Tingganayon Ku ilo mongoi ra sungoi-sungoi boborok, mansail ra ralan marata' maa' raginio kalo makasaru ilo. Aku koson ra sangulun ama' ra Israil, i Ipraim anak Kuno ra katuaan.”

YEHEZKIEL 1:28

ra batik-batik ru bulintung. Sinda manguliat no nanulu' ra ratangan ru Tuhan.

GOSIA 11:1

Indagu Tuhan, “Motogom Aku ri Israil intor ra io lakat poyo boborok; Piawon Ku anak Kuno mingkual intor ra Misir.

UNTABAN 7:89

Paat ri Musa mumpos ra ralalom Kim ru Tuhan koson mindagu ra Tuhan, morongog no Tuhan mindagu riso intor rasawat ru taub ru Kaban Nabantuan, pangkilolot ru ruo patung kirub.

MATIUS 21:33

“Rongogo' poyo rondo' abig ragitio,” ragu ri Jisus. “Mokoondo' sangulun langkaya' ondo' nantanom ra umo ru anggur. Liputo' no ra insor am pangkali io ra rondo' luang ra batu maayo, pamagaan ra anggur am niayuk nambaal io ra manara masawat pagimpalan. Pasiwai' no boo umo ru anggur i ra kukula' ngaulun, am ongoi io ra pagun ru bokon.

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

JUANIS 1:47

Kakito ri Jisus i Natanil matong Riso, indagu Io, “Gitio noyo sangulun bansa' ru Israil ra motopot; ulun ti mabanis guang.”

RINALATAN 2:39

Ginio binantu' ri Aki Kapuuno' ramuyun am papag mino poyo, am niayuk ra ngaangai' ulun ondo' mangaalur intok – ioginio osoi ayuk piawon ri Aki Kapuuno', Tuhan takau, koson matong Riso.”

ROMA 3:2

Maaru' masuang onong! Intor poyo ra talimpuun i, ulun ru Jaudi noyo napalansanan ri Aki Kapuuno' ra ragu Nano.

ROMA 8:15

Sabap ra Ambiluo ondo' pinataak ri Aki Kapuuno' ramuyun, kalo mangulipon am mambaal ramuyun malaa'. Kaa' sotopot no Ambiluo no mampasauk ramuyun ra anak ri Aki Kapuuno', am ralalom indangan ru Ambiluo no, iowon takau mampiau ri Aki Kapuuno', “Ama', i Ama' kuno!”

ROMA 9:6

Kalo mindagu aku ra bantu' ri Aki Kapuuno' i kalo nasugut. Kaa' sala' ka ngaangai' bansa' ru Israil pinili' ri Aki Kapuuno',

2 KORINTUS 11:22

Konilo ra ulun ilo ru Jaudi. Aku pana! Kon poyo, pagun nilono Israil. Iou, mogondo' raki'! Ragu nilo poyo ra papag ilo ri Abragam. Ba, aku niayuk!

GALATIA 3:16

I Aki Kapuuno' nambaal ra nabantuan Nano ri Abragam am sangulun poyo intor ra papag nano. Kolondo' tinulisan ra Buuk Kitab, “Am papag muno”, arati' no ulun masuang. Kaa' ondo' tinulisan no am, “Sangulun intor ra papag muno”, ondo' arati' nano sangulun ayuk, io no i Kristus.

IPISUS 2:12

Paat ragili maalur kau intor ri Kristus. Akau ti nogondo' ra ulun bansa' ru bokon am sala' ka tayar kau ru ulun pinili' ri Aki Kapuuno', am kolondo' tayar min ra atan ayuk nabantuan ondo' inaru' ri Aki Kapuuno' koson risilo. Kolondo' kalansanan kapoam kaintutunan min ri Aki Kapuuno' ralalom ru kaayagan min.

SAGULION 14:1

“Akau noyo ulun ru Tuhan i Aki Kapuuno' min. Ginio ra paat akau mangulir ra ulun ondo' minatoi noyo, pai' pilato' inan kapoam sukuro' abuk ra tampilon ra saang ru ulu min, koson ondo' baalon ru bansa' ra bokon.

SAGULION 29:1

Gitio noyo kitaak-kitaak ra nabantuan ondo' sinusub ru Tuhan ri Musa, koson binaal ra ulun ru Israil paat ilo giu' ra tana' Moab. Nabantuan raginio pinaruang ra nabantuan ondo' binaal ru Tuhan risilo giu' ra Gunung Sinai.

SAGULION 29:14

Nambaal Tuhan ra nabantuan ti ra ngaangai' kitaakon no, sala' ka akai ayuk

SAGULION 31:16

Indagu Tuhan ri Musa, “Kalo boo mabuoi matoi kou. Mopongo ra ugaran muno, bansa' ru Israil kalo boo gumagaya' Raki'. Lumungkang ilo ra nabantuan ondo' binaal Kuno risilo. Mangiruan ilo Raki' am sumamba ra tuhan-tuhan ondo' sambaan giu' ra tana' ondo' ayanin nilo ra mataki'.

SAGULION 4:13

Nambala' Io ramuyun ra atan moonsoi baalon min koson sumugut ra nabantuan ondo' binaal Nano ramuyun; musiti' gagayaan min Mopor Ukum ondo' tinulisan Nano ra ruo batu tulis.

SAGULION 7:6

Baalo' noyo baal raginio sabap akau longgom ru Tuhan i Aki Kapuuno' min. Intor ra ngaangai' bansa' ra tana' ti, nampili' Io ramuyun masauk ra ulun Nano ondo' tagamin.

IBRANI 9:1

Nabantuan kasaa' i mokoondo' kaulayan sambayang am mokoondo' niayuk ra Kim Sambayangan ondo' binaal ru ulun.

IBRANI 9:10

Sabap ra atan ondo' sinugut nilo intor ra akanon, inumon am nansalinut pambaguan ginio kaulayan ayuk. Ngaangai' ti sumugut ayuk ra kaulayan ru ulun am paugaron ra buoi ti saboi ngaangai' no talimbaguin ri Aki Kapuuno'.

IBRANI 9:3

Am lamin ra ralalom ru kim no, ondo' sinilian ru tabir, ininggalanan ra Intok Matulai Kaga'.

IBRANI 9:5

Rasawat ru kaban no mokoondo' ruo sinungkalalaing binaal intor ra mas ondo' ininggalanan ra kirub. Ilo no tatandu' ra i Aki Kapuuno' soroi ra giu' no. Kawo nilai nanili ra taub ru kaban no, ondo' tinakisan ra raraa' koson mangampun ra tula ru ulun. Kaa' kalo lair makabala' ku ngaangai' ra raino ti.

IBRANI 9:6

Nakatampos noyo ngaangai' ti. Moonong orou mumpos imam-imam ra lamin ra saang ru kim no koson mampaugar ra kandoi nilono.