ROMA 9:3 - Tanou Moonsoi Timugon

³ mangkara' ra pabukat-pabukat kuno, ioginio bansa' kuno galama'. Gama' ru makapangindangan aku risilo, amon ru kitaakon tumampos aku ukumin ri Aki Kapuuno' am patuliaron intor ri Kristus.

ROMA 9:3 ပူးပေါင်းရင်းမြစ်များ

KASAUKAN 29:14

indagu i Laban riso, “Sotopot no okou ti raraa' am kual kuno ayuk poyo.” Ayan i Jakub ra giu' no buoi sansila'.

2 SAMUIL 18:33

Kopongo nokorongog ra tanou raginio mangiluk kaga' raja', am pagaloi ra guang giu' ra rasawat ru kulobon garabang liliwa' nanulaboi, “Alii ra anak kuli! Alii ra anak kuli i Absalom! I Absalom, anak kuli! Moonsoi poyo ra aku ondo' minatoi namalit rirun, anak kuno! I Absalom, anak kuno!”

ESTER 8:6

Ati kulaan lair ru aku tumaan magilong ra karaat ondo' masauk ra bansa' kuno, am magilong ra pabukat-pabukat kuno potoyon?”

KAINGKUALAN 32:32

Ampuno' noyo tula nilo; amon ru kalo, luluo' inggalan kuno intor ra kitab nanulisan Muno ra inggalan ru ulun Muno.”

RINALATAN 13:26

Pabukat kau ngaangai', papag ri Abragam am niayuk ngaangai' sala' ka Jaudi ondo' sumamba ri Aki Kapuuno'; itakau no napasabayan ra Tanou pamayagan no.

RINALATAN 22:5

Tingganai Maayo Imam Jaudi am niayuk ngaangai' tingganai ru Majlis Ugama, makapangani' ra sasi' ra kalo magabau aku. Ilo no ondo' nangani' raki' ra surat kuasa' patuluon ra ulun ru Jaudi ra Damsyik, ioginio mangiou raki' mamparakop ra ulun ru Jaudi ondo' nangintopot ri Jisus koson ibiton ra Jirusalim ra ukumin.”

RINALATAN 28:21

Kaa' indagu ilo riso, “Kolondo' surat naapu mai intor ra Judia nambala' koson rirun. Kolondo' sangulun pana minatong intor ra giu' i nagibit ra pambalaan kapoam tanou ra kalaatan muli.

ROMA 1:3

Tanou Moonsoi no mantunung ra baal ru Anak ri Aki Kapuuno', ioginio Tuhan takau i Jisus Kristus. Maya' ra papag Nano ra tana' ti, Io no sangulun anak ru raja' Daut;

ROMA 11:1

Ginio ra mangkuot aku poyo: Inimpayan kia ri Aki Kapuuno' ulun pinili' Nano? Maaru' kalo! Aku galama' pana ulun ru Israil, papag ri Abragam tayar ri Binjamin.

ROMA 11:14

Intor raginio mangkinibit aku lair ra ulun ru bansa' kuno mangusolon am makapamayag i Aki Kapuuno' ra santayaran risilo.

ROMA 16:11

Bilin kaansayan ku ri Irodion, ulun ru Jaudi koson raki'. Bilin kaansayan ku niayuk ra pabukat Kristian giu' ra baloi ri Narkisus.

ROMA 16:21

I Timotius, rangan kuno mangangandoi, mampasaboi ra bilin kaansayan nano ramuyun. Kon niayuk i Lukius, i Jason am i Sosipatir, rangan-rangan ku ra Jaudi no.

ROMA 16:7

Bilin kaansayan ku niayuk ri Andronikus am i Junias, ilo ti ulun ru Jaudi koson raki' ondo' nakaaya' raki' inaput. Mauligan ilo noyo ra rasul-rasul am nakasigulu ilo mangintopot ri Kristus ka aku.

ROMA 9:2

Mangiluk toojo am maimbolo' guang kutu paat ra aku

1 KORINTUS 12:3

Musiti' kau makapandai ra ulun ondo' kinuasa' ru Ambiluo ri Aki Kapuuno' kalo makaindagu ra, “Kaluus i Jisus!” Koson niayuk ra kolondo' sangulun pana makaindagu ra, “I Jisus noyo Tuhan!” amon ru kalo kuasaan ulun no ru Ambiluo ri Aki Kapuuno'.

1 KORINTUS 16:22

Osoi ayuk kalo motogom ri Tuhan Jisus, ukumin io ri Aki Kapuuno'! Maranata, arati' no ‘O Tuhan mai, ratong no!’

2 KORINTUS 12:15

Maayo guang kuno mangani' ramuyun ra atan ayuk mokoondo' raki', suku' ra kaayagan kuno pana, maa' raginio makapangindangan aku ramuyun. Amon ru ginio noyo gayo ru kinotogom kuno ramuyun, kua pai' tagami' min aku toojo?

GALATIA 1:8

Kaa' mapara' piboo usung mai amon ru akai, kapoam malaikat ru Tuhan pana, mampasaboi ramuyun ra tanou moonsoi sala' intor ra ondo' pinatanou maili noyo!

GALATIA 1:9

Ondo' naragu mai noyo ragili, raguon ku poyo raino: Mausung toojo sasangulun no amon ru mampasaboi io ramuyun ra tanou moonsoi sala' intor ra ondo' naapu min i.

GALATIA 3:10

Mapara' piboo usung nilo ondo' mampagagaya' ra Ukum ri Musa. Mokoondo' tinulisan ra Buuk Kitab ra, “Osoi kalo masalok makaaya' ra ngaangai' ondo' tinulisan ra Ukum ri Musa, ulun raginio usungon ri Aki Kapuuno'!”

GALATIA 3:13

Kaa' i Kristus nampalabus noyo ritakau intor ra usung ondo' kinibit ru Ukum ri Musa ti, ra Io nokoowot ra usung sabap ra itakau. Mokoondo' tinulisan ra Buuk Kitab ra, “Mapara' piboo usung ru ulun ondo' salipon ra tataun.”

IPISUS 6:5

Ulipon kau ngai', gagaya' am urumato' noyo tuan mino; gagayaa' min ilo toojo koson ayuk gumagaya' kau ri Kristus.

SAGULION 21:23

am baangkai no kalo polosoon matair ra giu' no saboi ra suabon no. Baangkai no musiti' lobongon ra orou raginio niayuk, sabap baangkai ondo' polosoon matair ra lugu' maparatong ra ulas intor ri Aki Kapuuno' ra tana' raginio. Lobongo' noyo baangkai ru ulun no maa' raginio kalo jamalin min tana' ondo' pataakon ramuyun ru Tuhan i Aki Kapuuno' min.”

1 SAMUIL 14:24

Paat orou raginio mangalawo ulun ru Israil ra nangaitilan sabap ra Raja' Saul nagibot koson ragitio, “Kaulas noyo ulun ondo' mangakan ra atan pana ra orou raiti', ra kalo poyo mansuli' aku ra pantula'.” Ginio ra kolondo' sangulun pana ondo' nangakan buoi ru orou raginio.

1 SAMUIL 14:44

Kon ru Raja' Saul riso, “Polosoo' noyo ra aku ukumin ri Aki Kapuuno' amon ru okou kalo ukumin ra matoi, Jonatan!”