ROMA 9:20 - Tanou Moonsoi Timugon

²⁰ Pabukat kuno, makakau' kou kia tumaam ri Aki Kapuuno' koson raginio? Makapangkuot kia rarapu' no ra mambabaal no, “Kua guat baalo' mu aku koson ragitio?”

ROMA 9:20 ပူးပေါင်းရင်းမြစ်များ

2 SAMUIL 16:10

Kaa' indagu raja' no ri Abisai am maayo nano i Joab, “Pai' sombot. Polosoon ayuk io magulas raki'. Amon ru manusub Tuhan riso magulas raki', osoi kia makakau' mangkuot kua baalo' no ginio?”

AYUP 16:3

Mindagu kau kia ra sabubuoi no? Atan kia nangunsu' ramuyun koson marayus mindagu?

AYUP 33:13

Kua panguu' kou ri Aki Kapuuno' am mindagu ra kalo igondo' Io taam ra paraguon ru ulun?

AYUP 36:23

Kolondo' osoi pana makapambala' ri Aki Kapuuno' ra atan ondo' musiti' baalon, kapoam manguu' Riso mambaal ra kalaatan.

AYUP 40:5

Minindagu aku nasailan intor ra sotopot no.”

AYUP 40:8

Kuminam kou kia mapainono' ra Aku kalo matimpok, am mononsol Raki' ra mangiou rirun?

AYUP 9:32

Amon ru i Aki Kapuuno' no ulun, makataam aku Riso; mongoi akai ra intok pangakiman koson manalasai ra pansangaran.

JISAYA 10:15

Kaa' mindagu Tuhan, “Makapamanggo kia kapak no ra ulun ondo' mamakai riso no? Maatang kia toojo rondo' garagaji' no ka ulun ondo' mamakai ra garagaji' no? Sala' ka tataun pamalamba' no mampaguut ra ulun kaa' ulun no mampaguut ra tataun pamalamba'.”

JISAYA 29:16

Ngaangai' no pansalulangon nilo. Atan kia ondo' maatang toojo? Ulun manukang ra pagangan kia kapoam tana' bandulan? Makaindagu kia kuliamos ra binaal no ra ulun mambabaal no, ‘Sala' kia ka okou nambaal raki'’? Kapoam makaindagu kia kuliamos no riso, ‘Kalo napandayan mu atan binaal muno’?

JISAYA 64:8

Kaa' Okou noyo Ama' mai iou Tuhan. Akai ti koson ra tana' bandulan, am Okou koson ra ulun manukang ra paliuk. Okou noyo namangun ramon.

JIRIMIA 18:6

“Ulun kau ru Israil, kolondo' kia rokoon min kuasa' Kuno mambaal ramuyun koson ra binaal ru ulun manukang ra pagangan no ra tana' bandulan nano? Koson ra tana' bandulan no ralalom ru kalindu' ru ulun manukang ra pagangan, koon raginio niayuk ramuyun ralalom ru kalindu' Kuno.

DANIL 4:35

Ulun ra tana' ti kolondo' arati' Riso; malaikat giu' ra suruga' am ulun ra tana' ti, ngaangai' ragana' ru kuasa' Nano. Kolondo' osoi pana makaanggal ra kasagaan Nano, kapoam mangkuot ra binaal Nano.

MIKA 6:8

Topot-topot kalo! Nambala' noyo Tuhan ritakau ra atan ondo' moonsoi. Baal ondo' kitaakon toojo ru Tuhan intor ritakau iono maa' raginio mambaal takau ra matimpok, masalok mangimaya' ra katagaman, am mabaya' ra guang minggana' maayag masimpung ri Aki Kapuuno' takau.

MATIUS 20:15

Maaru' makapanaak aku maya' ra guang kuno am ruit kuno galama'! Kua sangit kau ra kinataau ru guang kuno?’ ”

LUKAS 12:14

Indagu i Jisus riso, “Kua rirun ti, pai' ru Aku inanian ra kuasa' sumauk ra akim, kapoam mantayar ra rapu' patungkuson mino!”

ROMA 14:4

Kolondo' kuasa' muno mononsol ra ulipon ru ulun bokon. Matanda' io kapoam kalo, ginio aruon ru tuan nano galama' ayuk. Maaru' makapambaal io ra matanda' sabap ra Tuhan niayuk mangindangan riso.

ROMA 2:1

Pabukat kau ngaangai', intor raginio, makakau' kau kia mononsol ra ulun bokon? Kolondo' sasaban min amon ru ukumin kau. Sabap ra amon ru mononsol kau ra ulun bokon kaa' akau galama' pana nogondo' niayuk makasala, akau galama' migukum.

ROMA 2:3

Kaa' pabukat kau ngaangai', sotopot no akau pana makasala ra baal-baal koson risilo ondo' inakim min. Indos min kia ra kalo ukumin kau ri Aki Kapuuno'?

ROMA 9:21

Mambabaal no makakuasa' mangalap ra tana' lia' no mampasauk ra atan ayuk kasagaan nano galama'. Intor ra tana' lia' ra nogondo', baalon no rarapu' mologo am niayuk rarapu' kalo mologo.

ROMA 9:22

Mogondo' niayuk ra atan ondo' binaal ri Aki Kapuuno'. Masaga' Io mampakito ra sangit am kuasa' Nano, kaa' mataan Io risilo ondo' sotopot no sama' sangitin am luuson Nano.

1 KORINTUS 1:20

Intor raginio, atan onong ru ulun mapintar? Atan onong ru ulun mapandai? Am atan poyo onong ru ulun ru tana' ti ondo' mapandai tumaam? Sabap ra i Aki Kapuuno' nampakito noyo ra kapintaran ru ulun ru tana' ti sotopot no sasambungon.

1 KORINTUS 7:16

Andu' ra Kristian kau, maalap min nua' ralaki mino mangintopot ra Tuhan? Mogondo' niayuk ramuyun, ralaki kau ra Kristian, maalap min nua' andu' mino mangintopot ra Tuhan?

1 TIMOTIUS 6:5

am poyo pansasangaran ra kalo malalanggaan. Pamaguangan ru ulun raginilo kalo matanda', kolondo' boo katapatan nilo am mangkara' ilo ugama ti rondo' ralan panginduitan.

2 TIMOTIUS 2:20

Ralalom ru baloi ru ulun langkaya' nansalinut kakamot. Mokoondo' binaal intor ra pirok am mas, am niayuk ondo' binaal intor ra tataun kapoam tana' labu'. Masuai niayuk ondo' masalok pakayon am ondo' pakayon paat ra tambuluyon.

TITUS 2:9

Ragui' niayuk ulipon-ulipon ra gagayaan nilo toojo tuan nilai no, am poyo katasuon nilo guang ru tuan nilai ralalom ru ngaangai' baal.

JAKUBUS 2:20

Bungas kou nai toojo! Makitulu' kou piboo kia ra kolondo' noyo onong ru pangintapatan, amon ru kolondo' baal ra moonsoi?