ROMA 9:19 - Tanou Moonsoi Timugon

¹⁹ Raino makamangkuot lair raki', “Amon ru koson ragino kua guat lakat ayuk poyo mampasala i Aki Kapuuno' ra ulun? Sabap ra kolondo' sangulun pana makaanggal ra kasagaan ri Aki Kapuuno'.”

ROMA 9:19 ပူးပေါင်းရင်းမြစ်များ

KASAUKAN 50:20

Nangatang kau mambaal ra kalaatan raki', kaa' kalaatan no kinulau ri Aki Kapuuno' ra kaansayan, maa' raginio atan ondo' nasauk ra galing i mamayag ra masuang ulun ondo' mainono' ra raino ti.

2 TUNUNG RU BANSA' ISRAIL 20:6

am pakiasi' boo ra bolos mosongou, “Iou Tuhan, i Aki Kapuuno' ru kinamatuaan maili, intor ra panturungan Muno giu' ra suruga', namarinta Kou ra bansa'-bansa' ra tana' ti. Okou makakuasa' am maikang kaga'! Kolondo' osoi pana makaanggal Rirun.

AYUP 9:19

Musiti' aku kia makimagabu' Riso? Ilai' noyo, mapara' piboo gayo ru ikang Nano. Maibit ku kia Io mongoi ra makama? Osoi kia baani mampiau Riso mongoi?

MAZMUR 76:10

bulintok ra Okou mingkakat no maparatu' ra ukuman, koson mamayag ra ngaangai' ulun ondo' inimbolo' ra tana' ti.

JISAYA 29:16

Ngaangai' no pansalulangon nilo. Atan kia ondo' maatang toojo? Ulun manukang ra pagangan kia kapoam tana' bandulan? Makaindagu kia kuliamos ra binaal no ra ulun mambabaal no, ‘Sala' kia ka okou nambaal raki'’? Kapoam makaindagu kia kuliamos no riso, ‘Kalo napandayan mu atan binaal muno’?

DANIL 4:35

Ulun ra tana' ti kolondo' arati' Riso; malaikat giu' ra suruga' am ulun ra tana' ti, ngaangai' ragana' ru kuasa' Nano. Kolondo' osoi pana makaanggal ra kasagaan Nano, kapoam mangkuot ra binaal Nano.

MARKUS 14:21

Maaru' Anak ru Ulun matoi koson ra tinulisan ralalom ru Buuk Kitab; Kaa' mumpara' boo pagon ra maagu no ru ulun ondo' mampataak Riso ra pantula'! Moonsoi poyo amon ru kalo inanak ulun raginio!”

RINALATAN 2:23

Sumugut ra nangaruan ri Aki Kapuuno', nakapandai Io noyo intor poyo ra galing i koson i Jisus ti pataakon ramuyun. Pinatoi min Io ra nangkinibit kau ra ulun makatula no nanalip Riso.

ROMA 11:19

Mokoondo' lair mindagu ra, “Kaa' raan inindaanan koson akai papaliton risilo.”

1 KORINTUS 15:12

Mampatanou akai no ra i Kristus binayag saguli' intor ra kapatayan. Kaa' kua mokoondo' poyo intor ramuyun no mindagu ra ulun ondo' minatoi noyo kalo boo bayagon saguli'?

1 KORINTUS 15:35

Mokoondo' lair mangkuot ra, “Ati kulaan ulun namagatoi bayagon saguli'? Ati kulaan baal ru inan ondo' pataakin risilo paat ra ilo bayagon saguli'?”

JAKUBUS 1:13

Amon ru sasangulun marunduk ru pangkinaman, pai' indagu ra, “Pamarundukan ti intor noyo ri Aki Kapuuno'.” Sabap ri Aki Kapuuno' kalo noyo maalap karunduk ru kalaatan, am kalo niayuk igondo' Io mamarunduk ra osoi ayuk pana.

JAKUBUS 2:18

Kaa' mokoondo' lair mindagu ra, “Sangulun lumansan ra pangintapatan nano am bokon no poyo lumansan ra atan ayuk baal nano ra moonsoi.” Makataam aku niayuk ra, “Pakitono' noyo raki' ati koson sangulun mangintopot amon ru kolondo' baal nano ra moonsoi. Kaa' aku mampakito ra pangintapatan kutu mansail ra baal kuno ra moonsoi.”