ROMA 9:16 - Tanou Moonsoi Timugon

¹⁶ Baal raginio kalo maya' ra kasagaan kapoam kapiratan ru ulun, kaa' maya' ra kataawan ri Aki Kapuuno'.

ROMA 9:16 ပူးပေါင်းရင်းမြစ်များ

MAZMUR 110:3

Bulintok ra okou matong ra makakuasa', giu' ra bulur matulai, ulun muno masaga' mangindangan ayuk toojo. Koson ra bolobou bulintok ra susuab ti, nasuangan ru buayoi rumatong rirun.

JISAYA 65:1

Mindagu Tuhan, “Nakatampos Aku no mangiou ra pakiasian ru ulun Kuno, kaa' kalo makiasi' ilo Raki'. Nakatampos Aku no tambuluyon nilo, kaa' kalo kuminam ilo maguyum Raki'. Bansa' ragitio kalo makiasi' Raki', kabalu' pana nakatampos Aku no tumaam, ‘Gitio Aku no. Masaga' Aku mangindangan ramuyun.’

MATIUS 11:27

“Pinataakan ri Ama' ngaangai' Raki'. I Ama' ayuk sangulun nakaulig ra Anak, am Anak ayuk sangulun makaulig ra Ama' am poyo ulun ondo' kasagaan ru Anak ayuk makaulig ri Ama'.

MATIUS 4:8

Tingganai ru riwato no pana nagibit boo ri Jisus ra rondo' gunung ondo' masawat toojo, am pinakito no Io ra ngaangai' pamarintaan ru tana' ti am kalangkayaan nilono.

LUKAS 10:21

Paat ragili niayuk naansukan i Jisus ra kinuasa' Io ru Ambiluo ri Aki Kapuuno', indagu Io, “Ama', Tuhan ru limbowon am tana'! Paringkuanangan Kuno Rirun sabap ra pinakito Mu noyo ra ulun kolondo' kapandayan ondo' pinasibuni Muno intor ra ulun mapintar. Ama', ginio noyo kasagaan Muno.

JUANIS 3:8

Angin sumoyob ra ati ayuk kasagaan nano; maining ayuk bolos no, kaa' kalo mapandayan mu intor kapoam ulian nano. Nogondo' niayuk baal ru ulun anakon saguli' ru Ambiluo ri Aki Kapuuno'.”

ROMA 9:11

Koson mampakito ra sangulun intor ra anak-anak pilian Nano, minindagu i Aki Kapuuno' ri Ribika, “Anak ra katuaan no mangandoi ra boborok nano.” Ginio rinagu Nano ra kalo poyo karuruo anak ni inanak am kalo poyo nambaal ilo ra moonsoi kapoam malaat. Maa' raginio makito toojo ra pilian ri Aki Kapuuno' no kalo inimpuun ra baal nilo, kaa' maya' ra pampiawan Nano galama' ayuk.

GALATIA 2:2

Minongoi aku ra Jirusalim maya' ra nanusuban ondo' pinatalang ri Aki Kapuuno' no raki'. Ralalom pagugumaan mai ra tingganai ru Kristian ayuk, pinabala' ku toojo risilo Tanou Moonsoi ondo' pinasaboi kuno ra ulun sala' ka Jaudi. Marara' aku ra ondo' pinasaboi ku noyo kapoam ondo' posoboyon kutu malubat ayuk.

IPISUS 2:8

Sabap ra asi' ri Aki Kapuuno' noyo itakau binayag, ioginio sabap ra pangintapatan takau. Am kaayagan no sala' ka intor ra baal moonsoi takau, kaa' ginio taak intor ri Aki Kapuuno'.

PILIPI 2:13

Sabap ri Aki Kapuuno' no galama' magibit ra guang mino mangiou am poyo magagaya' min niayuk atan ondo' kasagaan Nano toojo.

JAKUBUS 1:18

Sumugut ra kasagaan Nano galama', itakau pinakaanak No mansail ra bala' Nano ra motopot ondo' pinasaboi ritakau. Ginio sabap ra nangani' Io poyo ritakau ra intok kasaa' intor ra ngaangai' sinauk Nano.