ROMA 8:6 - Tanou Moonsoi Timugon

⁶ Amon ru pamaguangan ondo' kinuasa' ru paliso ru ulun ayuk, baal raginio mangkinibit ra kapatayan. Kaa' pamaguangan ondo' kinuasa' ru Ambiluo ri Aki Kapuuno' magibit ra kaayagan am pabansayan.

ROMA 8:6 ပူးပေါင်းရင်းမြစ်များ

JUANIS 14:27

Kaansayan patatangon Kuno ramuyun; kaansayan Kuno galama' pataakon Ku ramuyun. Kaansayan Kuno sala' ka koson ra kaansayan ondo' taakin ru tana' ti. Ginio ra pai' kano pagalabo kapoam kalaa'.

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

JUANIS 17:5

Ama', raino ti katulayo' Aku noyo, mogondo' ra katulayan Tali paat ra tana' ti kalo poyo biningkal.

ROMA 13:14

Kaa' polosoo' noyo Tuhan Jisus Kristus maningganai ramuyun, am pai' min gagayaa' paliso min galama', ioginio mamasug ra kasagaan ru guang makatula.

ROMA 14:17

Sabap ra amon ru mamarinta i Aki Kapuuno' ra kaayagan ru sasangulun, akanon am inumon sala' ka boo maatang. Kaa' gitio noyo ondo' maatang; gumagaya' ra kasagaan Nano, katasuan ru guang am kaansukan, ondo' ringai' no pataakin ru Ambiluo ri Aki Kapuuno'.

ROMA 5:1

Raino itakau mobonsoi saguli' ri Aki Kapuuno' sabap ra pangintapatan takau Riso am makapabansayan noyo Riso ralalom ru Tuhan takau, i Jisus Kristus.

ROMA 5:10

Galing i mantutula' takau ri Aki Kapuuno', kaa' itakau pinobonsoi saguli' Riso mansail ra pinatayan ru Anak Nano. Raino, ra itakau rangan ri Aki Kapuuno', maaru' bayagon takau sabap ri Kristus maayag.

ROMA 6:21

Ragili kolondo' onong no ra akau nampaugar ra baal-baal ondo' raino mampakauyu' ramuyun. Baal-baal raginio mangkinibit ra kapatayan.

ROMA 6:23

Sabap ra tula no mangkinibit ra kapatayan, kaa' taak ri Aki Kapuuno' no kaayagan motopot am mantilayun mababaya' ri Kristus Jisus, Tuhan takau.

ROMA 7:11

Mansail ra ukum no, makakaluagan tula mamparuung am mangkinibit raki' ukumin ra potoyon.

ROMA 7:5

Ra galing i kaayagan takau kinuasa' ru paliso ru ulun, am sabap ra kinibit ru Ukum ri Musa, mansalinut kasagaan makatula miningkual intor ra guang takau. Ginio noyo nangkinibit ritakau ra kapatayan.

ROMA 8:13

Sabap ra, amon ru maayag kau maya' ra paliso ru ulun, maaru' matoi kau. Kaa' amon ru ralalom ru indangan ru Ambiluo ri Aki Kapuuno' langgain min baal ra makatula, maayag kau.

ROMA 8:27

I Aki Kapuuno' ondo' makapandai ra ngaangai' ru guang ru ulun, makarati' ra kitaakon ru Ambiluo Nano. Sabap ra maya' ra kasagaan ri Aki Kapuuno' galama' makitaak Ambiluo Nano ri Aki Kapuuno' koson ra ulun Nano.

ROMA 8:7

Ulun ondo' pamaguangan nano kinuasa' ru paliso ru ulun mantula' ri Aki Kapuuno', sabap ra kalo gumagaya' io ra ukum ri Aki Kapuuno' am sotopot no kalo magagaya' no ukum raginio.

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

GALATIA 6:8

Amon ru sumugut io ra kasagaan nano galama', ioginio koson mantanom ra sampug malaat, kapatayan ondo' kumoson nano. Kaa' amon sumugut io ra kasagaan ru Ambiluo ri Aki Kapuuno', ioginio koson mantanom ra sampug moonsoi, kaayagan mantilayun no ondo' kumoson nano.