ROMA 8:5 - Tanou Moonsoi Timugon

⁵ Ilo ondo' maayag maya' ra paliso ru ulun mampakaatang ayuk atan ondo' kasagaan ru paliso nilo. Kaa' ilo ondo' maayag maya' ra Ambiluo ri Aki Kapuuno' mampakaatang ayuk ra atan ondo' kasagaan ru Ambiluo no.

ROMA 8:5 ပူးပေါင်းရင်းမြစ်များ

MARKUS 8:33

Kaa' kailio' ri Jisus maamaya' Nano am sangiti' No i Pitrus. Indagu Io, “Pagiru' intor raki', okou Tingganai ru riwato! Pamaguangan muno pamaguangan ru ulun, sala' ka pamaguangan ri Aki Kapuuno'.”

JUANIS 3:6

Lalagang anakon ru ulun, kaa' ulun anakon saguli' ru Ambiluo ri Aki Kapuuno'.

ROMA 8:9

Kaa' akau no kalo maayag maya' ra paliso ru ulun, kaa' maya' ra Ambiluo ri Aki Kapuuno' – amon ru totopot Ambiluo ri Aki Kapuuno' no maningganai ramuyun. Osoi ayuk kolondo' ra Ambiluo ri Kristus, io no sala' ka i Kristus tatangan.

1 KORINTUS 15:48

Ulun-ulun ru tana' ti mogondo' ri Adam kasaa', inangun intor ra tana', kaa' ulun ru suruga' mogondo' Riso ondo' minatong intor ra suruga'.

1 KORINTUS 2:14

Ulun ondo' kalo nokoowot ra Ambiluo ri Aki Kapuuno', io kalo makaapu ra taak intor ra Ambiluo no. Totopot kalo makarati' io ra taak no. Pangkaraan no, ginio sasambungon ayuk. Sabap ra kalo makarati' io amon ru kalo indanganon ru Ambiluo ri Aki Kapuuno' no.

2 KORINTUS 10:3

Maaru' motopot noyo ra akai ti maayag ra tana' ti, kaa' sala' ka gumula' akai maya' ra paliso ru ulun.

GALATIA 5:17

Sabap ra paliso ru ulun manggal ra Ambiluo ri Aki Kapuuno', am Ambiluo ri Aki Kapuuno' niayuk manggal ra paliso ru ulun. Karuo ruo ti mantula', saboi kalo makapambaal kau ra ondo' sotopot no kasagaan min.

IPISUS 5:9

Sabap ra maayag ralalom ru sinda no magibit ra ampos, ioginio nansalinut baal ra moonsoi, matanda' am motopot.

2 PITRUS 2:10

mulu' poyo ukumin ulun ondo' mampagagaya' ayuk ra kinibit ru guang nilo ra majamol am ondo' manalaing ra kuasa' ri Aki Kapuuno'. Ulun-ulun migigiangku ra mangingila' no makakau' am mangasumbung, saboi kalo mangurumat ilo ra mangunguasa' matulai no.