ROMA 8:35 - Tanou Moonsoi Timugon

³⁵ Mokoondo' kia makapanginga' ri Kristus monogom ritakau? Kapaganan kia? Pagalabaan kia? Kaimbalaan kia? Bitilan kia? Kunsikang kia? Baal makalalaa' kia? Kapoam kapatayan kia? Maaru' kolondo'!

ROMA 8:35 ပူးပေါင်းရင်းမြစ်များ

JUANIS 10:28

Mangani' Aku risilo ra kaayagan mantilayun koson kalo mapuso ilo. Kolondo' noyo mampagaau risilo intor Raki'.

MAZMUR 103:17

Kaa' Tuhan magulayun monogom ra ulun ondo' mangurumat Riso, am kaansayan Nano soroi saboi ra sabuoi-buoi no,

JUANIS 16:33

Ngaangai' ti pinabala' Ku ramuyun, maa' raginio makakaansayan kau sabap ra masimpung kau Raki'. Giti ra tana' ti maimbolo' kau, kaa' paikango' noyo guang min, sabap ra kinala Ku noyo tana' ti.”

2 KORINTUS 4:17

Kapaganan ra kalo maaja' ondo' mailian mai ra sangkinolor ti, magibit ramon ra katulayan mantilayun ondo' maayo poyo toojo intor ra ngaangai' ru kapaganan mai ti.

2 TIMOTIUS 1:12

Ginio boo puun ru aku maimbolo' ra ngaangai' ti, kaa' kalo lumawo pangintapatan kuno sabap ra naintutunan ku toojo osoi Io ondo' inintopot kuli. Am mangintopot aku toojo ra mampalayun Io ra kandoi ondo' pinalansan Nano raki' i, saboi ra Orou Pupus no.

1 KORINTUS 4:11

Saboi raino naitilan am pinaason akai; am lairon ngaangai' konoon maino; inimbolo' akai; kalo mokorondon akai ra rorondo' intok;

ROMA 8:17

Sabap ra itakau noyo anak ri Aki Kapuuno', makaapu takau ra barakat Nano ondo' inula' No ra ulun Nano. Mabaya' ri Kristus, makaapu takau poyo ra atan ondo' inula' noyo ri Aki Kapuuno' Riso. Sabap ra amon ru itakau makaaya' maimbolo' koson ri Kristus, makaaya' takau niayuk katulayon koson Riso.

JIRIMIA 31:3

intor ra maalur minintalang Aku risilo. Ulun kau ru Israil, intor ragili masalok Aku motogom ramuyun, am parayuson Ku mampakito ra masalok Aku motogom ramuyun.

JUANIS 13:1

Songorou poyo am tumalimpuun Pangiantakan ra Paska. Nakapandai i Jisus ra masaboi noyo paat Nano mangiruan ra tana' ti sumaguli' ra Ama' Nano. Masalok Io monogom ra maamaya' Nano, am tinagaman No ilo saboi ra pupus.

2 TISALONIKA 2:16

Gama' ru Tuhan takau, i Jisus Kristus galama', am i Aki Kapuuno', Ama' takau, ondo' nonogom ritakau am ondo' ralalom ru kataawan Nano nangani' ritakau ra guang mataan am ra kalansanan moonsoi,

RINALATAN 14:22

Nampaikang ilo ra ulun-ulun nangintopot am nangkimait risilo koson marayus mangintopot ri Jisus. “Masuang kapaganan matuum takau galing maa' raginio makaili' takau Pamarintaan ri Aki Kapuuno',” nangilaan nilo.

PINAINTALANG 1:5

Intor ri Jisus Kristus, sasi' ondo' lansanin, Io no kasaa' ondo' binayag intor ra kapatayan am ondo' niayuk mamarinta ra raja'-raja' ru tana' ti. Motogom i Jisus ritakau am ra pinatayan Nali pinalabus takau noyo intor ra tula takau.

RIMBAI PANGAMPARAN 3:4

Kakalikar ku ayuk nangiruan risilo, katuum ku ambai kuno. Gapuso' ku io am kalo boo labusin ku, saboi inibit ku io minuli' ra baloi ru ina' kuno, ra lamin ri ina' ondo' naganak raki'.

ROMA 2:9

Ginio ra moonong ulun ondo' mambaal ra kalaatan no maimbolo' am makakapaganan; kasaa' ulun ru Jaudi am niayuk sala' ka Jaudi.

ROMA 8:37

Kaa' ralalom ru ngaangai' baal raginio kamanangan moowot takano maayo, sabap ra motogom i Kristus ritakau.

1 KORINTUS 4:12

mirot akai mangandoi maguyum ra balanja' mai galama'. Paat ra akai simbaalin ra ragu, ruliin mai ra barakat; paat ra akai imboloon, oroton mai ayuk;

2 KORINTUS 4:8

Magail akai ayuk imboloon, kaa' moorot mai niayuk. Maimamang akai, kaa' kalo masaboi malawo guang maino.

2 KORINTUS 4:9

Masuang makimantula' ramon, kaa' kalo igondo' akai iruani' ri Aki Kapuuno'. Kabalu' pana magail akai ayuk pampasin, kaa' kalo noyo maluus akai.

2 KORINTUS 12:10

Sabap raginio, kalo malaa' aku makauma' ra atan ayuk kalawaan; pagasaban, kapoam nansalinut kapaganan sabap ra kaatangan ri Kristus. Sabap ra paat ra aku malawo, maintuma' niayuk raginio paikangon aku boo.

IPISUS 3:19

Ginio maalur poyo intor ra pangkaraan ru ulun. Bagu no makapaliso kau ra moonsoi toojo, mogondo' ra ngaangai' ru kinatanda' ri Aki Kapuuno'.