ROMA 8:32 - Tanou Moonsoi Timugon

³² Kalo iningaan ri Aki Kapuuno' Anak Nano galama', kaa' pinoloso No Io potoyon koson ra kaatangan takau. Amon ru pinataak No Anak Nano ritakau, maaru' mangani' Io poyo ritakau ngaangai' ra bokon.

ROMA 8:32 ပူးပေါင်းရင်းမြစ်များ

KASAUKAN 22:12

Indagu malaikat no, “Pai' mu sinduali' kapoam jamari' anak no. Raino nakapandai Aku ra mangurumat am gumagaya' kou Raki', sabap ra kalo inanggal mu koson mapataak ra anak langkuir muno Raki'.”

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

JISAYA 53:10

Mindagu Tuhan, “Kaimbalaan nano topot sumugut ra kasagaan Kuno; am pasubakon no painawo nano koson taak simbalui ra pangampun ra tula. Ginio ra io maawar umur; makakito io ra papag nano, am ralalom riso gogoton Kuno nasugut.

MATIUS 3:17

Maining boo bolos intor ra limbowon minindagu, “Gitio noyo Anak Kutu ondo' tagamin Kuno. Maansayan Aku Riso.”

MATIUS 7:11

Kabalu' pana malaat kau, mapandai kau niayuk mangani' ra moonsoi ra anak mino. Ama' min giu' ra suruga' pana masaga' mangani' ra moonsoi no ramuyun amon ru makitaak kau.

JUANIS 3:16

Sabap ra maayo kaga' guang ri Aki Kapuuno' ra ulun ru tana' ti, saboi nanaak Io ra Anak Langkuir Nano, maa' raginio moonong ulun ondo' mangintopot Riso kalo mapuso, kaa' mokoowot ra kaayagan mantilayun.

ROMA 11:21

Sabap ra amon ru i Aki Kapuuno' kalo nakaasi' ra ulun ru Jaudi ondo' koson ra raan kopoyo inindaanan Nali, mulu' poyo kalo makaasi' Io ramuyun.

ROMA 4:25

Ginio ra i Jisus no pinataak ra potoyon sabap ra tula takau, am binayag Io saguli' koson itakau mobonsoi saguli' ri Aki Kapuuno'.

ROMA 6:23

Sabap ra tula no mangkinibit ra kapatayan, kaa' taak ri Aki Kapuuno' no kaayagan motopot am mantilayun mababaya' ri Kristus Jisus, Tuhan takau.

ROMA 8:28

Mapandayan takau ra ralalom ru ngaangai' baal manangampos i Aki Kapuuno' ra moonsoi risilo ondo' motogom Riso am ondo' piniau Nano maya' ra inatangan Nano galama'.

1 KORINTUS 2:12

Itakau kalo nokoowot ra kapintaran ru tana' ti, kaa' ondo' ayuk noowot takau, io no Ambiluo ri Aki Kapuuno'. Maa' raginio makarati' takau ra ngaangai' ondo' pataakon ritakau ri Aki Kapuuno'.

2 KORINTUS 4:15

Ngaangai' kaimbalaan no masauk koson ra kaatangan min. Sabap raginio rumuang ulun ondo' makaapu ra kataawan ri Aki Kapuuno', ondo' mulu' poyo maringkuanang am mangurumat ilo ri Aki Kapuuno'.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

2 KORINTUS 6:10

Kabalu' pana guang mai pangilukon, kaa' maansukan akai niayuk. Ilain ayuk ra akai ti musikin, kaa' masuang ulun palangkayaan mai. Ilain ra rondo' ayuk pana kolondo' ramon, kaa' sotopot no akai tatangan ra ngaangai' no.

1 JUANIS 4:10

Gitio noyo togom: sala' ka itakau nonogom ri Aki Kapuuno', kaa' i Aki Kapuuno' nonogom ritakau. Am nanusub Io ra Anak Nano sumauk ra pabansayan ru tula takau.

PINAINTALANG 21:7

Osoi ayuk mangala ra kalaatan gitio saukon Ku riso: Masauk Aku ri Aki Kapuuno' nano am masauk io ra anak Kuno.