ROMA 8:30 - Tanou Moonsoi Timugon

³⁰ Koson niayuk risilo ondo' inaru' noyo ri Aki Kapuuno' kalalair, ilo niayuk piawon No. Ilo ondo' piniau ri Aki Kapuuno', ilo niayuk pobonsoyon saguli' poyo Riso. Ilo ondo' pinobonsoi saguli' ri Aki Kapuuno' no, ilo niayuk katulayon No.

ROMA 8:30 ပူးပေါင်းရင်းမြစ်များ

JISAYA 41:9

Ibiton Takamin intor ra pompor ru tana'; piniau Takamin intor ra intok-intok ra maalur. Mambala' Aku, ‘Akau ulipon Kuno.’ Kalo inggalarin Takamin, kaa' pilion Takamin.

JUANIS 17:22

Katulayan ondo' pinataak Muli Raki', pinataak Ku niayuk risilo, maa' raginio rondo' guang ilo mogondo' Rito.

JUANIS 17:24

“Ama', masaga' Aku ilo ondo' pinataak Muli Raki', mabaya' Raki' ra ati ayuk intok Kuno. Maa' raginio makatutun ilo ra Okou mampatulai Raki', sabap ra motogom Kou no Raki' ra tana' ti kalo poyo biningkal.

JUANIS 5:24

“Balain takamin toojo: Osoi ayuk mangkirongog ra ragu Kutu am mangintopot Riso ondo' nanusub Raki', mokoowot ulun no ra kaayagan motopot am mantilayun. Kalo ukumin io, kaa' nakalabus io noyo intor ra kapatayan am nakatalimpuun noyo maayag.

ROMA 1:6

Akau pana ondo' soroi ra Roma piniau niayuk ri Aki Kapuuno' masauk ra ulun mangintopot ri Jisus Kristus.

ROMA 11:29

Sabap ra kalo makulau guang ri Aki Kapuuno' ra ulun pinili' am binarakat Nano.

ROMA 8:1

Intor raginio, raino kalo boo ukumin ri Aki Kapuuno' ilo ondo' siminimpung ri Kristus Jisus.

ROMA 8:21

ra tauli no ngaangai' ondo' pinasauk ri Aki Kapuuno' palabuson intor ra kuasa' ondo' mamuso am palabuson am katulayon mababaya' ra anak-anak ri Aki Kapuuno'.

ROMA 8:28

Mapandayan takau ra ralalom ru ngaangai' baal manangampos i Aki Kapuuno' ra moonsoi risilo ondo' motogom Riso am ondo' piniau Nano maya' ra inatangan Nano galama'.

1 KORINTUS 1:9

I Aki Kapuuno' no kalansanin toojo. Io no ondo' nampiau ramuyun koson masimpung ra Anak Nano, i Jisus Kristus, Tuhan takau.

1 KORINTUS 2:7

Kapintaran ra rinagu kuli io no kapintaran intor ri Aki Kapuuno', ondo' kalo igondo' pinabala'. Ginio nga ra kalo poyo biningkal tana' ti, pinongo noyo ri Aki Kapuuno' kapintaran Nano koson itakau pana katulayon.

1 KORINTUS 6:11

Ragili mokoondo' kukula' ngaulun intor ramuyun makapaliso koson raginio. Kaa' raino kinapasau kano intor ra tula min am nasauk kano ra ulun ri Aki Kapuuno' galama'. Pinobonsoi kano ri Aki Kapuuno' ralalom inggalan ru Tuhan takau, i Jisus Kristus, am poyo ra kuasa' ru Ambiluo ri Aki Kapuuno' takau.

2 KORINTUS 4:17

Kapaganan ra kalo maaja' ondo' mailian mai ra sangkinolor ti, magibit ramon ra katulayan mantilayun ondo' maayo poyo toojo intor ra ngaangai' ru kapaganan mai ti.

GALATIA 1:15

Kaa' sabap ra asi' ri Aki Kapuuno', nampili' Io raki' ra aku kalo poyo inanak, am nampiau raki' mangandoi Riso.

GALATIA 1:6

Mangimuag aku toojo ramuyun. Mataki' kau niayuk tumalikur intor ri Aki Kapuuno' ondo' ralalom asi' ri Kristus nampiau ramuyun, am maya' kapo ra tanou moonsoi ra bokon.

GALATIA 5:8

Maaru' ginio sala' ka intor ra kinibit ri Aki Kapuuno' ondo' nampiau ramuyun no.

IPISUS 1:11

Intor poyo ra talimpuun i pinili' takano ri Aki Kapuuno' masauk ra ulun mangintopot riso ralalom pasimpungan takau ri Kristus. Ngaangai' no baalon sumugut ra inatang am inaru' ri Aki Kapuuno'.

IPISUS 1:5

Sabap ra togom Nano, inaru' noyo ri Aki Kapuuno' ra ralalom ri Jisus Kristus itakau saukon ra anak-anak Nano. Gitio noyo sotopot no kasagaan Nali.

IPISUS 2:6

Nampaluat Io ritakau nabaya' ri Jisus Kristus, maa' raginio makapabaya' takau Riso mamarinta ra orou matong giu' ra suruga'.

IPISUS 3:11

Am gitio binaal ri Aki Kapuuno' sumugut ra atan ondo' inatang No kalalair i ralalom ri Jisus Kristus, Tuhan takau.

IPISUS 4:4

Rondo' ayuk inan am rondo' ayuk Ambiluo ri Aki Kapuuno', mogondo' niayuk ra rondo' kalansanan mino ra akau piniau ri Aki Kapuuno'.

KOLOSI 3:4

Ginio nai ra i Kristus noyo puun ru kaayagan bagu mino. Am paat ra Io paintalangon saguli', makapasimpung kau Riso ra katulayan Nano.

1 TISALONIKA 2:12

Sinawai, sinimayo am kinimaitan takamin koson maayag kau sumugut ra kasagaan ri Aki Kapuuno', ondo' mampiau ramuyun makaliman ra Tana' Bagu ri Aki Kapuuno' am katulayan Nano.

2 TIMOTIUS 2:11

Motopot toojo ragu ragitio: “Amon ru matoi takau mabaya' Riso, maayag takau niayuk mabaya' Riso.

IBRANI 9:15

Ginio nai ra mansail ri Kristus noyo i Aki Kapuuno' nakapambaal ra nabantuan bagu, maa' raginio ulun ondo' pinili' Nano makaapu ra barakat mantilayun ondo' binantu' Nali. Ngaangai' raginio masauk sabap ri Kristus minatoi noyo koson mampakaayag ra ulun intor ra sala ondo' binaal nilono nakapaat ra nabantuan kasaa' i iniou.

1 PITRUS 2:9

Kaa' akau ti noyo bansa' ondo' pinili' ri Aki Kapuuno', imam ru Raja', bansa' inaru' mangandoi Riso, ulun Nano. Pinili' kau ri Aki Kapuuno' am piniau kau intor ra kalandaman sumubol ra sinda Nano ondo' makaimuag, koson mampatanou kau ra baalon Nano ondo' makaimuag.

1 PITRUS 3:9

Pai' min noyo balasi' kalaatan ru ulun ra kalaatan niayuk, kapoam unjaka' ra unjaka' niayuk; kaa' sotopot no kitaaki' min ilo ra barakat. Sabap ra binarakat kano ri Aki Kapuuno' paat ra Io nampiau ramuyun.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.

2 PITRUS 1:10

Gino ra pabukat kau ngai', pirot kano mampakito ra kaayagan min ra piniau am pinili' kau ri Aki Kapuuno'. Sabap ra amon ru gitio noyo baalon min, kalo noyo lumugut kau.

PINAINTALANG 17:14

Tumula' ilo ra Anak Domba no. Kaa' Anak Domba no am ilo ondo' gumagaya' Riso no, ondo' piniau Nano am ondo' pinili' Nano, mangala ra raja'-raja' nano, sabap ra Io noyo Tuhan ru ngaangai' tuan am Raja' ru ngaangai' raja'.”

PINAINTALANG 19:9

Indagu boo malaikat no raki', “Tulisi' noyo gitio: Pakaansuk noyo ilo ondo' piniau ra bunsag paguatan ru Anak Domba no.” Tungguli' poyo ru malaikat no, “Gitio noyo pambalaan motopot intor ri Aki Kapuuno'.”